懷孕前後今日: 16|主題: 330336

收藏本版

發帖

返回列表

跳至頁

查看: 14324 | 回覆: 9

記錄下自己IVF既過程 [複製鏈接]

Kalicheung

複式洋房

積分: 327

畀面勳章

1^#

發表於 23-3-2 12:13 |只看該作者 |倒序瀏覽 |打印

係2020年既時候同當時未結婚，仲係男朋友已經開始計劃有BB
當時我同老公都已經30歲，所以都開始計劃定結婚生BB

由於我有過一次宮外孕，切除左半邊輸卵管，
一路都好擔心係自己身體問題所以一直都無辦法自然懷孕，
所以都早早捉埋老公去左家計會到檢查，
家計會話我同老公都係正常，係老公Ｄ精子唔多靚仔，但數量又夠多"鄧"返勻都係正常，
我每朝起身第一件事量體溫畫表，做足晒又自己買左Ｄ試紙驗黃體素。

大概維持左半年到，家計會就寫左轉介信比我去廣華，果陣大概係21年3月但由於當時我同老公係未註冊，不過都同醫生講左我地準備係年尾會結婚
醫生就REMARK返照幫我寫，因為做人工授孕係必須為合法夫妻先做得
然後去左廣華到排期，等左幾個月好好彩見醫生個期係岩岩好係註冊既後幾日！

21年12月開始見醫生，一黎醫生就建議我直接做IVF, 唔需要做IUI
同時間有個大我幾年朋友都係一齊約廣華，係佢介紹同埋比我早1年左右開始係廣華。
點知因為疫情關系，廣華暫停左，到再見到醫生果陣22年4月，
竟然我比我朋友更早可以開始，點知再檢查發現左有子宮瘜肉，一定要切左先可以next step..
要再做個鹽水超聲波確認，過程好辛苦...打到個子宮漲一漲同埋先影到Ｄ陰影同埋又痛,
一落地果下D血水係咁漏落地，果陣已經覺得好辛苦...做完呢個手術好怕凍,身體好虛..

照到就可以揀係私家切瘜肉/排期做，最後我揀左排期係廣華到做返。
本來都諗住等半年以上，點知又突然收到電話可以安排到6月做手術。2個月都無!!
到要入院, 住左3日2夜..記得要食藥個肚好谷好似黎M咁好唔舒服同埋腰超級痛...

到7月頭再見醫生已經開始食藥同打針, 果下其實好shocked,
以為係切完瘜肉覆下診, 心諗點都要抖一排掛??
點知一見完醫生, 就叫我去交錢$4000, 上返去搵姑娘學打針(?) 當時佢好快手一野就吉左落我個肚到!
仲記得係自己生日前一個星期，結果又要戒口。。
當中打針真係打到成個肚一排瘀晒，成個人變到又肥又腫胸又漲，個胸真係行步路都痛!!
醫生話可能有卵巢刺激綜合症, 又要食多隻藥....
最後係7月16號抽得卵, 老公同日就要係醫院交埋精。
本身聽到有廿粒, 最後話抽左18粒, 開左3日假期
抽完卵個感覺個子宮凌空左，浪浪下既感覺，行路同坐低果下都會痛

到7月23號, 終於收到通知有幾多粒培養到。。有４粒去到day 6
之後因應唔同數量就交錢, 我要雪4粒就比左 $21350

到依家2023年3月, 我仲未放胎
原因係因為要搞擺酒D野, 我地22年10月擺酒, 計過數擔心太辛苦放入去會唔穩
同埋又諗住讀完書先放, 依家準備4月份一黎M就打去放胎!!!

可能時隔得太耐都已經唔記得左好多野, 所以依家開返個post record返~ 長文感謝閱讀~