講下自己背景先，本人好科學下，唔多信鬼神說法，但世界之大無奇不有，有些事又解釋唔到，特別係發生係自己同家人身上，想講出來大家聽我分析一下，絕對尊重任何意見。仔仔今日為2歲9個月，講野唔算好叻，但喜怒哀樂係絕對表達到，因爲佢係比較有性格，覺得得意就哈哈大笑，唔鍾意係逼唔到個種，會即刻發脾氣，整親又好易tum個種，7個月大就識得推開唔鍾意食既野，1歲個時睇到3只小豬個只狼就識喊，依家睇就會走開同暗住隻眼。而且佢係happy kid,見人會主動打招呼個種，好得人鍾意！
佢細個時以為佢怕生保，去到唔熟悉地方或見唔識既人會唔鍾意同喊（平時好少喊）後來發現某些人即使見過好多次都會喊（但有時又唔會）不過驚開個個都係會驚，而且依家經過一d地方會突然遮住自己對眼，仲會調頭走，我覺得好古怪，因爲我認知個仔係好大膽咩都唔怕🤔近來係屋企無拉拉指空氣拉我去，其實佢一早就識得分影，因爲我地間屋夜晚廚房唔關燈，自己半夜會玩自己個影，歲半已經認知同識講係影！所以唔會分唔清個影🫣所以唔係好明，問佢見到咩佢又講唔到，驚咩佢就淨係識喊同埋say no, go mami go! No no咁😑你地有無咁既經驗？
發表於 
返回列表
