母乳餵哺 今日: 0 | 主題: 85707

積分: 2054

1^#

發表於 04-11-28 02:24 |只看該作者

好辛苦咁轉返全人奶...不過今日d奶又突然少左...好擔心!

all,

我個b仔係5/10月出世...而家個半月多d咁大...我之前d奶一直都上得唔錯...咁佢都係一直食全人奶...但自從我媽咪係我生完bb半個月到(17/10)係美國返左黎睇bb(佢返黎半個月)...咁岩個陣bb照完燈出院...又加上佢個陣係收水...所以會瘦d...咁佢個日見到亞b食完冇即刻訓就話我唔夠奶(我媽咪話訓緊要過食)...即刻補左奶粉俾佢...加上個日佢見到我食飯...見到我食菜就係咁鬧我...話我咩都唔識...座月好多野都唔可以食...咁佢之後就負責煮野俾我食...但佢每餐只係用大大大量既酒同麻油(一支可以用二三日就用完

)...其他調味品咩都唔會落...一餐入面只有一小碟'送'...一下蛋/'還'魚/雞...之後咩都冇...加埋木瓜湯(佢買d好熟既木瓜)...其他野少少都唔俾我食(有時會趁佢唔覺老公放少少野係洗手間等我食)...連水都話唔俾我飲...攪到我自己都冇晒營養...而bb埋身食又少...所以d奶就急跌(健康院d姑娘都問我做咩差左咁多?)...所以我好唔開心...但又唔可以同佢嘈...咁就唯有忍半個月...終於等佢走左喇...我好辛苦咁迫bb埋身食多d...佢起初唔肯食...好多時都未俾佢食...一抱起佢埋身就已經哭...攪到我好心痛...好多時bb一食就食成個幾鐘以上...身邊好多人都叫我唔好餵...甚至覺得我搵黎攪...我自己咁辛苦完全係自己羅黎賤...仲要覺得我害左bb...攪到佢冇得訓...所以我真係好唔開心...仲幾次為左呢樣野忍唔住哭...我真係明明係為bb好...點解d人覺得我害左bb?...唔通我真係錯?應該放棄?

...因為我bb出世個陣因為佢隻手多左隻手指仔...所以佢遲d要做個手術...所以正因呢樣野...我好內疚...完全覺得自己錯...就因為呢份自責我就堅持落去...唔理我自己幾辛苦都好...只要對bb好既我都會去做...咁經我係咁迫佢埋身慢慢cut佢奶粉份量後...係前幾日開始(七日)...我就開始完全冇補奶粉俾佢...雖然我唔知係唔係完全成功(因為我末同bb去健康院磅重)...但我都好開心!...不過今日唔知做咩d奶量好似突然又少左...所以好擔心...希望咁多位可以幫下我...thx!(因為我真係撐得好辛苦)

有幾個問題想向大家請教:
1)其實我咁樣做係岩定錯?...因為bb真係食人奶食好耐(一個鐘以上,有次試過三個鐘)...我咁佢食法係唔係令佢冇晒休息?
2)佢成日食食下又訓...攪極都唔醒...不過一放低佢唔夠一陣又哭要食...所以好似全日都埋身咁...我自己連食野沖涼時間都冇咩咁濟...有咩方法可改善?
3)係唔係一邊食一邊泵會好d?...咁但係會影響bb食緊個邊d奶量從而令佢唔夠食嘛?
4)係唔係要食清d奶...咁先會做多d奶?...咁何為食清?...係唔係一d都冇先叫清?...
5)bb埋身個陣...當乳房既奶量開始少...佢就開始唔食...仲哭...咁有咩方便令佢食清?
6)我琴日有食參進補...係唔係因為食左參而回奶呢?
7)有咩方法可以令奶量keep到個水位係足夠俾bb食?

