6個月-1歲今日: 0|主題: 17974

收藏本版

回覆發帖

返回列表

跳至頁

查看: 13426 | 回覆: 7

我女厭奶厭咗7個月！最後終於搵到隻佢肯飲既奶粉Kendamil [複製鏈接]

Lafa_coke

複式洋房

積分: 197

1^#

發表於 23-7-18 12:27 |只看該作者 |倒序瀏覽 |打印

話說我個女除咗頭1個飲人奶，第二個月開始轉奶粉俾佢飲。一開始飲Hipp，飲咗2個月都飲得好差，每次飲奶都好似要同佢打交咁，佢喊我又喊，真係好辛苦，又驚佢飲咁少奶唔夠營養，所以我就決定轉奶粉試下，轉左美素力，除咗頭一次飲得好，之後情況都係一樣，都係唔肯飲，呢樣事攪到我有少少抑鬱。

然後我再試轉多一隻俾佢，就係能恩。情況一樣無改善！我果陣真係日日都好depress，食野又無胃口，攪到我自己都瘦咗好多，輕過未生之前。我又上網搵咗好多資料，轉奶嘴奶樽、飲奶姿勢、換下飲奶環境咩都試過，都係唔得！

0 0 0

私人傳訊回覆引用

Lafa_coke

複式洋房

積分: 197

2^#

發表於 23-7-18 12:27 |只看該作者

Lafa_coke 發表於 23-7-18 12:27
話說我個女除咗頭1個飲人奶，第二個月開始轉奶粉俾佢飲。一開始飲Hipp，飲咗2個月都飲得好差，每次飲奶都好 ...

然後身邊啲朋友同我講好多BB有厭奶期，過咗就無事。我一直都等緊佢過厭奶期，但係等咗足足7個月！厭奶厭咗7個月！因為我心情持續都好差，攪到又好易同老公鬧交，同老公關係差咗好多好多！

最後我同自己講試下再轉多一次奶粉，得就得，唔得就算，因為我都好攰，已經唔想再理。最後轉咗Kendamil。我真係好開心！我感覺佢好鍾意飲。以前餐餐奶飲1個鐘、有時飲得1、2安又唔肯飲，然後淨咗d奶又要拎去開米糊先肯繼續食。依家我唔駛再開米糊，次次10分鐘內KO支奶，我心情都好咗好多。

私人傳訊回覆引用

Lafa_coke

複式洋房

積分: 197

3^#

發表於 23-7-18 12:28 |只看該作者

Lafa_coke 發表於 23-7-18 12:27
然後身邊啲朋友同我講好多BB有厭奶期，過咗就無事。我一直都等緊佢過厭奶期，但係等咗足足7個月！厭奶厭咗 ...

最後我發覺，我女以前飲開果d奶粉都好蘇，聞落去好似青豆味咁。但係Kendamil就好香奶味，聞落去好似meji鮮奶，又有少少似煉奶味咁。我睇返成份，原來以前果d奶粉全部都係用脫脂奶整，但Kendamil係用全脂奶，唔知係咪用全脂奶個奶味無咁蘇所以我女鍾意？定係咁岩佢7個月開始唔再厭奶所以飲得好咗？真係無從考究(emoji)(emoji)‍♀️。But anyway依家我個女每次見到我沖奶佢都好開心，我同老公關係都好咗！(emoji)