吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我個囡 16 個月大，有冇媽咪可以教下我應該點教個囡？ ...

自由講場今日: 99|主題: 1349343

收藏本版

發帖

返回列表

跳至頁

查看: 729 | 回覆: 5

我個囡 16 個月大，有冇媽咪可以教下我應該點教個囡？ [複製鏈接]

cmmcbb

子爵府

積分: 13279

好媽媽勳章

1^#

發表於 09-6-13 11:35 |只看該作者 |倒序瀏覽 |打印

昨晚發生了三件事....令我好擔心....

1. o係麻麻度湊 Hannah 走，搭小巴果時，坐隔離個姨姨想同佢玩，咁我就叫佢叫 "姨姨" 啦，平時佢都會自己叫人架麻，點知...佢唔叫都算喇，仲打人，佢打人我就當然會話佢啦，咁佢就喊起上黎，仲要大大聲！我初初都唔理佢，由得佢喊，點知佢越喊就越大聲，騷擾到其他人，咁我唯有就範.....問佢要唔要朱古力，佢即收聲 (激死)，點知姨姨o係個袋度拎左粒糖出黎俾佢，佢伸手接左即講 "謝謝" (死未)，咁我就好唔好意思咁同個姨姨講 "唔好意思"，我一陣俾返你....姨姨係都話唔緊要啦，俾佢啦，唔好攪到佢喊得咁可憐啦。OMG................我問 Hannah 拎返粒糖，佢即大發脾氣，惡到咩咁.....點解會咁架？！我同姨姨三唔識七，點可以要人 d 野呢？

2. 之後我地去左斗斗城，Hannah 入到去一定會好開心，因為好多野俾佢 "攪"，斗斗城 display 左個廚房出黎，好多小朋友都走去玩，Hannah 唔執輸，又去玩.....當其他小朋友行埋黎o既時候，Hannah 竟然出手推開人地，唔係一次，係好多次....我阻止佢佢就大發脾氣，我同佢講佢咁樣媽咪會嬲架，佢就大喊。我唯有又由得佢喊飽佢啦....佢真係喊到我慘咁，我又要忍..............好喇...收聲之後又走左去第二度玩，見到有佢好鐘意o既傘仔，就要拎，拎住走，大佬....要俾錢架麻，唔可以就咁走左去架......我唯有去俾錢，俾錢果時個姐姐話要 "嘟"，Hannah 驚死人攞左佢 d 野咁，又大叫大喊....實在嚇人！我勁樣衰咁....俾錢拿拿聲走.....唉............一陣之後，爹爹黎到同我會合，我同 Hannah 講媽咪嬲喇，唔開心喇，所以唔抱佢，佢又喊，又唔俾爹爹抱，到底佢係知衰，所以一定要我抱丫，定係點呢？！

3. 返到屋企安頓左 Hannah 之後，我就去洗白白，我一閂門，Hannah 又喊，我開返門問佢咩事，佢就要我抱，一抱就唔肯落地。氹佢一輪我就再入洗手間閂門.....佢又喊過....我唔理喇...沖左先。一路沖一路聽到佢 d 喊聲，喊到癲左咁款....攪咩呀？！我咪拿拿聲是旦求祈咁沖完就算，我出返去廳，爹爹就話我知佢企o係門口要開門，咁爹爹咪抱走佢囉，一抱走佢就大喊，典黎典去....發晒脾氣咁，喊到我出黎佢即刻又要我抱......攬到我實一實....

唉.....點解亞囡咁惡架？點解佢一唔鐘意就要打人呀？點解突然間會惡左咁多架？出大牙都唔洗咁惡呀？有冇媽咪可以教我點做？我好怕佢以後都係咁呀。

0 0 0

私人傳訊

PINK0717

男爵府

積分: 8032

2^#

發表於 09-6-13 11:53 |只看該作者

我陀BB果陣上左一堂(兒童乜野EQ...)

導師教我地..當小朋友公共場合吵鬧..
1.)手先大人一定要冷靜..(自己唔冷靜點可以引導小朋友)
2.)跟住就要諗辦法COOL DOWN個小朋友...(導師教我地..攬住個小朋友..比她/他們知道媽媽/爸爸向到..感覺得到信任..再問問小朋友發生什麼事)

講住禁多先...因老細向到~~一陣再傾

私人傳訊

birdbird123

洋房

積分: 522

3^#

發表於 09-6-13 12:04 |只看該作者

cmmcbb,
我同你都係0802媽咪, 我個囝都係咁, 你發生過既都發身係我囝身上。
佢成日都亂發脾氣, 一唔like/得唔到想要既就大喊, 成日攪到我係街勁勁勁勁樣衰, 成日比人望住以為我虐待佢咁... 我都真係唔知點教....

[ 本帖最後由 birdbird123 於 09-6-13 12:11 編輯 ]

捷豬2008年2月1日出世，重3.39kg，係媽咪心肝寶貝!

私人傳訊

JLRLCH

大宅

積分: 3827

4^#

發表於 09-6-13 12:09 |只看該作者

我個仔都係EQ唔夠 ga...平時去supermarket或者買嘢地方,我會話比佢聽要比錢,叫佢第比姐姐,媽咪要拿錢..所以個仔每次都拿d我唔買既嘢嘢比個姐姐,真係激死...

佢有時想要既嘢都大喊ga..唯有快d搵其他嘢分開佢注意力. 同埋我都叫工人姐姐不要太過遷就他.

你會唔會係麻麻平時"種"囡囡呀?

私人傳訊

哈哈媽咪

伯爵府

積分: 17113

5^#

發表於 09-6-13 12:18 |只看該作者

佢有第一果個行為！同佢講完佢仲要大大聲聲喊發晒皮氣！你唔應該帶佢去返城？要佢知道佢做得唔岩係要有後果！如果佢做完D唔岩既野成日發皮氣，發完又有食鍾意既野又可以去鍾意去既地方。會變成一個獎勵。以後佢就越黎越西利！下次如果再有咁既情。同佢講完唔好理佢明唔明。應該立即帶返返屋企邊度都唔去。話明比佢知因為你咁樣發皮氣唔乖咁樣我點同你出街！所以罰你今日冇街去！佢一定會即時大喊。如果佢喊到收唔到聲就立即落車。但一定要返屋企。試多幾次咁樣做。我諗佢D皮氣會收下！如果再佢咁樣落去一路大佢會控制住你！果時你難攪！
雖然我講的態度可能強硬左D，有D媽咪會唔認同！但係你要比你個小朋友知道因果關系！如果佢乖可以獎勵佢！如果做得唔岩一定要比佢知道後果！
但係最重要既野係出街前話比佢知，如果你一陣.....................我就立即帶你返屋企！
你一定要事先話比佢知！