吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 你問我答：多囊/妊娠糖尿/產檢/催生/廣華醫院 ...

懷孕前後今日: 3|主題: 330628

收藏本版

發帖

返回列表

跳至頁

查看: 7146 | 回覆: 11

你問我答：多囊/妊娠糖尿/產檢/催生/廣華醫院 [複製鏈接]

Grace.4fd

複式洋房

積分: 176

1^#

發表於 21-12-30 08:48 |只看該作者 |倒序瀏覽 |打印

自己成為新手媽媽，好多野都好迷惘，不停問人/上網搵答案，所以希望自己的經歷，幫到其他有需要的人。

*多囊卵巢綜合症*

我一直都經期唔準，多年前已經檢查出有多囊，三年前亦曾經流產過。之後有keep住睇中醫食藥，經期維持二至四個月一次。另外有努力做運動減吓重，最後今次好好彩成功自然懷孕。
後期唔睇西醫，因為佢只派"避孕丸"，夠期就夾硬谷排卵，但其實粒卵子質素未必夠好，受精咗都未必成功長大，好似我第一次咁。

0 0 0

私人傳訊

Grace.4fd

複式洋房

積分: 176

2^#

發表於 21-12-30 08:52 |只看該作者

回覆樓主:

*妊娠糖尿病*

政府醫院會安排有需要的孕婦係2x週做糖水測試，但因為我屬於高危人士(多囊+曾經流產)，所以係14週就安排我飲糖水。
廣華飲完糖水2小時後指數係<8.5，但我9.1，要聽營養師講座，再係16週入院，食一餐糖尿病午餐，睇下超唔超標 (廣華飯後2小時<6.9)，結果超少少，於是又安排17週住院一晚，食足4餐，再次測試靠飲食控唔控制到。
終於唔超標，之後keep住自己篤手指，每次覆診交數據俾醫生，平日盡量跟營養師餐單食。由於間唔中血糖指數超標，後期覆診醫生開咗藥丸俾我食，因為我堅持唔打針(怕痛><)，同埋約39週提早入院催生。
P.S. 我當時係西藥中藥隔開咁食，雙管齊下控制血糖。

私人傳訊

Grace.4fd

複式洋房

積分: 176

3^#

發表於 21-12-30 08:53 |只看該作者

回覆樓主:

*產檢*

因為一驗到懷孕時係流啡中，好怕同三年前一樣會流產，拿拿林打去約產檢，但問咗1x間旺角附近的診所都book唔到黎緊幾日。最後約咗TST卓越，有得即日睇症，佢安排咗孫錫鴻醫生。
上網search過佢好出名，所以等候的時間都比較耐(1hr45mins先叫名入房)。入房等多10分鐘終於見到本人，好快照完超聲波講2句就安排轉房由姑娘繼續同我溝通。
第二次產檢+T21係睇梁結棠醫生，無特別感覺，睇完先知佢唔接生，只做產檢。
第三次產檢，約返3年前睇過的劉珮琪醫生，有期望之下都冇失望，都係好nice，有耐性答問題，feel到佢有心理我，唔會趕時間睇下一個症。

私人傳訊

Grace.4fd

複式洋房

積分: 176

4^#

發表於 21-12-30 08:55 |只看該作者

回覆樓主:

*產檢*

第四次產檢+結構又睇返孫醫生，因為之前買落package。可能因為前排某post關係，今次係房的時間耐咗，但就不停重覆照某幾個部位，淨係數手指都數咗4次(快數1-10)，有d揼時間的感覺...
睇完之後，最後決定以後產檢都揀劉醫生。
一黎旺角近屋企，；二黎睇症當下感覺良好，覺得俾人重視；三黎價錢相較下平d。
大家唔好怕轉醫生，試多幾個先知邊個最適合自己，唔試唔知自己中意同邊類人相處。

私人傳訊

Grace.4fd

複式洋房

積分: 176

5^#

發表於 21-12-30 09:03 |只看該作者

回覆樓主:

*催生流程*

下午2點半入院，先駁機聽胎心，醫生會check宮頸，話未得。夜晚8點再check，無進展，於是塞藥，駁機聽多次心跳。
正常第二日上午8點多巡房，醫生會再check，宮頸夠軟，就會落催生藥+人手穿水。未夠就再塞藥，再等多日。
我入院前已經著定紙底褲和護墊，因為check完宮頸會見紅。另外，醫院有床墊，可以帶少一樣野。
用藥方面我揀咗藥丸款，藥性慢d但安全d。不過有機會第2日宮頸都未軟，又要塞多次等多日先催生到。另一款係滲透式，藥效會快d勁d，唔舒服時可以成枝藥即時取出，唔似藥丸一早溶咗入身體，但有機會藥效太快令到胎兒有問題。同埋第2日先開始塞藥，入院當晚無野做。

私人傳訊

Grace.4fd

複式洋房

積分: 176

6^#

發表於 21-12-30 09:03 |只看該作者

回覆樓主：

本帖最後由 Grace.4fd 於 21-12-30 09:04 編輯

*廣華住院體驗*

因為約咗39週提早催生，最後一次37週多覆診時會俾入院紙+樽仔，入院前2日交深喉唾液。其餘正常的媽媽，應該係會俾41週的入院紙。
先生有無打針都好，陪產時要有3日內的陰性檢測證明，穩陣起見，我叫佢隔日交樽仔，唔怕計錯日子。
係產房時，姑娘會不停打氣鼓勵，仲幫我熱敷+按摩條腰，對我心理和身體不適上有少少幫助，最後笑氣都冇用就生咗。
生完會有肌膚接觸，俾BB趴係你身上30分鐘左右，然後睇下BB需唔需要拎去俾兒科醫生檢查，check完冇問題就可以跟媽媽同房，有問題就要入住兒科病房。
正常住3日2夜就可以出院，因為我係提早入院催生，所以住咗4日3夜。

私人傳訊

Grace.4fd

複式洋房

積分: 176

7^#

發表於 21-12-30 09:10 |只看該作者

回覆樓主:

*廣華住院體驗*

病房姑娘和助理姐姐都好好人，大部分都會主動幫手，或者唔識點做問佢地都好肯教。
夜晚BB喊唔停，可以推走俾助理姐姐睇住，媽媽訓一陣，夠鐘餵奶先推返俾你，唔洗擔心新手搞唔掂。
廣華非常推廣餵母乳，你堅持全奶粉都ok，佢地唔會逼你，只會鼓勵你試多幾次。第一日未有奶，姑娘有主動問我補唔補奶粉(水奶)。
廣華同其他醫院唔同，補奶粉係用杯仔餵，等BB嘴舐舐去食，咁就唔怕BB食慣奶嘴唔識啜人奶，我好欣賞依一點。
第3日仲有專門負責餵母乳的姑娘過黎，睇我點餵+指導姿勢，當BB推走咗做檢查，就教我用針筒集乳，仲幫我通埋乳線，前後相處超過2個鐘。