少年成長今日: 0|主題: 16108

收藏本版

發帖

返回列表

跳至頁

查看: 35897 | 回覆: 10

我討厭講做個媽媽，很累，幾時可以解脫 [複製鏈接]

siuyingliu

複式洋房

積分: 144

1^#

發表於 21-10-13 21:17 |只看該作者 |倒序瀏覽 |打印

仔仔11歲，成日都話我惡，跟住就有情緒，哭鬧，我有時會即是哄他，但若佢唔停的話，我就叫佢冷靜一下，我自己匿埋喺房，我覺得好煩囉，考試又要同佢溫書，溫溫下書又有情緒，其實我真係想放手比佢自己一個人去讀書，但係今年有呈分，六年班，真係唔敢放棄，一齊食飯又話我講嘢惡，又話寧願媽咪唔同佢一齊食飯，（但其實我只係平常嘅說話，可能大聲講笑，老公話可能我太大聲講嘢嚇親佢）如果我鬧佢叫佢安靜佢又會情緒失控，成餐飯都食唔到，成日我都係忍氣吞聲，究竟我幾時可以自由咁做人呢，唔使俾仔仔負累我，使我咁煩，點算呢？

0 0 0

私人傳訊

ckmammy

男爵府

積分: 6416

2^#

發表於 21-10-14 09:41 |只看該作者

本帖最後由 ckmammy 於 21-10-14 09:45 編輯

回覆 siuyingliu 的帖子

其實會唔會係你自己講嘢嘅語氣有問題？即係你本身講嘢係好大聲，人哋聽到就覺得你好惡。你自己都話食飯嗰陣你老公都覺得可能係你講嘢太大聲嚇親個仔，但其實你冇惡意，不過你自己唔知道呢個問題。
教功課嗰陣可能個仔教唔明你又大聲話佢，所以怕咗你。或者你要先改變態度，改變唔到嘅就搵補習老師教。

我都係街見過啲媽咪講嘢又係好大聲，句句都喺度話小朋友，但其實個小朋友唔係真係曳或者做咗啲咩，我聽到幾句都已經覺得好討厭。

私人傳訊

mayies2004

複式洋房

積分: 192

3^#

發表於 21-10-14 21:39 |只看該作者

siuyingliu 發表於 21-10-13 21:17
仔仔11歲，成日都話我惡，跟住就有情緒，哭鬧，我有時會即是哄他，但若佢唔停的話，我就叫佢冷靜一下，我自 ...

本帖最後由 mayies2004 於 21-10-14 21:48 編輯

我個仔都12歲了，個仔都曾話我講嘢有時好大聲好似好惡。
我就同佢坐低傾。
因為我係在職媽媽，同佢溝通時間唔多，佢好坦白講好珍惜一家人一齊食飯時間，但唔鍾意大人係食飯時候不斷訓示。佢鍾意家長聽佢講下佢果日發生點點滴滴，食飽後就佢就自動自覺去做埋啲未完功課（依家小朋友會跟同學交換手機號碼；方便問功課同傾偈），除非真係好唔明佢至會問我哋，否則我們就各自各忙家庭崗位事務。
雖然家長緊張時會無意識下大聲說話，純粹出於關愛自己孩子。但他們長大時，就要抽時間開一下家庭溝通會議，重點係聽下孩子意見，

私人傳訊

mayies2004

複式洋房

積分: 192

4^#

發表於 21-10-14 21:45 |只看該作者

mayies2004 發表於 21-10-14 21:39
我個仔都12歲了，個仔都曾話我講嘢有時好大聲好似好惡。
我就同佢坐低傾。
因為我係在職媽媽，同佢溝通時 ...

千祈唔好假民主；聽完孩子講完就狂風掃浪的批判。這樣孩子就會關閉心門；拒絕再同家長溝通。
比多啲機會孩子發表意見，與他們一起去嘗試引致他們對與錯。當他們被引證他們見解是錯的時候，家長也陪伴左右。就會心服口服。
我常跟孩子、學校、他的同學朋友說，我們只是他朋友，大家平起平坐。當他真的錯了，就會好自然向我們坦白承認。
慢慢我也學會放鬆自己