Baby Kingdom - 親子王國 香港 討論區 › 首頁 › 想生BB› 給心急人上

想生BB

收藏本版
發帖
返回列表
跳至頁
給心急人上 [複製鏈接]

首頁
1

尾頁
   0
littleprinceb


大宅

積分: 1584


1#
發表於 22-11-15 22:22 |只看該作者
大家好，相信係得呢個版嘅姊妹都係好想快啲bingo。事先聲明我同老公係搵唔到有咩特別問題，但係都想分享一下俾大家參考我嘅諗法。

第一胎：用咗半年左右bingo
頭幾個月冇用排卵紙，第四個月開始睇中醫，過咗幾個月去旅行係不知情嘅情況下bingo（冇用排卵紙check)

事後感：唔知係咪因為輕鬆特別容易中

感覺：
剛Bingo又唔知道，試過跑上樓梯特別覺得喘氣，搭飛機嘅時候小腿覺得有啲水腫嘅感覺。
私人傳訊

littleprinceb


大宅

積分: 1584


2#
發表於 22-11-15 22:23 |只看該作者
littleprinceb 發表於 22-11-15 22:22
大家好，相信係得呢個版嘅姊妹都係好想快啲bingo。事先聲明我同老公係搵唔到有咩特別問題，但係都想分享一 ...

第二胎：用咗一年半bingo

個個都話生過一個，period又準，第二個實冇問題好易中，我都以為係，頭半年輕鬆嘗試，純粹靠自己感覺睇分泌去做，冇用排卵紙

之後一路食白果開始有啲緊張，試過用紅d，但係自己又唔算係好勤力日日check，因為我成日都飲好多水，有時淺色唔知關唔關飲得水多事。然後又走咗去睇中醫幾個月，每個月又洗幾千。

中間打個兩支復必泰針，又搞亂咗其中一個cycle嘅period

繼續唔做就開始懷疑自己係咪身體有啲咩問題，所以去咗check輸卵管，結果係通嘅。驗血睇吓自己嘅卵巢功能，結果係話我卵巢嘅年齡都後生，老公亦都去咗check精子又冇問題。

成年都唔bingo實在令我不解。
私人傳訊

littleprinceb


大宅

積分: 1584


3#
發表於 22-11-15 22:24 |只看該作者
littleprinceb 發表於 22-11-15 22:23
第二胎：用咗一年半bingo

個個都話生過一個，period又準，第二個實冇問題好易中，我都以為係，頭半年輕鬆 ...

後期有努力少少用紅d排卵紙見到有深粗就諗住勤力啲連續做三日，但係嗰兩三個月都係唔中…

最後覺得時間不留人，想生BB錢係冇得慳嘅，就買咗部專業啲嘅排卵機（連試紙大嘅$2k) 去predict排卵日，部機嘅好處係可以每朝用晨尿，唔使擔心飲得多水紅d結果唔準。結果非常準確，當然冇咁幸運第一個月就中，然後又開始心急了。

所以之後去咗搵仁安教授，佢睇完我嘅報告話覺得我個case係冇問題，理應係可以好快中，所以就開始咗做排卵監察。睇醫生嘅費用確實好貴，雖然唔係IUI，但係一個月都洗成一萬蚊左右（診金$2k次，抽血check LH $800, 開藥$1-2k, 每次見一件都放低$4-5k)一個cycle見2-3次已一萬左右
私人傳訊

littleprinceb


大宅

積分: 1584


4#
發表於 22-11-15 22:26 |只看該作者
littleprinceb 發表於 22-11-15 22:24
後期有努力少少用紅d排卵紙見到有深粗就諗住勤力啲連續做三日，但係嗰兩三個月都係唔中…

最後覺得時間不 ...

結論係睇醫生加用排卵機嘅情況底下幸運地好快bingo.

每個人選擇唔同，而家諗返如果自己身體冇特別覺得虛，其實我會善用睇中醫嘅錢去做以下嘅嘢（因為睇中醫都唔平）

1）早啲check下自己同老公身體有冇問題，雖然自己冇問題但係我想聽過好多身邊嘅朋友係試咗好耐先發現原來有問題，咁其實係曬咗好多時間，因為有啲人其實一開始就應該要考慮IVF

2）買部好啲嘅排卵機認真計算自己幾時排卵去交功課（當然係試咗用紅d幾個月都冇bingo先都未遲）

私人傳訊

littleprinceb


大宅

積分: 1584


5#
發表於 22-11-15 22:28 |只看該作者
littleprinceb 發表於 22-11-15 22:26
結論係睇醫生加用排卵機嘅情況底下幸運地好快bingo.

每個人選擇唔同，而家諗返如果自己身體冇特別覺得虛 ...

3）如果真係試咗唔同方法，做晒所有檢查，又唔介意洗多少少錢嘅話就直接去搵醫生做排卵監察（不過要有心理準備要打排卵針同破卵針，呢個關頭未必個個都接受到）

身邊嘅朋友可能會成日叫你放鬆啲，係啱嘅，但係放鬆之餘其實都真係要認真check排卵先易bingo, 太勤力交功課亦都可能會令到重要嘅子彈未必係需要嗰日出現，所以真係非常重要。

以上係我自己嘅個人感受，不喜勿插。

祝大家快啲bingo ！接好孕
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見