想生BB 今日: 2 | 主題: 109506

積分: 5531

1^#

發表於 22-12-14 13:34 |只看該作者 |倒序瀏覽 |打印

我之前一直喺台灣到做IVF但都未成功，疫情後封左關冇得過去，浪費左3年見唔對路仲未開關就香港排住公立先，好好彩登記左冇半年有個期可以攝到，上星期去見左醫生傾過下，接見我地係吳教授，搵資料應該係吳鴻裕教授(如果冇搵錯資料)，佢就唔BUY台灣嗰套，無論係免疫/吊ivig，PGS，甚至supplement，而且我喺台灣都做左幾次唔成功，佢話幫到我嘅都唔多，只可以內膜check下，抽下血等等，請問之後排不育科係咪都係吳教授跟進我個case架？佢應該係有料嘅醫生？(因為佢係教授)，依家等姑娘打電話比我睇下排到幾時，想問一般等幾耐？下次個期都係先去不育科見醫生，驗血嗰啲？幾時可以開針架？另外好似有分公立(私家快隊)同普通公立隊？請問收費同時間差幾遠呀？上星期都冇機會問姑娘，應該等不育科姑娘打黎時可以再問嗎？謝謝分享

0 0 0

私人傳訊

Wellisall

別墅

積分: 523

2^#

發表於 22-12-14 21:11 |只看該作者

收費可以響佢哋網站睇到

https://hkuivf.hku.hk/services/fertility-treatment/charging/

私人傳訊

積分: 1675

3^#

發表於 22-12-15 01:01 |只看該作者

本帖最後由 annielo2002 於 22-12-15 01:12 編輯

wingyee1230 發表於 22-12-14 13:34
我之前一直喺台灣到做IVF但都未成功，疫情後封左關冇得過去，浪費左3年見唔對路仲未開關就香港排住公立先， ...

香港公立醫院無得揀醫生，吳教授係QM最有經驗，公家case想見佢要睇彩數，我知有人無遇過，我好彩咁啱見過佢幾次。
我排公家，當時由交信到初診半年，然後最終開針係再半年後，即係前後一年。收費2-3萬
私家應該2-3個月內開到針，其他唔清楚。
加油啊(emoji)(emoji)

私人傳訊

積分: 5531

4^#

發表於 22-12-15 08:58 |只看該作者

annielo2002 發表於 22-12-15 01:01
香港公立醫院無得揀醫生，吳教授係QM最有經驗，公家case想見佢要睇彩數，我知有人無遇過，我好彩咁啱見過 ...

你好~我都知冇得揀，應該派到邊個就邊個，咁你遇到吳教授佢係由頭跟到你尾嗎？安排針藥份量，抽蛋放胎都係佢嗎？我尋日收到醫院wtsapp約我5月生育輔助科再初診，到時就係拎針藥了嗎？係咪一定要每日都過去打針架？可以揀自己拎返屋企打嗎？咁計我12月婦科初診，5月再生育科初診，按你講一年時間咪要出年12月先開針？如果3萬又唔算貴，不過公立應該冇得要求任何野佢叫你做乜就乜，幫你乜就乜。
多謝你鼓勵呀，休息左3年依家都開始緊張啦～

私人傳訊

積分: 5531

5^#

發表於 22-12-15 09:01 |只看該作者

Wellisall 發表於 22-12-14 21:11
收費可以響佢哋網站睇到

https://hkuivf.hku.hk/services/fertility-treatment/charging/

收到，謝謝你呀～

私人傳訊

積分: 1675

6^#

發表於 22-12-15 12:30 |只看該作者

wingyee1230 發表於 22-12-15 08:58
你好~我都知冇得揀，應該派到邊個就邊個，咁你遇到吳教授佢係由頭跟到你尾嗎？安排針藥份量，抽蛋放胎都係 ...

當然無咁好彩(emoji)我去QM覆診6次3次見吳教授，但我覺得唔需要太著眼見邊個醫生，因為本身無得揀，當大抽獎囉～
我當時見完生育科叫我3個月後報period ，再安排開針日子，拎返去自己打針7日，然後隔日覆診，直至卵生長夠大，就安排抽卵日子。

私人傳訊

積分: 5531

7^#

發表於 22-12-15 13:51 |只看該作者

annielo2002 發表於 22-12-15 12:30
當然無咁好彩(emoji)我去QM覆診6次3次見吳教授，但我覺得唔需要太著眼見邊個醫生，因為本身無得揀，當大抽 ...

我啱啱打去問快慢隊，姑娘話公立冇快隊，叫我自己問返醫生佢唔清楚，我估我要5月見醫生/姑娘時先可以再問，想問生育輔助科係咪都係5樓婦科嗰到呀？
6次見醫生係全部都初診定進入左療程架？我覺得頭幾次見吳教授都夠了，佢掌握哂我地資料先pass比其他醫生，不過我見佢嗰時後面帶住4個學生一齊參與好唔習慣
我上網睇話要每日要朝早8點前返醫院打針，以為唔可以自己帶走打，第7日起就隔日返去直到抽卵啦？之後有冇話一定要放鮮胎定雪胎架？吳教授話只會放1個，唔明台灣點解會放1個以上，其實我都鍾意twins呀，不過應該都冇得話事

私人傳訊

Linghidy

積分: 1371

8^#

發表於 22-12-15 20:07 |只看該作者

wingyee1230 發表於 22-12-15 13:51
我啱啱打去問快慢隊，姑娘話公立冇快隊，叫我自己問返醫生佢唔清楚，我估我要5月見醫生/姑娘時先可以再問， ...

