吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 連生兩個女，認命？

想生BB 今日: 8|主題: 109253

收藏本版

發帖

返回列表

跳至頁

查看: 32548 | 回覆: 74

12 3 4

積分: 627

1^#

發表於 22-5-22 01:18 |只看該作者 |倒序瀏覽 |打印

我知道生男生女係控制唔到既，但當有個女，自己會想第二個係仔，但偏偏第二個又係女。其實自己年紀都唔細，之前懷孕都有D驚險，老公都唔打算再要，佢之前婚姻已有兩個仔。我自己生在傳統重男輕女的家庭，自己係大女，有一個細佬。最近我聽到父母既談論間說慶幸自己有個仔，言語間接笑我連生兩個女，我知道後感覺真係超差。如果佢地取笑既對象係隔離屋既三姑六婆，我覺得正常，但佢笑既係自己個女，我覺得佢地好涼薄。我同老公講我父母笑我，佢話佢地既諗法正常，他不但沒有安慰我，還說仔要積福才可以有，聽完真係嬲到爆炸！

其實，我是否應該認命？

0 0 0

私人傳訊

Alicefrogbb

別墅

積分: 627

2^#

發表於 22-5-22 01:33 |只看該作者

Alicefrogbb 發表於 22-5-22 01:18
我知道生男生女係控制唔到既，但當有個女，自己會想第二個係仔，但偏偏第二個又係女。其實自己年紀都唔細， ...

今晚食飯，我兩個阿姨都不約而同叫我生多個，我說現在要返工又要照顧兩個女，平日只靠阿媽同姐姐幫手，都很吃力，我老公又完全唔幫手，我已經忙到想跳樓。講係甘講，但心諗既當然係另一回事。唔係唔想搏，而係搵唔到人幫手湊同支持我。其次就係，如果第三個又係女，甘點算好？

私人傳訊

Alicefrogbb

別墅

積分: 627

3^#

發表於 22-5-22 01:45 |只看該作者

Alicefrogbb 發表於 22-5-22 01:33
今晚食飯，我兩個阿姨都不約而同叫我生多個，我說現在要返工又要照顧兩個女，平日只靠阿媽同姐姐幫手，都 ...

老公只係負責俾錢我做家用同請工人姐姐，他甚少照顧我和兩個女，更不會多體諒我的感受。他星期一至五返工忙，放工又話累，星期六日只做自己喜歡的事，總之湊女唔好預佢。如果我話佢唔幫手，佢會反過來說話係我堅持要生。

私人傳訊

twinkle_0504

大宅

積分: 2843

BB防敏心得分享勳章

4^#

發表於 22-5-22 04:12 |只看該作者

生兩個女冇問題呀，有問題的係仲覺得一定要有仔先得既人。。
想生bb前問問自己仲有冇愛可以分出來，如果冇愛，就唔好為生而生了。

利申，2個女，唔會再生，亦冇追仔諗法

私人傳訊

hearsay14

大宅

積分: 3228

5^#

發表於 22-5-22 10:15 |只看該作者

回覆 Alicefrogbb 的帖子

希望你不要消沉，生男生女本來是男性的精子決定的，請不要將生女的事情歸究在自己身上

你別在意外間的聲音，
將心力全在照顧女兒身上就夠了，沒有事情比小孩更重要

私人傳訊

441975

別墅

積分: 976

6^#

發表於 22-5-22 10:25 |只看該作者

Alicefrogbb 發表於 22-5-22 01:45
老公只係負責俾錢我做家用同請工人姐姐，他甚少照顧我和兩個女，更不會多體諒我的感受。他星期一至五返工 ...

你喺一個重男輕女嘅家庭長大，應該最明白做女人嘅無奈，如果連你都認同呢種諗法，唔認同自己同女女嘅價值，受苦嘅只有你同你兩個女。

另外又何必在意人說三道四？你可以問返你啲阿姨係咪幫手出錢幫手湊？係嘅叫佢拎住一兩百萬出嚟，你即刻生第三個。至於你老公話要積福先生到仔，我同意呀，咪就係佢冇積福，就係佢啲染色體令你生女囉，如果佢冇呢個知識，你可以叫佢Google下或者問吓醫生。至於你老竇老母啦喎，你大可以同佢哋講，係呀生女冇用㗎，所有人老咗之後，都係啲仔日日去老人院照顧，啲女唔做嘢㗎，你兩老最好有定心理準備。完。

私人傳訊

cc_2021

大宅

積分: 1607

7^#

發表於 22-5-22 11:13 |只看該作者

Alicefrogbb 發表於 22-5-22 01:18
我知道生男生女係控制唔到既，但當有個女，自己會想第二個係仔，但偏偏第二個又係女。其實自己年紀都唔細， ...

其實我唔明點解一定要生仔，我係想生女既媽媽，偏偏肚入面係男BB, 後來覺得BB健康就好了～

當知道四大長老好開心係男BB, 我嬲到爆左句：又唔係有皇位要繼承，做咩一定要生仔

其實男BB同女BB都好，自己生既，都一樣咁錫～
老公成日提我，下一胎係女既話，都唔可以偏心

私人傳訊

wxsbb

大宅

積分: 2731

8^#

發表於 22-5-22 11:41 |只看該作者

Alicefrogbb 發表於 22-5-22 01:18
我知道生男生女係控制唔到既，但當有個女，自己會想第二個係仔，但偏偏第二個又係女。其實自己年紀都唔細， ...

感覺這個傳統思想不停在惡性循環，生咩都係自己親生的，你的父母咁諗都勉強情有可原，始終距地係老一輩思想根深蒂固，我反而覺得你老公真係唔係一個好老公兼好爸爸

私人傳訊

鼠女神

大宅

積分: 2257

9^#

發表於 22-5-22 13:27 |只看該作者

我阿媽同我講叫我生個女，如果生第一胎係仔，點都生多個希望第二個係女

（我阿媽就係生咗兩個女，成日都話生女好）
我老公都係想要女多過仔。
而家我陀緊第一胎係女，皆大歡喜。老公已經話佢想要兩個小朋友，希望第二個都係女。
我就覺得只要健康，仔女都好。

私人傳訊

Tskbaby

大宅

積分: 1012

10^#

發表於 22-5-22 17:51 |只看該作者

我覺得身邊一定總有d人會係耳邊講，我第一胎生仔，個個叫我生多個女，我話一件都夠煩啦

好啦，真係第二胎，未知男女，又會有人講如果又係仔咪博多個女囉，點都會有呢種人，我係好好彩一仔一女，但有陣時聽到d人話生幾個女生吾到仔，我好想開口幫個新抱鬧醒呢種奶奶，男女有乜問題，最緊要出黎健康先最重要啦？

私人傳訊

koko3333

別墅

積分: 892

11^#

發表於 22-5-22 18:08 |只看該作者

Alicefrogbb 發表於 22-5-22 01:18
我知道生男生女係控制唔到既，但當有個女，自己會想第二個係仔，但偏偏第二個又係女。其實自己年紀都唔細， ...

本帖最後由 koko3333 於 22-5-22 18:12 編輯

我嗰邊都有人重男輕女
特別我阿媽由細到大都係，我性格就比較硬頸，你哋鍾意仔我就鍾意女，有一刻我兜口兜面問我阿媽，你咁鍾意仔有冇一刻討厭過你自己係女人，佢當場冇嘢講，唔使理人哋講乜最緊要你自己，老實講今時今日生仔好睇未必好使，你將來就會知道，生個女多個仔，呢啲係我啲阿姨長輩同我講嘅說話，佢哋見得多。