本帖最後由 choyki 於 21-12-30 20:32 編輯
mimame 發表於 21-12-30 17:26 
管理費點收？
另外,我見2845冇息派,但佢揸注嘅1211係有息派㗎,個ETF基金經理食埋？
我咁耐以嚟只買過2800, ...
2845 同 2800 嘅運作方式相同，派息會除淨（喺股價度扣返），唔派息則唔會喺股價度扣返，基金經理無食埋。
ETF 係基金嘅一種，基金收管理費，ETF 一樣收管理費，但 ETF 基本上唔使點管理，指數有變佢先要買賣佢揸嘅股票，所以管理費可以低啲。基金則有人認購佢就要買入股票，有人贖回就要賣佢揸嘅股票，而買賣股票係要畀佣、稅、交易費等嘅，所以基金嘅成本大過唔使成日買入賣出嘅 ETF。
ETF 係封閉式基金，基金則係開放式基金，封閉式基金嘅單位數目唔會變，要買賣係要搵對手，有人肯賣你先買到，有人肯買你先賣到，買賣價係雙方肯就得，唔跟資產淨值，所以可以有溢價或者折讓。開放式基金則有人認購就會發行多啲單位，有人贖回就註銷返啲單位，買賣唔使搵對手，以資產淨值買賣，無溢價或者折讓。
ETF 好似股票咁買賣，買同賣都要畀佣、稅、交易費等，派息時要畀代收股息手續費；基金直接同基金公司買賣，只喺買時畀認購費，賣時無收費，派息亦無代收股息手續費。
管理費同派息除淨一樣，基金會喺基金價格度扣返， ETF 則喺資產淨值度扣返。MPF 都係基金，管理費會喺基金價格度扣返。
我做月供股票系統。 講笑。 不是。
我做證券，認識做月供股票系統的人。 也是講笑。 不是。
向證券公司推銷月供股票系統不容易，需找多些水魚月供股票。
發表於 
返回列表