我都係瑪麗IVF架前年11月開針岩岩9月生左仔仔

好好彩我都係第一次見到吳教授但之後就無再見過佢啦都無乜所謂啦因為佢地都係根據數字做野

m到第二日返去開針佢會教你打針架如果你自己驚落唔到手可以教你老公打都得唔一定要返醫院打

放鮮胎定雪胎都要抽左卵之後睇下有幾多同埋身體狀況再決定如果有4粒以上去到day2 佢就會繼續養睇下有幾多可以到day5,唔夠4粒既話會立即雪左先或者身體可以就直接放day2新胎我果陣唔好彩得3粒day2同埋身體唔合適放鮮胎所以隔左兩個月先放

政府佢地做ivf以母體行先陀孖胎會對媽媽身體有一定程度嘅風險所以一般都係放一粒
希望幫到你啦，祝你順利

私人傳訊

積分: 1675

9^#

發表於 22-12-15 20:49 |只看該作者

wingyee1230 發表於 22-12-15 13:51
我啱啱打去問快慢隊，姑娘話公立冇快隊，叫我自己問返醫生佢唔清楚，我估我要5月見醫生/姑娘時先可以再問， ...

公立唔會有快慢隊，除非你就嚟40歲唔合資格，我諗冇乜特別原因會比快期，因為其實都好多人一齊等緊。
初診後會決定分流iui定ivf clinic , 建議你留意瑪麗Facebook,每月1號都會update等候時間。
關於吳教授睇症，可以心存希望，但唔好太大期望，我識人直到抽完卵一次都冇見過。
twin風險極大，除非反覆懷孕失敗呢類情況，否則絕對唔會俾你放兩個杯胎。

私人傳訊

積分: 5531

10^#

發表於 22-12-15 22:32 |只看該作者

Linghidy 發表於 22-12-15 20:07
我都係瑪麗IVF架前年11月開針岩岩9月生左仔仔好好彩我都係第一次見到吳教授但之後就無再見過佢 ...

恭喜你呀已經畢業，我始都未開呀
可能佢地都揀case比吳教授跟，我失敗過幾次可能咁可以見，不過都認為之後嘅醫生都係跟數據做野
你上年幾時第一次不育科覆診，咁就知相距11月開針等左幾耐，我怕打針不過都會自己黎，老公仲驚呀，自己屋企可以控制好啲時間唔駛咁早去到呀
即係雪胎只會雪day2或day5呀？你bb係day2胎？咁佢好強壯呀，不過聽過雪胎強壯過鮮胎，我c6丁唔好，我怕最後培養出黎得好少呀
吳教授有講過放一粒同2粒機率係一樣，不過年紀大左當然想一步到位慳返啲時間啦，每次逐粒放要用多啲時間咁

私人傳訊

積分: 5531

11^#

發表於 22-12-15 22:47 |只看該作者

annielo2002 發表於 22-12-15 20:49
公立唔會有快慢隊，除非你就嚟40歲唔合資格，我諗冇乜特別原因會比快期，因為其實都好多人一齊等緊。
初診 ...

我睇上面位JM send出黎嘅收費表有分公立同私家，所以我就覺得有私家快隊？
吳教授話先生洗完丁出黎數量會唔夠，所以做iui冇乜意思，我估我會去ivf果邊，好呀我會睇下佢fb呀，謝謝通知呀～
其實係咪吳教授我又冇乜所謂，反而會面佢帶住咁多個學生令我有啲唔自然添😅
我都失敗左好多次，都應該算反覆懷孕失敗，到時問下先，不過都係預機會唔大了

私人傳訊

Linghidy

積分: 1371

12^#

發表於 22-12-16 15:58 |只看該作者

wingyee1230 發表於 22-12-15 22:32
恭喜你呀已經畢業，我始都未開呀
可能佢地都揀case比吳教授跟，我失敗過幾次可能咁可以見，不過都認為之後 ...

只要你嗰個月嘅身體唔適合放，佢都會雪起，抽卵嗰一日會驗血睇吓合唔合適

我係放day2雪胎架，果陣都驚day 2成功率好低，好彩BB黐得實

私人傳訊

441975

別墅

積分: 976

13^#

發表於 22-12-16 19:17 |只看該作者

wingyee1230 發表於 22-12-14 13:34
我之前一直喺台灣到做IVF但都未成功，疫情後封左關冇得過去，浪費左3年見唔對路仲未開關就香港排住公立先， ...

我過去4年半喺香港兩間大嘅私家醫院同瑪麗分別做過四次IVF，我係喺私家醫院失敗咗三次IVF(包括六次植入11個胎)，先去瑪麗醫院遇到吳教授。佢係我咁多次IVF入面見過最實事求是、最講數據嘅好醫生，遇到佢係好好彩嘅事。
判斷用乜嘢周期做IVF、用幾多針藥係佢幫我安排，其他抽卵同植入都係另一位醫生，終於bingo。
的確會有病人覺得政府醫院嘅做法好佛系，不過可以分享嘅係，私家醫院同你check好多嘢，加好多針藥，駛好多錢，唔得就係唔得，喺瑪麗我跟吳教授用最簡單嘅自然周期冇加過任何藥成功，所以放鬆啲，信醫生，希望你一take過成功。

私人傳訊