吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 生BB後同老公關係變差，應該點做

夫婦情感今日: 17|主題: 42537

收藏本版

發帖

返回列表

跳至頁

查看: 11424 | 回覆: 19

生BB後同老公關係變差，應該點做 [複製鏈接]

happy401

別墅

積分: 524

1^#

發表於 22-8-6 22:31 |只看該作者 |倒序瀏覽 |打印

我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後尾好咗啲，陀BB嘅時候大家感情係最好嘅，但係去到生完BB之後，關係又開始變差，成日鬧交，由一開始好想自己湊，或者請工人幫手，佢全部都唔俾，奶奶入嚟屋企住，我好唔願意，但都冇辦法，心入面自己一路都有條刺。我知道自己超級緊張BB，好想好想多啲時間睇住佢，無奈老公覺得經濟壓力，唔想我唔返工湊BB。我返工真係覺得好有壓力，成日都掛住BB，以前做嘢啲嘢通常都做唔切要帶返屋企做，而家就要等BB瞓咗夜晚開夜車，真係好辛苦，但都算叫做接受咗。我自己變咗媽媽又覺得自己真係好容易發脾氣，有時見到奶奶同BB玩，甚至老公同BB玩，唔通自己玩，我都會覺得lau唔鍾意，跟住又會諗起係因為老公唔俾我全職湊BB所以搞成咁，我知自己好唔理智，好多時有因為咁而發咗脾氣，我老公反應又會好大，我每一次都會即刻氹番佢，講對唔住，但係佢每一次都會係唔睬我，甚至鬧我，一唔睬可以最少幾日，最多成個禮拜，佢唔睬我嘅時候，我真係覺得好後悔，好痛苦，不停喊，佢都唔會理我，甚至我覺得好想死。最近原本其實關係好咗啲，我一路都好想有第二個小朋友，佢仲同我講見我好咗啲，可以考慮吓。點知，因為有啲小事，自己講咗句嘢發咗脾氣，佢又係唔睬我，點氹佢都唔理我，我同佢講嘢，佢仲用粗口鬧我。其實我知道自己成日控制情緒唔好，先至令到佢會發嬲鬧我，但每一次諗起佢咁惡咁樣鬧我，我都好傷心。但我真係好鍾意我老公，冇咗佢唔得，亦都唔想影響小朋友，佢都係咁諗。但係我哋成日嗌交真係唔係辦法，其實我哋已經一直有搵輔導幫我哋，但好似唔係好大改善。其實我而家已經冇再諗要生第二個小朋友，因為覺得自己應該搞唔掂，亦都唔想因為生第二個小朋友而影響夫妻關係，更加影響咗個小朋友。而家淨係好想諗方法點樣同老公關係好返，同埋俾心機湊大個小朋友，可以工作同家庭都兼顧到。其實我老公本身有情緒病，雖然叫做幾年前已經好返，但佢都同我講，佢係每一次鬧完覺都好難先至恢復返，佢甚至會心理影響身理。我真係好想自己控制一下自己嘅情緒，唔好去到做咗之後先後悔，但我真係冇信心自己可以做到完全唔激嬲佢，有時可能做咗先至知道，我好驚我哋會搞到最後離婚，我真係好唔想，我應該可以點做？

