吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我應否離婚？

夫婦情感今日: 9|主題: 42690

收藏本版

發帖

返回列表

跳至頁

查看: 29820 | 回覆: 36

我應否離婚？ [複製鏈接]

monicamama123

複式洋房

積分: 422

1^#

發表於 22-2-1 17:47 |只看該作者 |倒序瀏覽 |打印

好長，勿見怪。
拍拖6年，結婚4年。有兩個孩子，大的3歲多，小的一歲多。老公一直以來都好愛我好錫我，不過唔夠溫柔體貼，我亦吹毛求疵成日挑剔佢。
陀第一個孩子時，寵我如女皇。隨住第一個孩子出生，爭拗日多，多數都係佢道歉tum返我，我一直以為佢好愛我，以為我地會白頭到老。
陀第二個孩子時，關係都ok, 嗰時疫情，我要返工，佢一得閒就送飯黎我公司，產檢都陪足。但對我好的程度明顯不如第一胎。我對此心有怨懟。產後佢都有幫手湊仔，但亦不如第一胎上心。
我生完兩個月到，我地爭拗好多，我產後的情緒亦不好，好易發脾氣。產後5個月到，我地關係開始好差，成日嘈成日鬧，我就成日喊，怨怪佢唔錫我，講咗好多過分的說話。到細仔10個月大，開始鬧離婚，佢對我冷淡忽視到係冷暴力，我一放工湊小朋友，佢就匿入房。平時一家人同枱食飯都當我空氣，只會同小朋友說話。我情緒差到會控制唔到咁想傷害自己同崩潰。佢見我咁，主動提出搵婚姻輔導，但改善不大。
大家開始有返對話，我開始改變自己，唔發脾氣，做佢想我做的事。但佢對我脾氣好差好挑剔。我講多句或做個表情唔啱佢心意佢會大發脾氣，不停用好難聽的說話鬧我，係去到人生攻擊的地步。我道過好多次歉，同無數次示好。佢拒絕。多次表明唔會再對我有任何情感，話佢自己會活係自己的世界，叫我唔好搞佢。話我而家先改過太遲，我地咁係命運。
我好傷心，亦好無力。我仲係愛佢。所以對佢的冷暴力覺得好痛苦好難過。我仲好想有人錫有人愛，而唔想係段冰窖般的婚姻過埋餘生。我好想搵條出路放自己自由。
但我小朋友仲咁細，而老公係個愛小朋友的爸爸。佢對我父母親戚都好好。我為咗自己開心啲而離婚係咪好自私？
我地間無第三者。由大仔出世已分房訓。我懷咗細仔之後亦再無性生活。關係咁差之後，我有主動親近，佢好嫌棄我話對我唔再有興趣。
離婚後，金錢，住屋，小朋友的照顧都唔係問題。惟一問題係小朋友再無完整家庭。一諗到對孩子，我就覺得好心痛。而我知我老公都係因為對仔先至繼續忍受呢段婚姻。

0 0 1

私人傳訊

肥肥寶

伯爵府

積分: 18323

2^#

發表於 22-2-1 18:08 |只看該作者

回覆樓主:

點解你老公會由對你女皇到對你反感咁大落差，可能佢忍在好耐爆煲，如果佢有心去婚姻輔導，你地再去試下其他婚姻輔導，或者你要去見心理學家

私人傳訊

kwhkwh

公爵府

積分: 28568

2025勳章 2025勳章蛇年勳章 2024年龍年勳章牛年勳章

3^#

發表於 22-2-1 18:24 |只看該作者

你沒有感恩。到你想挽回的時候, 人地已經不願意等你。
我為咗自己開心啲而離婚係咪好自私？---> 你咁老定「離婚」可以令「為咗自己開心啲」嗎?
父母有冇愛,小朋友點會不知道。不要再為「小朋友」找藉口了。

請勿轉載。搬字過紙不是記者的工作，未經同意, 即屬抄襲。

私人傳訊

vivibabyvivi

琥珀宮

積分: 173512

2025勳章 2025勳章蛇年勳章 2024年龍年勳章虎到金來勳章牛年勳章

4^#

發表於 22-2-1 18:25 |只看該作者

明顯你老公係忍你忍到忍無可忍先會爆，佢變成咁係你迫成，早知今日，何必當初呢

私人傳訊

vivibabyvivi

琥珀宮

積分: 173512

2025勳章 2025勳章蛇年勳章 2024年龍年勳章虎到金來勳章牛年勳章

5^#

發表於 22-2-1 18:27 |只看該作者

kwhkwh 發表於 22-2-1 18:24
你沒有感恩。到你想挽回的時候, 人地已經不願意等你。
我為咗自己開心啲而離婚係咪好自私？---> 你咁老定「 ...

離婚都係為自己開心，一個人自私到如此地步

佢應該離婚，放佢老公走

私人傳訊

crystal媽咪

寶石宮

積分: 338188

2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

6^#

發表於 22-2-1 19:05 |只看該作者

monicamama123 發表於 22-2-1 17:47
好長，勿見怪。
拍拖6年，結婚4年。有兩個孩子，大的3歲多，小的一歲多。老公一直以來都好愛我好錫我，不過 ...

