婦女醫護 今日: 1 | 主題: 34304

積分: 2864

1^#

發表於 19-9-17 11:56 |只看該作者 |倒序瀏覽 |打印

話說我本身睇開中環李福謙醫生好多年，早幾日去見佢我話已經唔會再考慮懷孕(ivf左好多年+經歷早期及中期小產），希望處理左呢個腺肌症問題，所以想傾吓做手術，因為每個月超過一半嘅時間都係好難受，流勁多血同埋各種痛。點知佢竟然超級拒絕我，話我得37歲做乜要切左佢，話怕我會後悔。同埋極力遊說我食visanne。我梗知自己未夠40，但希望用治本方法解決攞返個人生。我話見好多食過呢隻藥嘅人效果唔一定有保證，好多人都話係咁流血，唔係個個都咁好彩有最佳嘅效果，咁即係又要試同埋搏？真係捱多一個月都嫌多。

不過李醫生唔知點解好似講到隻藥好神咁，極力遊說我要試囉。

(續）

0 0 0

私人傳訊

積分: 2864

2^#

發表於 19-9-17 11:57 |只看該作者

zitali8283 發表於 19-9-17 11:56
話說我本身睇開中環李福謙醫生好多年，早幾日去見佢我話已經唔會再考慮懷孕(ivf左好多年+經歷早期及中期小 ...

所以去見阮醫生攞意見，因好多人話佢手術手勢好好。我知道切子宮留卵巢，基本上對女人衰老影響唔係太大。我覺得佢傾向做手術，佢覺得呢個方法先係真正解決問題，辛苦嗰個自己知自己事，想解決就係要做手術。同埋佢話隨年紀，腺肌症問題只會越嚟越嚴重，再遲啲先選擇做，風險就更高難道更高。不過佢話，可以有機會做手術嘅時候先發現卵巢一定要切，例如卵巢同子宮黏連太勁黐住等。所以唔知道有冇jm, 本身都有類似嘅問題，但係成功手術保存到卵巢？?如果當我做完手術醒返嘅時候，醫生同我講卵巢切左，真係會接受唔到(emoji)

私人傳訊

積分: 2864

3^#

發表於 19-9-17 11:58 |只看該作者

zitali8283 發表於 19-9-17 11:57
所以去見阮醫生攞意見，因好多人話佢手術手勢好好。我知道切子宮留卵巢，基本上對女人衰老影響唔係太大。 ...

針唔吉到肉唔知痛，我希望會覆我個post嘅Jm, 係真係明白我呢個病係有幾難受。我成日見好多人都會話，睇多幾個醫生先啦，諗清楚未呀你，女人唔好輕舉妄動切子宮，每個器官都有佢嘅用途....etc. 其實有頭髮邊個想做癩痢？如果係會講呢啲說話嘅，唔好意思唔使覆我了(emoji)(emoji)‍♀️(emoji)(emoji)‍♀️(emoji)(emoji)‍♀️

私人傳訊

Nbs

水晶宮

積分: 62890

4^#

發表於 19-9-17 13:52 |只看該作者

回覆樓主:

我唔係腺肌症，但我係揾阮做肌瘤的，而且我自己係醫護我知道阮做微創手勢香港真係數一數二。我諗佢只係將可能性話你聽，每個人唔同病情，其他人保留到卵巢唔等於你一樣。反而著眼點係揾個掂的醫生。我會有信心就算黐阮醫生都會搞得掂，佢搞唔掂的話應該無其他人可以。

私人傳訊

積分: 2864

5^#

發表於 19-9-17 14:00 |只看該作者

Nbs 發表於 19-9-17 13:52
我唔係腺肌症，但我係揾阮做肌瘤的，而且我自己係醫護我知道阮做微創手勢香港真係數一數二。我諗佢只係將可 ...