唔好意思...太多問題...但希望大家可以幫下我...一萬個thx!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

boey

男爵府

積分: 8888

2^#

發表於 04-11-28 03:12 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒1101 ,
我唔知點去教你sorry

不過我知道你係一個好好既媽媽,因為你願意將再好既營養比你既bb,想多d奶可以飲多d魚湯同花生黃豆煲猪腳,會上奶上得快d.
加油呀!千祈唔好放棄比bb食媽媽奶

私人傳訊回覆引用

積分: 1958

3^#

發表於 04-11-28 07:54 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒1101,
我阿b同你個b差唔多大喎, 佢10月1日出世, 重3kg, 滿月重4kg。我同你都一樣, 開頭餵得幾好嫁, 喺阿b第3個星期同佢轉晒媽媽奶, 點知佢連續兩個禮拜都無重, 仲輕左, 健康院醫生叫我要補奶粉,1日3餐4安, 當時其實都好唔願意, 但屋企人 (包括老公) 都比自己好大壓力, 叫我唔好勉強!!
我都有同感, 個個覺得我好似自己攞嚟辛苦, 無人明白自己, 連老公都唔支持, 自己好似孤軍作戰, 好委屈, 終於都屈服開始補奶粉, 點知愈補愈發覺阿b對奶粉需求愈來愈狂, 好多時啜幾下媽媽奶就要扭奶粉, 有時仲要補多1餐, 有時要食到5安至擺休, 自己覺得開始"惡性循環", 變左補人奶。
跟住好彩求助 bk 嘅媽媽, 仲參與左佢地上星期六嘅gathering, 得到好多 bf 熱心媽媽嘅意見, 終於即日決心戒甩晒奶粉, 同你一樣, 阿b開頭一埋身就扭計, 仲喊到拆天尖叫, 咁我就抱住佢行下慢慢氹番, 跟住再試, 試多幾次, 佢就肯啜, 記住要好忍心同有耐性咁氹佢, 我聽到佢喊得咁慘都好心痛, 懷疑自己錯, 但堅持左幾日, 終於有d起色, 好似多左奶, 佢亦扭少左。我自己就飲青木瓜湯、多奶茶, 鮮奶同豆漿等, 希望多d奶, 仍然要繼續努力!
總之, 要有決心, 有信心一定得, 一定會成功嘅! 大家一切努力, 加油啦! 仲有記住呢度好多bf媽咪喺度無限量支持你嫁!!
:lol:

私人傳訊回覆引用

wendy_ho

子爵府

積分: 11765

好媽媽勳章

4^#

發表於 04-11-28 13:22 |只看該作者

Re: 好辛苦咁轉返全人奶...不過今日d奶又突然少左...好擔心!

有幾個問題想向大家請教:
1)其實我咁樣做係岩定錯?...因為bb真係食人奶食好耐(一個鐘以上,有次試過三個鐘)...我咁佢食法係唔係令佢冇晒休息?
acctually, he is sleeping/resting, since he close his eyes, like us take a rest during travelling. bb從吸吮取得安全感,therefore, your bb is very enjoy this, don't worry, but this will let you lost your time to do yourself and can't have enough sleep, take care.

2)佢成日食食下又訓...攪極都唔醒...不過一放低佢唔夠一陣又哭要食...所以好似全日都埋身咁...我自己連食野沖涼時間都冇咩咁濟...有咩方法可改善?
我的bb有時也是這樣,一次,兩次,三次之後,就不要理她,由她哭15-30mins,做o下自己野,eg.bathing for relex yourself, and feed again

3)係唔係一邊食一邊泵會好d?...咁但係會影響bb食緊個邊d奶量從而令佢唔夠食嘛?
不會,但我的bb好大食,要是泵了出來,不出數小時,他便要食埋,所以,我現在會在餵夜奶後泵他吃剩的奶,每次也有1至1.5oz,而且凌晨3-5 a.m.泵清乳房,能刺激乳量分泌

4)係唔係要食清d奶...咁先會做多d奶?...咁何為食清?...係唔係一d都冇先叫清?...
人奶是無法食清的

5)bb埋身個陣...當乳房既奶量開始少...佢就開始唔食...仲哭...咁有咩方便令佢食清?
同上,但可以餵完後再泵出來,但未必泵到奶

6)我琴日有食參進補...係唔係因為食左參而回奶呢?
應該唔會

7)有咩方法可以令奶量keep到個水位係足夠俾bb食?
勤餵勤泵

希望可能幫到你!

私人傳訊回覆引用

積分: 2054

5^#

發表於 04-11-28 16:07 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]wingtsang,

首先好多謝你既支持呀!...thx!:-P...原來你同我都好似...身邊冇人支持...但係我地一定可以用bb既健康去証明我地係冇擇錯既!...至於我地辛苦又有咩所謂...做人媽咪只要見到係對bb好既就值得啦...right??