0 0 0

私人傳訊

Hooray1113

別墅

積分: 709

2^#

發表於 22-8-7 00:39 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

明白你好無奈，亦都好無助，不過你打左咁多字自己有無睇返？如果你連自己想要既係咩都唔知，其實無人可以幫到你。
唯一可以比既意見就係唔好諗住生第二胎！

私人傳訊

monfong500

大宅

積分: 1667

3^#

發表於 22-8-7 00:51 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

搵方法去令湊仔變得輕鬆，方間有好多湊小朋友書或上堂，我都有上，老公係唔識，自己都唔識咪走去學

，上咗IQ 同eq 都高咗。。。

今所有事情都過得好輕鬆。。。

唔好因為小朋友就影響感情，緊張小朋友係岩，但你老公係要人讚

。。。

冇人天生就識湊仔。。。加油呀

點評

la_source

發表於 22-8-8 12:32

私人傳訊

秋天與楓葉

珍珠宮

積分: 32599

4^#

發表於 22-8-7 02:49 |只看該作者

你自己都知自己問題係成日發脾氣，就好好改善
任何輔導都係輔助性質，最終都係靠當時人改善自身

私人傳訊

bedwinfi

大宅

積分: 3954

5^#

發表於 22-8-7 10:05 |只看該作者

可以睇下月薪嬌妻婚後篇(逃避雖可恥但有用)。買育兒書睇或上堂都有用。
另外，我反而覺得可以生第二胎，你情緒問題出於你覺得第一個小朋友太重要，當你有兩個的時候，你會發覺原來唔太重要。而男人成為爸爸最大壓力來自於經濟。試下跳槽，呢個比較直接可以提升人工的方法。

私人傳訊

uckukuku

男爵府

積分: 9063

6^#

發表於 22-8-7 10:38 |只看該作者

回覆樓主：

本帖最後由 uckukuku 於 22-8-7 10:40 編輯

你的唔開心+發脾氣源於各樣都不順心（想ftm又唔得請工人又唔得，無端端同奶奶住又唔鐘意佢湊B方法）
明白你好想參與多啲湊小朋友，但有時時勢所迫，唯有靠改變想法… 其實就算做到ftm都未必開心，當你24小時對住小朋友也有覺得煩好想抖氣的時候，家務煮飯做到隻狗咁是應份，分分鐘仲被人嫌做得唔夠好，無咗份工無收入另一半好難唔當自己大爺，總之你戶口無私己錢就講嘢都細聲啲，想改變狀況也更少籌碼…去到今日呢個位你都難話要辭職自己湊，大概請工人都送不走奶奶，那就努力工作儲多個錢起碼有啲嘢係屬於自己… 小朋友始終識分邊個先係媽咪，你錫佢佢一定知道的

私人傳訊

happy401

別墅

積分: 524

7^#

發表於 22-8-7 13:35 |只看該作者

本帖最後由 happy401 於 22-8-7 13:38 編輯

回覆 uckukuku 的帖子

你講得好啱，可能一開始好多嘢都唔係自己想要，連買啲嘢返屋企，都要問過老公（因為佢好唔鍾意屋企有好多嘢），我以為自己已經改變左自己想法，但係可能都仲係未接受到，我都唔想自己咁緊張小朋友，緊張到會搞到成日鬧交，但有時自己又控制唔到。我都有諗過做FTM唔係想像中咁理想，兩樣嘢都有好有唔好嘅，我都知道，而家其實已經接受咗奶奶係屋企住，有時有唔滿意嘅地方都隻眼開隻眼閉，唔出聲，但我老公會介意我同佢冇溝通，佢想我同佢哋傾吓計咁，但我真係冇嘢同佢講，我又冇同佢鬧交，唔出聲都唔俾。我老公其實每個星期有一晚都出咗去打波，而且平時放工都比我晏返，所以佢一返到嚟屋企，都係會同小朋友玩，比較少理我，有時我都有少少唔開心佢掛住你小朋友唔理我，但佢會反駁話我喺屋企嘅時間比佢多，平時放工都比較夜翻，咁所以返到嚟理小朋友係好正常，佢講到好似被迫要少咗喺屋企咁，其實係佢自己選擇嘅。仲有，佢話佢工作已經好多嘢做，我仲比麻煩佢咁，其實我同佢做同一行，我點會唔知多嘢做，但係我會選擇多啲喺屋企。我唔知你哋明唔明我講咩，可能好多好多生活上嘅唔同咗，令到我壓抑住好唔開心，會發咗脾氣，但我知道好多事唔係我控制到，改變唔到，自己又仲未接受到，我都好想輕鬆啲，但可能我自己個人係比較緊張嘅，好難做到。

私人傳訊

crystal媽咪

寶石宮

積分: 332705

2024年龍年勳章 2024勳章 2023年兔年勳章虎到金來勳章 2021可愛聖誕B勳章牛年勳章 2018復活節勳章 2018母親節勳章 2018父親節勳章畀面勳章環保接龍勳章 BK Milk勳章

8^#

發表於 22-8-7 13:44 |只看該作者

回覆樓主:

好多字一堆野咁

係咪傾清楚先至決定生小朋友
好多野你想咁做，佢唔想同你
傾清楚先

唔贊成再生第二個
只會將啲問題越積越多
一定要解決左先

不要從別人的嘴裡去認識我

私人傳訊

cecelc

水晶宮

積分: 54372

2024年龍年勳章 2024勳章 2023年兔年勳章畀面勳章

9^#

發表於 22-8-7 20:27 |只看該作者

happy401 發表於 22-8-7 13:35
回覆 uckukuku 的帖子

你講得好啱，可能一開始好多嘢都唔係自己想要，連買啲嘢返屋企，都要問過老公（因為 ...

自己小朋友既醋你都呷，夫妻又成日吵架，千其唔好咁自私生第二個呀。

私人傳訊

hopeforbest

大宅

積分: 1714

10^#

發表於 22-8-7 21:01 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

我睇完你講嘅嘢之後，覺得你非常之唔成熟，咩都發脾氣，小心你個BB學曬你啲臭脾氣！你自己太放縱自己，一點都不收脾氣，咁樣係非常傷夫妻感情，之後後悔係無用嘅，你一日唔改，遲早老公頂你唔順離婚！

你明知你老公本身有情緒病，你都係唔控制下自己，你小心令佢發病，到時就會有更差的情況出現⋯⋯

你自己衡量下咩係最重要，你唔識體諒你老公，而家有奶奶幫手又唔滿意，你估做FTM好容易，分分鐘辛苦過份工！

你不適而生第二胎，你最好攪掂你兩公婆嘅關係和你的臭脾氣先！

私人傳訊

kaman06

男爵府

積分: 6465

11^#

發表於 22-8-7 21:31 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

唔該去揾社工幫手，有心改唔係就咁上論壇講2句，明白你性格係咁，但你作為好媽媽同太太，就要改變一下自己，你需要一位社工跟住你，陪住你，你當中講的問題有d 係你唔理智，但有d 都要合理表逹，唔可以全部壓制，咁樣對大家無好處

私人傳訊

wph256380

大宅

積分: 1201

12^#

發表於 22-8-7 23:14 |只看該作者

睇完了，打個比喻，你手中揸住堆沙，你越緊張大力，沙就流得越快，你既唔順心同發脾氣，比自己放鬆一下，試下將唔太重要既野放底，比自己寧靜，好難形容，總之就係放鬆自己個心

私人傳訊

whitebyKiKi

伯爵府

積分: 16930

13^#

發表於 22-8-8 11:45 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

其實感受唔到你好鍾意老公
因為睇左咁耐都係覺得你太緊張BB
BB係你同老公既愛情結晶品
冇老公又何來BB

如果同奶奶相處ok
就多個人幫手都係好事
最緊要同老公關係攪返好
每一件事每一步唸清楚後果先好做
你老公本身有情緒問題
佢都隨時爆煲
咁就真係返唔到轉頭

私人傳訊

lojo11

翡翠宮

積分: 93426

2024年龍年勳章牛年勳章

14^#

發表於 22-8-8 13:52 |只看該作者

我覺得樓主情緒唔穩定, 不妨搵下專業人士睇睇... 兩個人情緒都唔好, 好難去解決問題

私人傳訊

clarissakwan

大宅

積分: 3485

15^#

發表於 22-8-9 03:48 |只看該作者

happy401 發表於 22-8-6 22:31
我同老公結婚四年，兩年前生咗BB，而家小朋友就嚟兩歲，其實啱啱結婚嗰陣已經成日鬧交，大家性格太唔夾，後 ...

做唔到full time mom, 可唔可以做part time mom? 搵一份part time. Full time mom 真係好Q攰，我既working hour 6:30am - 7:30pm, 中間佢訓覺可以抖下，但如果同阿女出街，佢訓覺，我又無得休息。我有幾日成日覺得自己係一個無氣既氣球。但又要繼續陪阿女玩。
Anyways, working mom 定full time mom, 各有各好，各有各唔好，最緊要方式適合自己。
你睇開啲啦，bb同其他人玩好正常嫁，佢要學識social skill, 唔係淨係識同阿媽玩，咁第時返學點算呢？

私人傳訊

happy401