吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 住大阪年半之後發現好悶，唔知自己1個嗰時想行去邊 ...

自由講場今日: 768|主題: 1367513

收藏本版

發帖

返回列表

跳至頁

查看: 11614 | 回覆: 67

住大阪年半之後發現好悶，唔知自己1個嗰時想行去邊

[複製鏈接]

12 3 4

utopia25

大宅

積分: 1526

1^#

發表於 21-12-6 11:50 |只看該作者 |倒序瀏覽 |打印

本帖最後由 utopia25 於 21-12-6 21:06 編輯

多謝晒大家嘅分享同回覆。雖然住日本有好多好處，但都有所犧牲，例如喺大阪住年半之後會覺得好悶，有種城市嘅壓迫感，覺得冇地方好去，因為對我嚟講好多地方消費太貴唔適合閒日自己去，我淨係諗到一個方法，就係等病好之後去箕面嗰個溫泉物語，有疫情後都冇去過，如果冇加價，就算計埋要搭一個鐘火車去都係我負擔範圍內。岩盤浴可以令我唔使諗唔開心嘅嘢，好療癒。用埋回數券會再抵啲。

閒日老公多數要出trip，我自己一個人返工放工，加上有疫情更加唔使期望有咩平民價錢嘅娛樂，最開心已經係玩下VＲ同上ｙｏｕｔｕｂｅ，同埋間然中去睇下樓（升到好鬼貴！希望出年買得成）要好識安慰自己先得。

之前住宮崎同滋賀，雖然出出入入都靠老公揸車先得，但係感覺冇咁悶（或者應該話悶喺唔同嘅位，郊外地方係悶在交通時間耐同舖頭選擇少，但建築物較有特色同埋好多舖頭大好多），特別係宮崎，普通一條街都有啲靚嘢睇吓，景色又靚啲，搬咗去滋賀已經覺得悶，但好在仲有啲温泉設施支持住我，去一次之後成個月都感覺OＫ，搬去大阪嗰時已經有疫情，連呢度最後嘅安全網都唔敢去住，真係唔知點過到咁耐的。好在已經打咗兩針疫苗，而家大阪感染個案少咗好多，同埋聽講去啲又熱又濕嘅地方相對冇咁大感染風染，我希望岩盤浴算係又熱又濕，我知點都係有風險，我會試下入到去岩盤浴房都唔除口罩，同盡量揀少人嗰時去，同其他人隔到最開咁，我都好想居家到零個案，但係其實個人認為冇咩可能歸零，而家係唔係大阪嘅個案最低點都好難講，但每日十幾單咁喺大阪嚟講係算好低吓。
題外話，記起以前喺香港，悶起上嚟去搭天星小輪遊船河都係十蚊八蚊唔使猶豫，唔止大阪，日本巴士都係貴好多，遊車河係唔使諗，因為去得唔遠來回都要四五百円，即係成３Ｘ蚊。至於踩單車，學識之後喺公園踩都係一個解悶方式，出咗公園就唔係嗰回事，要避人避單車避車，同遊車河感覺唔同，我老公識踩都唔敢周圍望要好集中。另外就係個人問題，講開就慚愧我唔知點解細個踩到大個咗就踩唔到，唔夠力或者平衡唔到，我唔想撞親人，加上試過炒車留下疤痕好有陰影，但見到留言提議公園踩單車，都係一種娛樂，好似幾好。多謝！

好彩我哋住得近火車站，行路係去到兩三個最近嘅站，食嘢同日常購物方便。

0 0 0

私人傳訊

小菜豆

公爵府

積分: 29277

馬年勳章 2025勳章蛇年勳章 2024年龍年勳章

2^#

發表於 21-12-6 11:54 |只看該作者

在大阪租緊屋?
坐鐵路會唔會平D?

私人傳訊

graceyung

伯爵府

積分: 18486

3^#

發表於 21-12-6 11:57 |只看該作者

渣車會唔會好啲？養車貴唔貴？

私人傳訊

上校車

水晶宮

積分: 74565

4^#

發表於 21-12-6 11:58 |只看該作者

消費咁高, 你地人工有無跟返個消費而調整 ?

私人傳訊

木土土

琥珀宮

積分: 169597

5^#

發表於 21-12-6 11:58 |只看該作者

出街來回交通3x蚊，其實香港都唔差好遠。

私人傳訊

licpd

男爵府

積分: 9699

6^#

發表於 21-12-6 12:03 |只看該作者

但日本公司會有交通費報銷, 以前的日本同事都住得遠但公司出交通費

私人傳訊

utopia25

大宅

積分: 1526

7^#

發表於 21-12-6 12:07 |只看該作者

小菜豆發表於 21-12-6 11:54
在大阪租緊屋?
坐鐵路會唔會平D?

你好：）係呀租緊，如果價錢啱好想買返呢度，所以仲要儲錢儲多一年半載，忍悶都冇計啦。
鐵路呢都係貴架，邊樣貴啲就冇考究，我好少搭巴士，但搭JＲ一個站都成二百円單程（即大約ＨＫ＄１４），所以搭幾個站來回使好幾十蚊係好平常嘅事，地鐵一樣唔平，所以冇諗過好似喺香港咁冇咩特別目的都隨便去搭嚟解悶，通常最多都係一星期同老公出街嗰時搭一次。

不過其實都係自己賺錢唔叻嘅問題，有錢嘅話我覺得日本唔會悶，好多嘢玩。