想生BB 今日: 0|主題: 109456

收藏本版

發帖

返回列表

跳至頁

查看: 8437 | 回覆: 11

小產5次後成功懷孕生了孖b分享文 [複製鏈接]

a000051

複式洋房

積分: 418

1^#

發表於 22-10-8 08:39 |只看該作者 |倒序瀏覽 |打印

之前曾經喺bk 發過文章分享頭四次流產嘅經歷，果幾次就唔再講太多，但都簡略講下自己背景，29嵗自然懷孕，一次行房就生咗大仔，以為懷孕好容易，到個仔兩歲嗰時想再追第二胎點知連續五次小產，2次化學，3次8-9周停心跳，做過藥物流產(不過效果唔好)，刮宮同揾中大李教授做MVA。每一次流產心情跌到谷底嗰時都會上bk睇下啲post，從中得到好多心理安慰同實用資訊，所以都好想有一日自己會成功，之後上嚟分享，估唔到自己真係有呢一日😁希望各位努力中的姐妹都會搵到一個啱自己嘅方法！

我全部流產都係自然懷孕，包括第五次嗰時搵咗陳億仕醫免疫，因為第四次流產嗰時，政府醫院幫我抽咗好多血發現我ANA 160, 其他所有檢查都正常，所以我一心覺得自己係免疫出咗問題。陳億仕真係好串，每一次睇佢都有一種貼錢買難受嘅感覺，有好幾次睇完佢後畀佢難聽嘅說話同態度令我返屋企係咁喊，不過果時諗只要成功我乜嘢都願意承受，而且懷孕初期有出血情況，想叫佢開sick leave畀我,佢都唔願意, 我唯有睇其他醫生開病假紙，畀佢姑娘知道後話咗我2次, 入房再見陳億仕又畀佢話多一次，下次見佢又提呢件事話我。嗰次到9周覆診點知又係停咗心跳，令我萬念皆灰，超級唔開心。

因為自己唔想再傷害子宮，所以決定搵李教授做MVA,李教授係一個好溫柔有耐性嘅醫生，不過佢唔係好相信免疫引緻致小產，所以做完MVA後我冇再搵佢啦

0 0 0

私人傳訊

a000051

複式洋房

積分: 418

2^#

發表於 22-10-8 08:59 |只看該作者

搵李天照教授做左MVA加驗胎後，發現係turner symdrome, 令我同先生十分心灰意冷，反覆思量後又係經group友介紹見蔡柏霖醫生，佢認為我嘅問題主要係卵巢多囊症令卵子嘅質素欠佳，同我免疫完全冇關係，不過我失敗左咁多次，決定同時睇余嘉龍醫生醫免疫，余醫生開plaquenil食到24W, aspirin食到生，話我的免疫問題好輕微，唔使打肝素同吊針。婦科方面，蔡醫生建議我不用做ivf，但要減肥（160cm, 當時重55kg），食metformin，gynositol同養返靚卵子，於是我開始每星期跑步一至兩次（每次30min）同游水一次（1小時），自己睇台灣出嘅中醫書戒左精製澱粉食物改食粗糧。嗰段時間我冇再諗咁多生育嘅事情，好好享受生活，心態也開始變得輕鬆，接受左過去多次小產的事實。
大半年後減到少過50kg就再揾蔡醫生做監測排卵，在建議的日子打破卵針和自然行房，估唔到一個cycle就已經中咗，雖然成個孕期充滿挑戰，又因為宮頸打開而訓左醫院個半月唔落得地，最後捱到29周大孖胎穿水而催生。BB訓左唔夠2個月nicu後終於回家，我也終於抱到上手～
多謝bk媽媽們的支持和建議，祝願未成功的媽媽也會揾到適合自己的方法抱到bb上手～