心聲留言今日: 4|主題: 17569

收藏本版

發帖

返回列表

跳至頁

查看: 15500 | 回覆: 3

其實呢個世界，無得報仇，但又好難出氣 [複製鏈接]

kensiu

男爵府

積分: 5541

1^#

發表於 21-11-5 02:44 |只看該作者 |倒序瀏覽 |打印

其實我一直覺得，呢個世界最可惡既唔係咩新聞報紙上既悍匪大盜，你問心，我問心，做人成世你有幾可會比人打劫甚至遇上呢D人？咩殺人放火其實都只係冰山一角，最重要既係呢D事係統計學上唔容易發生。

而且就算發生，呢個世界有法律，有刑法去對付呢D人。

但呢個世界，道義道德同法律既鴻溝實在太大，太多人係呢兩者中間做盡損人利己，甚至損人不利己既事情。一個賤人，通街噴煙，通街打乞痴，三九唔識七無端端眼超超，排隊等巴士係你後面噴大氣，踩到人撞到人當無野唔道歉，拉低個口罩嘴秒秒，一路行一路渣住個手機到處撞。。。。
其實仲有好多好多好多好多。。。更多既係一種態度上既討厭。

呢個世界，道義道德同法律既鴻溝實在太大。。。。

小時候可以好簡單去想四個字就安慰到自己，”將來報仇“

大個左先發現，呢個世界原來真係無報仇呢樣野。。。。

就算比你係首富，你可以做到d乜野去對付一個極度討厭既人而無需承擔後果？

就算你大把錢，去請雇傭兵，咩省港旗兵，乜兵物兵，呢D其實只係電影情節，你根本無可能因爲有錢而置身事外，好多人只係電視電影裏面低估左警察既專業，同高估左律師既能力。。。。現實係，絕大部分刑事案警方都可以破案，絕大部分大律師都無辦法打甩一D真係有做過既案

天理，報應? 我仍然相信，但來得太慢。你有幾可見到現眼報？我覺得真正既報應係你看到呢個人既前因，後果，這樣才算報應。

呢個世界多數只會看到有人生病而看不到他的過去。。。這只有悲哀。。。
呢個世界多數只會看到有人作惡而看不到他的報應。。。這只有憤怒。。。