懷孕前後今日: 15|主題: 330417

收藏本版

發帖

返回列表

跳至頁

查看: 7146 | 回覆: 19

BB又一次離開咗我 [複製鏈接]

傲雪BB

男爵府

積分: 6485

1^#

發表於 22-10-24 02:03 |只看該作者 |倒序瀏覽 |打印

今次已經係第三次小產了，頭兩胎都係陀到七，八週左右突然流啡，之後流血，最後無咗，自然排岀，之後生咗個仔，宜家五歲，九月中check到有咗，有點驚訝，因為自己已四十有多，加上近幾個月屋企裝修，同我老公分開住，中間只行埋過兩三次，無諗過會中！雖然我老公唔係好想要，佢覺得會剝削咗個仔資源，我媽仲黐線到同我炒大鑊，但我覺得四十幾都仲能夠自然有，得來不易，可能係緣份，所以我無諗過放棄BB！可能之前為咗BB嘅事同我老公&我媽嘈，情緒唔太好，加上呢排為咗屋企裝修嘅事又同我老公嘈，心好煩。

0 0 0

私人傳訊

傲雪BB

男爵府

積分: 6485

2^#

發表於 22-10-24 02:14 |只看該作者

傲雪BB 發表於 22-10-24 02:03
今次已經係第三次小產了，頭兩胎都係陀到七，八週左右突然流啡，之後流血，最後無咗，自然排岀，之後生咗個 ...

上星期終於搬返自己屋企，都要幫手搬下野抹下野，但大部分粗重野都已經係我老公做，呢個星期，去小便時久唔久都會抹到少許淺啡，但唔算嚴重，可能去小便十次先抹到一次有啡，我以為操勞過度先咁，所以都盡量唔郁咁多，點知星期四去廁所時抹到啲啡嚴重咗都深色咗，我覺得唔對路，所以打去婦科醫生度問姑娘，佢話見流啡咗幾日應該一早去睇，佢叫我當日即刻岀去攝時間俾我睇，岀到去，醫生幫我檢查後，佢話我下面已流緊鮮血，唔止流啡，再照肚，佢話BB已無心跳，正常應該近十週，但個胎無大到，停咗喺上次產檢七週幾嘅size，仲比上次size細咗一週。。。。

私人傳訊

傲雪BB

男爵府

積分: 6485

3^#

發表於 22-10-24 02:27 |只看該作者

傲雪BB 發表於 22-10-24 02:14
上星期終於搬返自己屋企，都要幫手搬下野抹下野，但大部分粗重野都已經係我老公做，呢個星期，去小便時久 ...

醫生叫我同老公商量下用咩方法處理個胎，佢見議用藥流，因為個胎唔算好大，佢話唔洗入醫院做吸宮手術，因為費用都貴，所以最後佢俾咗藥我，佢話如果星期五都無自己排岀，就可以食藥排，最後我尋日食藥排咗，我見到自己不停流血，而且宮縮越嚟越勁，最後排咗一個好大舊嘅血紅色物體，之後又好多血塊排岀，我諗個胎應該排岀了。心好痛，覺得自己好廢，無能力留住BB，我老公成日話有個仔已經好好，其實每次小產我都好心痛，佢根本唔會明，即使已有個仔，都無法代替失去嘅寶寶！我好想為今次呢胎同之前兩胎做法事，希望佢哋唔會嬲我，但唔知有無用，希望有緣可以接返佢地返黎