...係喎..咁你而家d奶上得好唔好呀?...同埋我想問你試過多奶茶之後點呀?...因為我都想試下呀...係唔係個個都飲得呀?...你個b而家一日食幾多餐呀?...我個bb仲係起碼十餐而上...而夜奶仲未介呀...嘻...我好似好八咁...希望你唔好介意啦...我地一齊努力丫!...講真...真係好左有bk呢個網呀!...因為呢度真係好有人情味!...好多時真係呢度既媽咪開解同幫我呀!

...仲有如果下次再有聚會...介唔介意叫埋我呀?

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

積分: 2054

6^#

發表於 04-11-28 16:16 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]wendy_ho,

好多謝你咁有耐性逐一答我既問題...thx! :-P

我而家有試過一邊餵一邊泵...但我發覺如果bb係另一邊食...我用泵真係可以泵多好多...但如果唔係...就咁絛啦啦咁泵...就好少呀...咁係唔係代表我唔夠奶呀??-( 我聽有d人講用二個泵一齊泵會好好多...係唔係真呀?...咁我需要再買一個泵嘛?

同埋你點睇bb食得飽唔飽?...因為d姑娘講過佢會好滿足咁笑...但佢成日笑完...好快又食...咁講準唔準呀?

再者...你點衡量自己既奶係足夠俾bb食呀?...因為我好擔心佢有時係太累而唔再食...並唔係因為飽呀...

我想問如果有時谷奶...但冇即時俾bb食/泵出...係唔係會回奶呀?

希望你冇俾我煩親啦...不過你唔洗一定答我嫁...anyway...thx!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

Smilesun

男爵府

積分: 5769

7^#

發表於 04-11-28 17:51 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒1101 ，
你好偉大呀！咁辛苦都不放棄，俾我已放棄了，你的分享將會是其他媽咪的激勵呀！我都係因為我舅母的艱苦分享（佢之前餵到兩邊乳頭都爛咁濟都照餵，我表弟最後食到兩三歲，好健康）先會一直堅持下去的，要加油．

1)其實我咁樣做係岩定錯?...因為bb真係食人奶食好耐(一個鐘以上,有次試過三個鐘)...我咁佢食法係唔係令佢冇晒休息?
我覺得你係岩，但我去健康院見醫生時，佢話如果阿ｂ食超過四十五分鐘，可能係食的姿勢唔啱，佢教我之後，我就可以係半個鐘內餵完，有時佢仲想食，但我唔俾，因為我覺我佢已飽，只是想吸啜，因為佢食得慢了好多，又半食半瞓咁，如果佢食咁耐，我無得休息，我下一次就會唔夠奶啦，媽咪休息對上奶好重要架．至於ｂｂ佢一路食一路瞓，其實都應該夠休息的
2)佢成日食食下又訓...攪極都唔醒...不過一放低佢唔夠一陣又哭要食...所以好似全日都埋身咁...我自己連食野沖涼時間都冇咩咁濟...有咩方法可改善?
你有無試過彈佢腳板（會心痛ｄ），又或用濕毛巾抹佢面仔，都好有用，之前我囡囡都係咁，用了濕毛巾就會醒，現在佢學識一路瞓一路食，真係聽到佢鼻寒聲又見佢吸緊．有時佢喊又咀郁郁，未必係想食，可能係想瞓又想有吸啜的安全感才會口口郁郁，我試過放隻手指俾佢佢就啜又唔喊，即係唔肚餓啦，如果佢肚餓發覺唔對路一定會喊．
3)係唔係一邊食一邊泵會好d?...咁但係會影響bb食緊個邊d奶量從而令佢唔夠食嘛?我覺得會出得快ｄ，因為我一邊食一邊泵時，囡囡會特別醒神咁，唔知係唔係呢？
4)係唔係要食清d奶...咁先會做多d奶?...咁何為食清?...係唔係一d都冇先叫清?...?姑娘話唔會一ｄ都無架，我想清係無噴奶反射或再泵不出咁解．．
5)bb埋身個陣...當乳房既奶量開始少...佢就開始唔食...仲哭...咁有咩方便令佢食清?掃一陣風先餵啦，我都係咁，尤其係搖身嗰隻掃風．．
6)我琴日有食參進補...係唔係因為食左參而回奶呢?
7)有咩方法可以令奶量keep到個水位係足夠俾bb食?我一星期煲三次湯，一次分兩日飲，包括：木瓜魚尾，花生木瓜章魚，黑豆塘虱，椰子雞，飲完都會谷奶的．．另外食木瓜當水果都會谷奶架．．．

