懷孕前後今日: 8|主題: 330659

收藏本版

發帖

返回列表

跳至頁

查看: 3533 | 回覆: 3

生仔搵命搏實錄～入院最後一週（30/8~5/9） [複製鏈接]

波大好生養

洋房

積分: 43

1^#

發表於 22-9-14 14:22 |只看該作者 |倒序瀏覽 |打印

上回講到媽媽每日可以到兒科病房探b，今次主要講我同個b係病房一齊生活既點滴。

29號收到兒科病房電話，個b可以出院，但我要打兩星期抗生素未走得，所以個b就送左過黎產後病房，終於要埋身照顧佢。

個b係兒科病房其實好食好住，即係定時有姑娘餵奶換片沖涼，每次過去探佢都訓到好冧，但黎到我身邊餵佢奶換片令我操心好多，始終係第一胎，我作為新手媽媽乜都唔識要食住上。感恩姑娘肯教我同幫我，例如姑娘話幫個b包被巾點解要包到成隻糉咁，係因為唔想凍親佢，但我成日包得唔好，結果佢又喊。換片佢又喊到劏豬聲咁。所以同佢第一晚我訓得好差，第二日醫生話check到黃疸超標，又要送返去兒科病房照燈，我先有覺好訓得一日。

到9月1日佢又返黎我身邊，開始狂泵人奶既日子，以前一日泵兩次，變左一日泵4次（無計，成日漏奶）。從自己揸人奶到用泵奶機，當然有部機輕鬆好多啦，個奶量越黎越多。我記得頭三日揸奶係得果一兩滴奶，仲以為以後會無奶……到第4日奶量突然增多，開始10幾ml上，試過一次有120ml，姑娘話我奶量都夠個b食，但去到9月3日開始發現我既人奶量唔夠個b食，要俾埋配方奶佢食先滿足到佢，一次有100幾ml，於是照呢個配方餵b，但後尾姑娘又話初生b最多只食90ml，太多會令佢個胃唔舒服，所以後尾都節制左。

醫院餵b食奶通常會用漏斗型杯仔，缺點係個b飲奶時容易嗆親，吸太多空氣入肚，我個b每次用杯飲奶好快飲哂，但掃風時就特別耐。後尾我要求姑娘俾奶咀餵，個b居然食得舒服，好快訓到覺。早知係咁就用奶咀餵啦……使乜餵得咁辛苦。相比埋身餵人奶（醫院極力推薦）量又少，食得耐都唔夠飽，埋身餵姿勢搞到個b唔肯啜我乳頭又扭計，所以我放棄左。因為佢飲慣奶杯一段時間所以唔慣飲埋身餵。
其實醫院要我同個b有肌膚接觸就算，有時我都會抱住佢係張床訓。

到9月5日我打哂抗生素終於出院，總算結束三星期留院日子，感謝主。

PS:我住院期間識有d媽媽因為身體問題留好耐院未走得，奉勸大家：如果有機會留院超過一星期既話，走佬袋裡面d野要睇下夠唔夠用同岩唔岩用，好似我開刀生咁，個清洗瓶就無用了（for剪陰順產用），唔夠就叫老公補給。
尿片雖然醫院會無限供應，但質素麻麻，好多媽媽都會自己帶尿片同純水濕紙巾（唔好用嬰兒濕紙巾，會容易敏感！）俾個b換片，所以最好帶一袋夠一星期用。

0 0 0

私人傳訊

hearsay14

大宅

積分: 3362

2^#

發表於 22-9-14 16:37 |只看該作者

回覆波大好生養的帖子

我都係在威院住左一星期出院，原因係bb啜奶啜唔好黃疸高。威院係愛嬰醫院，主張媽媽餵母乳。一開始同姑娘講餵母乳時，如果bb無餵食問題和黃疸高，醫院都唔會比水奶。
我在醫院一直都手榨母乳餵bb，bb黃疸高，我又唔夠量去餵時，醫院才會決定比我混合餵。記得出院時，醫院要我餵bb一餐65ml的奶，混合餵到指定的量令佢黃疸快d退。同你一樣幸好bb用奶樽食得好快，滿月黃疸就退晒。

在醫院換片我都用嬰兒濕紙巾，回家會改用嬰兒棉＋食水幫bb清潔，仲有問過護士，pat pat膏係有疹至好用，無事的只要保持乾爽就得。

私人傳訊

波大好生養

洋房

積分: 43

3^#

發表於 22-9-14 18:38 |只看該作者

回覆 hearsay14 的帖子

個b而家pat pat紅哂，佢每兩個鐘就有大便，可能抹得太多，奶奶會用爽身粉抹佢pat pat，但尿疹問題嚴重左，唔怪得每次幫佢換片佢喊到咁嘈啦，原來係pat pat太刺激搞到佢叫痛。我而家用bb棉加水幫佢抹睇下情況會唔會改善，濕紙巾質地太鞋唔想抹到佢唔舒服。