冇咩意見
不過有啲疑問，佢肯見婚姻輔導。
即係佢都修補

生咗大仔之後分房瞓，咁點解仲要生

不要從別人的嘴裡去認識我

私人傳訊

lololala

侯爵府

積分: 24076

虎到金來勳章 HiPP勳章(2) 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章畀面勳章 BK Milk勳章親子王國15週年勳章

7^#

發表於 22-2-1 19:36 |只看該作者

男嘅有可能已經有第三者介入

私人傳訊

hauhauhau

男爵府

積分: 8170

8^#

發表於 22-2-1 20:03 |只看該作者

monicamama123 發表於 22-2-1 17:47
好長，勿見怪。
拍拖6年，結婚4年。有兩個孩子，大的3歲多，小的一歲多。老公一直以來都好愛我好錫我，不過 ...

甘你覺得點解你c6會變到咁？因為你對過佢好差？一段時間？
因為係草草解釋左前事，只係後面你c6對你變曬個度比較詳細

私人傳訊

善宜

子爵府

積分: 10757

9^#

發表於 22-2-1 21:35 |只看該作者

monicamama123 發表於 22-2-1 17:47
好長，勿見怪。
拍拖6年，結婚4年。有兩個孩子，大的3歲多，小的一歲多。老公一直以來都好愛我好錫我，不過 ...

本帖最後由善宜於 22-2-1 21:37 編輯

忍無可忍，無需再忍，最終爆發了，佢提議見婚姻輔導，證明佢都有心挽救呢段婚姻，女人都係唔好太任性，說話唔好講得太絕，男人唔愛真係好難補救到

私人傳訊

cecelc

水晶宮

積分: 62204

2025勳章 2025勳章蛇年勳章 2024年龍年勳章 2023年兔年勳章畀面勳章

10^#

發表於 22-2-1 21:54 |只看該作者

回覆樓主:

夫婦2年無性生活唔係好妥
仲要分房訓

不過佢主動話去婚姻輔導
即有無心挽救
一係你比多d誠意吧

三歲幾同歲幾咁細個就單親好陰公

私人傳訊

cathngai

伯爵府

積分: 15315

11^#

發表於 22-2-1 22:05 |只看該作者

monicamama123 發表於 22-2-1 17:47
好長，勿見怪。
拍拖6年，結婚4年。有兩個孩子，大的3歲多，小的一歲多。老公一直以來都好愛我好錫我，不過 ...

上面JM門話齋,你先生已經忍無可忍, 所以爆, 佢肯同你去見輔導, 佢都應該係為咗小朋友，唔想小朋冇咗一個完整嘅家，可惜佢已對你死心，所以無法強行自己對住你。
樓主，你首先要認真檢討下自己，改變一下自己嘅態度，做好本份，現時你只可以當佢朋友一般相處，語氣也要客氣，可以從小朋友的生活問題同佢溝通，若果佢唔想面對面同你傾，你唯有用文字同佢溝通，例如將whatsapp 寫紙仔，唔好太急進，待他同你溝通多咗，對你態度好咗，你才用文字講出嚟嘅心聲，話佢知，你仲好愛佢，好想同佢共同努力建設一個溫馨嘅家。若果有進展的話，就唔好再分房瞓，始終分房會令夫妻感情變淡。
希望你哋有轉機啦

私人傳訊

wholemilk

大宅

積分: 3357

12^#

發表於 22-2-2 02:53 |只看該作者

你睇韓劇太多啦，嗰啲無條件愛你一世嘅人係唔存在，佢錫你寵你，係因為你可以帶俾佢「快樂」，宜家得唔到「快樂」，佢就唔會愛你。

私人傳訊

bedwinfi

大宅

積分: 4006

13^#

發表於 22-2-2 03:29 |只看該作者

本帖最後由 bedwinfi 於 22-2-2 03:44 編輯

人需要成長，小朋友一歲會識叫，兩歲識走，三歲會自己做好多野，如食飯，去洗手間等。十八歲自己讀書工作成家立室，你唔會一世都當佢bb，如果個仔到十八歲你仲要餵飯，幫佢去厠所你會點？情況就好似你懷孕時一直沒有成長，新手父母同樣都係會面對新壓力，通常一齊成長，但佢發現大家都在成長時你仍停留在女皇(bb)思想，不思進取。
你可以睇下月薪嬌妻 (逃恥)電影版，睇下人地點做。
仲有，做得女皇，你行駛權利時，有冇行駛義務和責任？！人地女皇千億身家，為國家付出極多努力時你有冇效法？做得女皇卻唔付出同等代價，世界上無人要慣住你。見到你所寫，你仲未好清楚咩叫愛，咩叫婚姻，你錯咩，你自己好好想清楚。你唔愛你先生只是唔舍得佢既好，愛正如父母對子女的愛，會想對方好，關心對方冷暖溫飽，開唔開心。又正如你先生會當你女皇因為佢愛，而現在不愛了。
你有沒有認真想過什麼是婚姻，人為何要結婚，離婚的意思是什麼？除了一紙婚書，讓孩子有可被承認的婚生子女的法律地位外。對方在醫院最後一刻可以選擇是否放棄治療，將會是一個最了解對方的人為你去做這個最後的決定！當然仲有財產分配的法律保障等等。婚姻的一起生活，一起成長，一起面對問題，有一個人可以互相扶持，而不是只靠一人支撐成長，而另一人仲係bb思想。
你自己能想通呢幾個問題，自然可以化解依家的婚姻危機。