本帖最後由 choyki 於 22-2-18 19:31 編輯
qpalzm 發表於 22-2-15 19:00 
有份已供8年的101保單, 買個時15年後預計攞返本金的200%, 圍返年利率約4.7厘, 當時sale聲稱08年最差個時都派足。
好啦, 一直前7年都真係派足, 直到收到最近一期的年結單, 結果係派唔足了, 預計到期只得取回少於170%, 回報率減至3.5厘。
「派」？
我估你意思係賬面回報吧。
我嗰份供咗超過 20 年，而家賬面回報 60-70%，連本金 160-170%。
最好境時係舊年 1-2 月間，當時賬面回報 100%，連本金 200%。
初時由理財顧問幫我揀基金，賬面回報都過得去，後來我嫌唔夠進取，唔使理財顧問幫我揀，改為由自己揀，但賬面回報差咗。
其實回報好大程度睇你揀咩基金，如果你選擇由保險經紀 / 理財顧問幫你揀，則睇你揀唔揀到個叻嘅保險經紀 / 理財顧問。
如果揀錯咗個唔叻嘅保險經紀 / 理財顧問，可以換過個嗰喎。
之前有另一間公司嘅理財顧問叫我將份單轉畀佢跟，但我根本係唔鍾意由人哋幫我揀基金，鍾意自己揀，換同唔換無分別，所以無轉份單畀佢跟。
101 保單係保險，有別於基金，有啲人被保險經紀 / 理財顧問誤導，當咗係基金。
101 保單有保險層面嘅收費，呢個收費可能比基金層面嘅收費仲多。
基金只有基金層面嘅收費，101 保單則既有基金層面嘅收費，亦有保險層面嘅收費。
要買 / 供基金，應該直接買 / 供，千祈唔好用保單買 / 供呀！
證券行（如富途）、銀行（如中銀）、基金公司（如摩根、富達）都可以直接買 / 供基金，均沒有保險層面嘅收費，沒有年期限制，可隨時增減投資額，可隨時贖回，她們之間所不同的是認購費、最低投資額、可選擇的基金數目及交易嘅截數時間。
唔只 sale 唔好盡信，自己都唔好盡信。
我係 XX 牌月供股票系統嘅代理。 講笑。 不是。
有人肯月供股票才需要月供股票系統，有月供股票系統才可讓人月供股票。
呢個係有雞先定有蛋先嘅問題。券商話有蛋先，代理話有雞先。
發表於 
返回列表