我的大寶貝喜悅晴朗　　我的小寶貝光明喜樂
我的編織作品溫暖牌　　

私人傳訊回覆引用

積分: 1958

8^#

發表於 04-11-29 00:26 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒1101:
嘩, 你阿b都重得好好呀! 我阿b嘅體重增長就唔係太理想咋:
1/10 出世3kg, 跟住有兩個禮拜體重不進反跌, 1/11先得3.4kg, 狂補奶粉後15/11 先有4.05kg, 下次要到3/12至到健康院磅, 而家都有d擔心嫁, 但知道個個BF BB嘅體重增長都唔同, 落後左遲d一定追得番嘅, 相信捱過左就好ok嫁啦!

我而家都未係餵得好好咋, 阿b有時可以啜到good good 聲, 有時啜幾下無物奶就喊哂, 所以仍需努力, 不過我信我得嘅! 希望你都一樣啦!

我都唔邊樣野至幫到我上奶架, 總之就日日飲, 心理上點都有d幫助卦!

我阿b都仲食緊10幾餐, 都數唔到啦, 總之佢喊就比佢啜囉!

我最疏乎就係下午茶時間, 佢多數都可以瞓到2-4個鐘, 其餘時間就係食同食, 夜奶就一時時, 12點至1點瞓, 有時4點醒, 有時就可以到6/7點嫁! :lol:
我應該會參加9/1個 tea buffet, nice to meet u la! :mrgreen:

私人傳訊回覆引用

積分: 2054

9^#

發表於 04-11-29 02:05 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]Smilesun,

好多謝你話我偉大呀...不過講真我又唔覺得自己係囉...我覺得既然做得人媽咪就要有責任俾最好既野...特別係健康俾bb...但係我係呢方面就唔可以叫稱職呀...因為我之前有左佢都唔知...係有左二三個月前我都唔知自己食/做錯d咩...攪到佢一隻手多左一隻手指仔...佢遲d要做手術呀...佢咁細個我就累佢要佢咁辛苦...我唔係一個好媽咪呀...希望以後既日子我可以彌補啦...同埋我之前都有係食到個乳頭洗晒血同腫呀...不過我用返自己d奶去塗上去...加上再改返d姿勢...咁就好快冇事呀!...同埋好多謝你俾咁多意見我呀...我會繼續努力呀!

...thx for u :-P ...希望大家可以再多d分享同一齊努力啦!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

積分: 2054

10^#

發表於 04-11-29 02:13 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]wingtsang,

其實我都唔知bb係之前重得咁好...係我d奶既效果定係奶粉囉...所以我好擔心下次磅重唔理想呀

...但係上次我問過d姑娘...有時唔係用體重去衡量呀...因為好多好處係眼睇唔到...好似佢既抵抗力...佢腸胃健康咁...所以你都唔好太擔心...學你咁講...只要捱過就得...所以好多時我想放棄既時候...我就唸到bb以後既健康...我就覺得幾辛苦都要捱落去呀...縱使我身邊既人冇人support...甚至怪我...我相信假以時日...我地bb既健康係最好既証明...我地都要一齊加油呀!

...同埋我都有興趣去9/1tea buffet呀...唔知詳情係點呢?

...最後好開心肯同我分享呀...希望keep in touch!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

wendy_ho

子爵府

積分: 11765

好媽媽勳章

11^#

發表於 04-11-29 06:53 |只看該作者

Re: 好辛苦咁轉返全人奶...不過今日d奶又突然少左...好擔心!

Michelle,
不用客氣,大家都是為bb好,而且,我們都是十月媽媽ma.