唔該晒你jm, 你咁樣講令到我對佢信心更加大，因為我本身婦科唔係睇佢開佢，我真係自己上網睇吓邊個醫生手勢好所以搵佢㗎咋。不過佢個人都真係幾cool

，但如果真係做手術，點都要手勢好嘅醫生，咁我真係做我都係諗住搵佢嘅，不過依家戰戰兢兢好驚卵巢保留唔到。我有問佢有冇需要再做啲咩檢查先做手術，不過佢又話唔使，其實因為上年8月我係第一次見過佢照過，都係問有關腺肌症嘅嘢，佢就咁話8月已睇過情況，如而家想做就唔洗再檢查。

你當時用微創？見人話佢多數用微創做手術

私人傳訊

Nbs

水晶宮

積分: 62890

6^#

發表於 19-9-17 14:27 |只看該作者

zitali8283 發表於 19-9-17 14:00
唔該晒你jm, 你咁樣講令到我對佢信心更加大，因為我本身婦科唔係睇佢開佢，我真係自己上網睇吓邊個醫生手 ...

本帖最後由 Nbs 於 19-9-17 14:30 編輯

佢係cool 㗎，即使對住我係同行自己人都係咁，一句多餘說話都無。不過無問題嘅，佢只係唔係嗰D四萬咁口同你談天說地的style 啫。我揾佢都係因為我個case 有D複雜，我自己知唔係隨便揾個婦科醫生就搞得掂。我夜晚10pm做完微創，2am 已經自己落床去廁所，跟住 8am 巡房已經話可以出院。搞埋手續，1pm 落埋canteen 食埋飯先返屋企。

Btw 黏粘真係無檢查可以 check到照到，都係手術直接睇。

私人傳訊

積分: 2864

7^#

發表於 19-9-17 14:40 |只看該作者

Nbs 發表於 19-9-17 14:27
本帖最後由 Nbs 於 19-9-17 14:30 編輯

佢係cool 㗎，即使對住我係同行自己人都係咁，一句多餘說話都無 ...

好犀利，咁快可以走動自如

你個手術做咗幾多個鐘頭呀？

私人傳訊

Nbs

水晶宮

積分: 62890

8^#

發表於 19-9-17 21:19 |只看該作者

zitali8283 發表於 19-9-17 14:40
好犀利，咁快可以走動自如

你個手術做咗幾多個鐘頭呀？

個幾鐘
不過我切肌瘤係簡單過你切子宮的。

私人傳訊

積分: 1328

9^#

發表於 19-9-19 00:47 |只看該作者

回覆 zitali8283 的帖子

Hello樓主，我明白你的痛苦。因為我2O l6年朱古力瘤切了右卵巢，那時又是半个月M同痛，貧血。做完手術以为冇事，食V i s a n n e三个月流足血三个月，以为係子宮肌瘤，又食另一種药，吾得，又試中医都吾得，拖到上年十二月，頂吾順，吾想再做手術都要做，兩次都开大刀。一路貧血好辛苦，冇哂精神。今年二月康復，吾同唒，精神番，冇貧血，生活正常，吾洗再痛，好好。我第二次做手術之後先知，原來我朱瘤復發，加子宮肌瘤，再加腺肌症，咁严重，根本冇可能吾做手術。我觉得我如果早D做手術，就吾洗受咁耐苦。点解你話接受吾倒冇左卵巢，怕变老？

私人傳訊

dc712004

男爵府

積分: 5969

10^#

發表於 19-9-19 08:23 |只看該作者

zitali8283 發表於 19-9-17 11:58
針唔吉到肉唔知痛，我希望會覆我個post嘅Jm, 係真係明白我呢個病係有幾難受。我成日見好多人都會話，睇多 ...

我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我好想講做左一了百了，冇唔舒服

私人傳訊

積分: 2864

11^#

發表於 19-9-19 10:19 |只看該作者

joejerry 發表於 19-9-19 00:47
回覆 zitali8283 的帖子

Hello樓主，我明白你的痛苦。因為我2O l6年朱古力瘤切了右卵巢，那時又是半个月M ...

Hello jm, 所以你現在已是全切曬，包括成個子宮及兩個卵巢嗎？
我唔介意作為一個女人，冇左子宮，但係卵巢係釋放女性荷爾蒙，只是唔想冇咗卵巢加速衰老好快變醜樣

。我兩個卵巢係冇朱古力瘤呢啲問題，不過我係有黏連問題，阮醫生講過一個風險就係可能做手術時，發現黏連好嚴重就會切埋個卵巢。我絕對唔想再食藥，你一向都有呢一個痛苦，一定明白不停咁食好多藥亦都好難受。加上我媽咪有乳癌，所以我都係高風險，真係唔想食賀爾蒙藥食一世。我真係想用治本嘅方法解決，只不過聽完醫生咁樣講，發現原來卵巢唔一定百分百想留低就留得低，唉。所以我呢排真係好煩惱

私人傳訊

積分: 2864

12^#

發表於 19-9-19 10:22 |只看該作者

joejerry 發表於 19-9-19 00:47
回覆 zitali8283 的帖子

Hello樓主，我明白你的痛苦。因為我2O l6年朱古力瘤切了右卵巢，那時又是半个月M ...

