吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 千其唔好去聯合

懷孕前後今日: 0|主題: 330394

收藏本版

發帖

返回列表

跳至頁

查看: 21737 | 回覆: 13

千其唔好去聯合 [複製鏈接]

WONG96

民房

積分: 15

1^#

發表於 22-12-5 22:50 |只看該作者 |倒序瀏覽 |打印

本帖最後由 WONG96 於 22-12-6 08:49 編輯

我都估唔到自己會有咁嘅經歷。我係40➕3突然瞓瞓下陣痛入聯合住院。生產過程非常痛苦兼無奈，比人當白老鼠，住院又比護士催餵人奶🤷🏻‍♂️ 我下次二胎絕對唔會係聯合公立生，簡直係痛苦的三天。產房痛兩指，三個學生護士加一個資深護士“輪流講轉頭比暖包同音樂比你”我等到開四指都未落黎，我心諗有鬼用，要求上無痛。護士就不停咁勸我，又搵其它藉口拖住我。種痘又三四次搞好耐先種好。妖。最後我痛到癡線不停禁鐘先比我笑氣。但同時加催產藥，笑氣都無用。我再次要求無痛。拖住我唔比。中途笑氣突然吸曬。痛到癡線再加埋吸笑氣吸到好暈雙腳不停亂踢，已經唔知自己做緊乜。最後最後，free到一股暖流，人失去意識。醒返已經送我入病房🤷🏻‍♂️🤷🏻‍♂️🤷🏻‍♂️🤷🏻‍♂️
好啦，以為生完可以休息。入到病房，d護士chur到爆，叫你餵人奶。未上奶都叫你密密餵。又唔補水奶比bb，餓到bb出院黃疸唔退，你出聲叫護士補，或者叫護士攞比你補，佢都唔施捨你。仲話返你轉頭點解唔積極餵人奶。問題點餵就係一滴奶都冇，要餓死bb？出院後再餵人奶唔得？bb半夜肚餓喊搞到大家都瞓唔好，護士都唔會主動幫你。由得你b喊吵醒大家。宜家係住院啊要休息。搞到係醫院住院三日兩夜成個人殘曬。而bb就餓到不停喊，返到屋企有奶粉補反而安靜好多。到出院啦又會覺得你新手延遲出院時間，又講好多話不如住多一日。癡線，住多一日咪比你班阿婆阿嬸chur到癲，人都逼到有情緒病啦。想去聯合生仔嘅就再諗清楚啦。

0 0 0

私人傳訊

fifi3388

大宅

積分: 1774

2^#

發表於 22-12-6 20:34 |只看該作者

WONG96 發表於 22-12-5 22:50
我都估唔到自己會有咁嘅經歷。我係40➕3突然瞓瞓下陣痛入聯合住院。生產過程非常痛苦兼無奈，比人當 ...

政府係最基本既醫療唔會考慮你感受

香港不是一個福利主義城市稅又唔多係禁上下

私人傳訊

c1102

別墅

積分: 710

3^#

發表於 22-12-6 22:57 |只看該作者

其實好多呢度既朋友都有講去政府生仔都迫你餵母乳。自己身邊都有朋友講過，你話過餵母乳就算bb肚餓都要繼續試

有無得打無痛都係要睇麻醉科醫生得唔得閒…唔係你話要就有…

想要乜有乜既應該要去私家生…

私人傳訊

raicherry

伯爵府

積分: 16754

4^#

發表於 22-12-6 23:30 |只看該作者

你揀得聯合冇理由唔知聯合係母乳醫院，bb出世個胃只有一粒波子咁大，我果陣bb係nicu我都好比心機用針筒係咁吱，吱左成粒鐘唔停先得0.5ml，但姑娘都好好幫我送落去俾bb食