我而家有試過一邊餵一邊泵...但我發覺如果bb係另一邊食...我用泵真係可以泵多好多...但如果唔係...就咁絛啦啦咁泵...就好少呀...咁係唔係代表我唔夠奶呀??
我相信那是一個刺激的作用,但我沒有試過,因為姑娘話最好埋身餵,因為泵出來的奶會即時失去部分抗體,除非要返工儲定奶,無必要的話,就最好埋身食

我聽有d人講用二個泵一齊泵會好好多...係唔係真呀?...咁我需要再買一個泵嘛?
如要返工泵奶,這方法能節省不少時間,但都要看你能否左右腦(控制雙手)並用,我很鈍,相信不能了　：ｐ

同埋你點睇bb食得飽唔飽?...因為d姑娘講過佢會好滿足咁笑...但佢成日笑完...好快又食...咁講準唔準呀
滿足唔一定係飽，可以係心理上，如吸吮的滿足，而我的ｂｂ吃完奶後是不會笑的，那代表他不飽嗎？當然不是啦，他只會合埋眼睡，應該是像我一樣鈍吧．如他吃不飽，便會眼光光，跟住便哭，但每個ｂｂ都不同，你要細心觀察你的ｂｂ

再者...你點衡量自己既奶係足夠俾bb食呀?...因為我好擔心佢有時係太累而唔再食...並唔係因為飽呀
放心啦，姑娘話要是ｂｂ吃不餵，他不會和你客氣，一定嘈到拆天　：)

我想問如果有時谷奶...但冇即時俾bb食/泵出...係唔係會回奶呀?
唔會一次見效,餵得越久,越難回奶,不泵出來只會令下次造少d奶

其實只要自己堅持,其他人說什麼都不重要,因為我的媽媽及老公都成日叫我補奶粉or食全奶粉 ?-( 但我不會理他們的,但當然,間中覺得疲累,也要給自己休息休息,間中一餐2oz奶粉不太過分吧 :mrgreen:

私人傳訊回覆引用

積分: 1958

12^#

發表於 04-11-29 12:02 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒1101:
嘻嘻!你好似開心番羅喎, 其實好多時一餵得唔好, 就會好氣餒, 但係有一餐餵到阿b好滿足個樣, 又會開心番, 總之至緊要唔好放棄, 一定要威比人睇至得!!

tea buffet 詳情:
http://www.baby-kingdom.com/modules/newbb/viewtopic.php?topic_id=220096&forum=35&43我仲未報名, 不過多數都會參加, 希望到時可以見到面大家交流下啦! 相信大家到時都已經餵得好輕鬆好easy!! :wink:

私人傳訊回覆引用

m琳琳

伯爵府

積分: 18962

13^#

發表於 04-11-29 19:21 |只看該作者

Re: 好辛苦咁轉返全人奶...不過今日d奶又突然少左...好擔心!

米雪兒:
加油~~加油~~加油~~
~~哈哈~~

私人傳訊回覆引用

積分: 2054

14^#

發表於 04-11-29 22:05 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]wendy_ho,

好開心你再次答我問題同埋分享你既經驗呀!...thx! :-P ...其實你講得岩...真係最重要係我地既堅持...希望我可以做得越黎越好啦...

...係呀...我想問下你平時出街你會埋身餵/帶冷奶/俾奶粉bb食呀?

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

積分: 2054

15^#

發表於 04-11-29 22:12 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]wingtsang,

哈...你呀...有你地既支持同幫忙...我點可以辜負大家呀!

...因為我知道唔係冇人支持我囉...仲有唔止我一個人遇到問題...所以我會俾心機支持落去呀

...你都係呀!...你都好叻好有決心...希望大家都可以越餵越好啦!

...同埋你係唔係多數都會去呀?...如果係就好啦...我可以有個伴呀...嘻 :mrgreen:...係喎..你住邊區呀?...我住係馬鞍山嫁~

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

積分: 2054

16^#

發表於 04-11-29 22:13 |只看該作者

Re: 好辛苦咁轉返全人奶...不過今日d奶又突然少左...好擔心!

[size=medium]琳琳,

thx呀!...哈!...你係唔係都唸住餵母乳呀?...你都要俾心機呀!

[size=small]Mason is my life! :-)[url=http://www.babyhome.com.tw/bb/56857][size=small]

私人傳訊回覆引用

積分: 1958

17^#

發表於 04-11-29 22:29 |只看該作者

Re: 好辛苦咁轉返全人奶...不過今日d奶又突然少左...好擔心!

haha, 餵得開心, 阿b都會食得好d嫁! 我多數都會去嫁, 不過唔知老公肯唔肯同我去, 如果我去嘅話, pm 你呀! 到時見!

我都係住新界東, 但係將軍澳, 而家暫時做住全職媽咪先 lu!

私人傳訊回覆引用