Jm你做手術時幾多歲啊？
其實我有睇開中醫，連佢都話我應該用手術嘅方法解決，既然每個月都咁痛苦唔應該捱，亦都唔應該食visanne呢啲荷爾蒙藥食一世。佢又唔覺得我只係37歲，就唔可以做手術住，只要留得低卵巢佢覺得其實冇問題。

私人傳訊

積分: 2864

13^#

發表於 19-9-19 10:23 |只看該作者

dc712004 發表於 19-9-19 08:23
我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我 ...

Hello jm, 范醫生而家仲會睇新症嗎？我見好多人都讚佢

私人傳訊

積分: 2864

14^#

發表於 19-9-19 10:40 |只看該作者

dc712004 發表於 19-9-19 08:23
我也因肌膚瘤太大、今年五月上宮全切連輸卵管.做了微創搵左范徳忠.手術做的得好好人臣好细心.作為過來人我 ...

打電話問咗姑娘，范醫生真係唔接新症了

私人傳訊

dc712004

男爵府

積分: 5969

15^#

發表於 19-9-19 10:44 |只看該作者

zitali8283 發表於 19-9-19 10:40
打電話問咗姑娘，范醫生真係唔接新症了

你有興趣可俾佢e mail 你、之前我也打去真係唔收！但我真心推介佢、好好好細心

私人傳訊

積分: 2864

16^#

發表於 19-9-19 10:48 |只看該作者

dc712004 發表於 19-9-19 10:44
你有興趣可俾佢e mail 你、之前我也打去真係唔收！但我真心推介佢、好好好細心
...

佢回覆email咁好㗎？
好呀唔該你

咁我試吓email佢知我成個情況，再睇下佢會唔會肯接我個case

私人傳訊

積分: 1328

17^#

發表於 19-9-19 13:09 |只看該作者

回覆 zitali8283 的帖子

樓主，我依家四十九歲。你嘅情況，个个月都咁辛苦，点生活。我明如果真係要割埋卵巢，可能会快D老，係会吾开心，咁就要衡量吓選那一个方案好D。我依家做左差不多一年，朋友話我精神左，老就未觉得。我之前未講，第二次做手術時D瘤令我小便都去吾倒，我冇可能吾做。我想你可以問吓医生黏嘅机會有几多，我之前都驚黏膀胱，但医生話机会细。考慮清楚，做同吾做嘅好壞處，始終你都要自己決定。

私人傳訊

積分: 1328

18^#

發表於 19-9-19 13:20 |只看該作者

回覆 joejerry 的帖子

樓主，切埋卵巢一定要食荷爾蒙药嗎？医生点講，吾食吾得咩？我医生说我不用吃。

私人傳訊

積分: 2864

19^#

發表於 19-9-19 13:46 |只看該作者

joejerry 發表於 19-9-19 13:20
回覆 joejerry 的帖子

樓主，切埋卵巢一定要食荷爾蒙药嗎？医生点講，吾食吾得咩？我医生说我不用吃。

可能係因為你嘅年紀接近停經嘅年紀，所以唔需要特登食藥？
醫生就話，如果卵巢冇咗，就食賀爾蒙藥補充，加上我37相信醫生會建議食，除非我唔介意提早3x就更年期

。不過我媽媽50歲因為良性腫瘤都全切，但醫生都比荷爾蒙藥佢食喎，可能佢自己想冇咁快衰老啦。唔知道佢食咗幾多年，不過佢五十幾歲時生乳癌，佢覺得係食得多荷爾蒙藥，加上後生時食好多避孕丸。所以我真係好討厭食藥，我已經每個月食超級多止痛藥同止血藥。有時period好多日都唔停，醫生又開黃體。同埋我2013年就開始做ivf, 又係用過好多藥。所以我先至唔想食一世visanne。但做手術又有個風險切卵巢，咁就又要食賀爾蒙藥

私人傳訊