做左人阿媽唔好諗住有得休息，湊bb係長期作戰，果陣同房既媽媽都冇一個有得抖

至於無痛，唔係你叫就會有，要麻醉師有時間安排到先至"有機會"有得打

如果你想舒服，下胎一定要去私家生

私人傳訊

WONG96

民房

積分: 15

5^#

發表於 22-12-7 00:06 |只看該作者

回覆 c1102 的帖子

係所以比大家一個參考。真係要去私家生舒服好多。

私人傳訊

WONG96

民房

積分: 15

6^#

發表於 22-12-7 00:12 |只看該作者

回覆 raicherry 的帖子

出院返到屋企開始上奶自己係埋身密密餵人奶，係餵到架。自己都冇偷懶。只係覺得公立服務真係唔掂。健康院服務又hea。不過講真係有一兩個姑娘係真係好好人，教人態度又好。其他就。。。真係，下胎一定私家生。

私人傳訊

cpycpyhelen

男爵府

積分: 7071

7^#

發表於 22-12-12 11:11 |只看該作者

WONG96 發表於 22-12-5 22:50
我都估唔到自己會有咁嘅經歷。我係40➕3突然瞓瞓下陣痛入聯合住院。生產過程非常痛苦兼無奈，比人當 ...

我兩胎都係聯合生，其實有啲姑娘係幾好既
我話唔埋身但我會泵出黎比佢飲，佢地都ok
態度都算好

私人傳訊

klsabb

男爵府

積分: 7838

8^#

發表於 22-12-12 12:15 |只看該作者

我上次都係聯合, 完全明白你產後佢地迫你餵人奶既瘋狂. 因為我同你一樣無奶, 佢地迫到我2邊都損曬, 我主動推去姑娘房(慢慢長路) 話BB不停喊無食到奶, 我想佢食水奶佢地見到我叫我返房, 唔好放低. ,
人地餵30分鐘就瞓, 我餵3個鐘到下一餐.但BB都係咁喊先話俾我抖下. 3日2夜其間十幾個母乳姑娘睇過我, 執左好多次手勢到執無可執. 最後先同意話我係真係無奶

不過 besides of that 其實佢產前同產後都好好. 所以我下胎23年3月生. 我都係會係聯合. 不過一定會企硬唔餵人奶.

私人傳訊

YYChannn

男爵府

積分: 8433

2024年龍年勳章

9^#

發表於 22-12-12 20:11 |只看該作者

我係瑪嘉烈生個過程好好喎有暖包有香薰有笑聲我本身都想忍唔打無痛，最後都係要求，半個鐘都唔洗有麻醉醫生黎打

私人傳訊

Sonvvvson

大宅

積分: 1171

10^#

發表於 23-1-13 21:06 |只看該作者

完全明白，我岩岩11月產檢話我血壓高，要入院，本身12月頭生，所以醫生都緊張d
點知入到院，見到既都係實習醫生同護士，問極都係答唔知。再前幾個月入過都係一樣，入院又唔算多人，唔明點解態度咁差

私人傳訊

sillysi

大宅

積分: 1018

11^#

發表於 23-1-28 22:30 |只看該作者

我早你一年聯合生，我覺得服務好好，無人話你知生仔唔痛既，我都提出過無痛幾次，通常都會婉拒你，咁我都好慶幸自己有試過咩係十級痛。

第二日好多媽媽問姑娘拎止痛藥，我食左一粒無分別，最好直頭唔食，可能我忍得痛。

因為我 bb 出世就入左兒童病房，姑娘係會鼓勵泵母乳，半夜訓訓下覺都會叫你起身泵奶，但我覺得政府唔錯，我話我想試幫 bb 沖涼，姑娘叫我返去睇短片，然後留一日俾我幫 bb 沖，佢側邊協助，起碼返屋企第一日都唔會驚。

我覺得如果擔心無奶，其實有無得自己帶奶粉去醫院？不過我係過來人，我女住左兒童病房 7 日，每 4 小時有強大奶粉供應商供奶，所以佢係從來都唔肯埋身啜，只餵過 5 分鐘咁多，跟住就太餓喊，所以出世十幾日後我就放棄左人奶，所以如果有心餵人奶，襯佢初生胃仔細就俾佢埋身練習，因為埋身餵同啜奶咀係唔同方法，如果唔係通常餓到顛左就唔肯啜。