我3字頭了，同男朋友拍拖5年，年頭佢買左樓打算一齊住再計劃結婚，可惜上月初，佢決定分開，話對我冇感覺，但此前佢都仲係好錫我，所以我發現唔到異樣，佢亦冇同我講佢諗緊咩，只係自己深思後做出決定。我一直以為佢係唔會離開，所以我真係措手不及，我果時淨係知道要挽留佢，希望自己有咩做得唔好要改善，佢都俾左1次機會，我好開心亦都做好自己，但2個星期後，佢又話仲未有感覺，所以要真係分開了。我知道我做咩佢都唔會改變主意，所以好傷心又忍痛接受。但之後佢想分手前，我可以開心d，就搵左日陪我，就好似平日咁拍拖甚至更恩愛，大家都有喊同唔捨得，最後道別後，就真係完全唔搵。
過左2星期後，我知道自己有左，問佢有咩打算，佢話如果真係就會同返我一齊，拎證明果日，佢係好開心，承諾會照顧我，又主動提出結婚，又話睇戒指又問晒朋友咁，當時我真係覺得好幸福，點知過左幾日，佢反口改變主意，話就算我有左，原來都冇感覺，唔想迫自己，又懷疑個bb唔係佢，又要dna test又盛，又覺得我有計謀令自己有左去挽留佢，全部都係base on 佢自己，完全冇考慮過我既感受同打擊，我既心情好似坐過山車咁，日日訓唔到，幾分鐘扎醒1次，咩野都唔想食。
發表於 
返回列表
