吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公曾經叫雞

夫婦情感今日: 13|主題: 42705

收藏本版

發帖

返回列表

跳至頁

查看: 43649 | 回覆: 43

老公曾經叫雞 [複製鏈接]

12 3

wing765

複式洋房

積分: 140

1^#

發表於 23-7-27 15:37 |只看該作者 |倒序瀏覽 |打印

同老公係中學同學，一齊20幾年，結婚8年有兩個讀小學既小朋友，感情早已像親人般，平淡一齊生活，多年來自問對老公和奶奶無微不至地照顧，兩個仔出世頭幾年，感覺老公經常脾氣暴躁，夫妻感情冷淡，有時好夜返屋企話出去食飯，我一路以為係湊小朋友壓力所以處處包容他，近年小朋友大些，照顧壓力減輕些，夫妻感情有小小改善，可惜幾個月前心血來潮睇佢電話，發現原來大量叫雞group, 雞既contact電話，同埋佢d雞友對話，從來無check 佢無懷疑過佢既我，好突然好大打擊，佢亦承認因貪玩跟朋友去叫雞，但佢話小朋友出世後無去，只係睇，當然我唔信，呢幾個月佢不斷承諾，道歉和作出改變，包括行為上，變得有交帶，態度好左，删除所有雞既資訊電話，我地都有檢討婚姻中發生左咩事，婚前我一路忙於工作進修，佢又貪玩識左工作上班雞友，如果唔計叫雞，佢都算係愛小朋友顧家既爸爸，放假一定會陪小朋友，我信佢最少呢兩年疫情少去，或許無去，但一唸起佢曾經同雞既嘢，真係好心痛，我知佢表示好後悔唔想頭家散，話好後悔無珍惜我，但我心結真係好難解，好難釋懷，多次想離婚算，我有全職工作，一直經濟獨立，佢比我既家用只係儲蓄可以唔使用，我應承給他一個機會嘗試一齊返，唔離婚，但對住佢好辛苦，有同路人可以分享下點過渡到呢d事嗎？

0 0 0

私人傳訊

Chloe199401

男爵府

積分: 9116

牛年勳章

2^#

發表於 23-7-27 17:26 |只看該作者

wing765 發表於 23-7-27 15:37
同老公係中學同學，一齊20幾年，結婚8年有兩個讀小學既小朋友，感情早已像親人般，平淡一齊生活，多年來自 ...

係咪因為你太掛住照顧小朋友，
忽略左你老公既感受？
例如佢暗示想要？
你又唔比佢。
男人有時候都需要性方面滿足。

私人傳訊

090922

大宅

積分: 1631

3^#

發表於 23-7-27 19:04 |只看該作者

wing765 發表於 23-7-27 15:37
同老公係中學同學，一齊20幾年，結婚8年有兩個讀小學既小朋友，感情早已像親人般，平淡一齊生活，多年來自 ...

要睇你接唔接受返佢？如果唔得就等小朋友中學或者18歲之後先走

私人傳訊

wing765

複式洋房

積分: 140

4^#

發表於 23-7-27 19:12 |只看該作者

照顧bb忙少夫妻生活都係其中一個原因，其實佢從未婚前已經有叫雞習慣，嗰時知佢貪玩活躍，但無唸過佢係玩雞，大家除了忙，感情都叫穩定，我唸佢當時係幼稚貪玩無唸後果，直到有小朋友佢開始減少同有返些家庭觀念，但間中有無叫，我信有，同佢嗌交時佢初時話嗰d雞無感情只係交易，我要求離婚佢極力挽留，至於佢宜家仲敢唔敢去，我信佢8成唔去，否則會妻離子散

私人傳訊

花花b

侯爵府

積分: 21169

5^#

發表於 23-7-27 19:33 |只看該作者

如果可以慢慢釋懷既就忘記，不可以的話就揀個令自己開心既方式生活。話哂你又有經濟能力，不用太擔心未來。

記住自己開心既情緒係好重要

私人傳訊

kwhkwh

公爵府

積分: 28655

2025勳章 2025勳章蛇年勳章 2024年龍年勳章牛年勳章

6^#

發表於 23-7-27 19:42 |只看該作者

如果你經濟冇問題, 不用依賴男方既, 老實講, 佢用幾多時間去hurt 你, 你用番double甚至數倍時間去沖淡傷痛冇問題喎！

返工都3個月probat 啦, 係米? 樓主不用一時3刻決定些什麼, 慢慢沉殿/消化件事冇人怪你。

請勿轉載。搬字過紙不是記者的工作，未經同意, 即屬抄襲。

私人傳訊

陳小b

伯爵府

積分: 15982

畀面勳章

7^#

發表於 23-7-27 21:05 |只看該作者

回覆樓主:

首先，你自問自己---你地兩公婆幾耐冇行周公之禮？！你老公每次想要時你係咪大多數都拒絕？！

如果錯不在你，咁你老公本身婚前已經有呢個習慣嘅話係好難改。

你老公之前同d雞咁多接觸，每次都唔同人，你有冇諗住去驗咗身先？！包括你老公。

然後先再諗接受嘅問題。

老實講，傷害已做成，信任亦需要好長時間再去建立。jm你既然選擇原諒，就要勇敢去面對唔好再諗再提。大前提睇下你老公往後嘅表現如何先再決定。

私人傳訊

wing765

複式洋房

積分: 140

8^#

發表於 23-7-27 21:23 |只看該作者

今次上左好大既一課，原來人性陰暗面可以咁陰暗，我突然覺得佢好陌生，好恐怖，我同佢講我呢世都唔會原諒佢，嘗試一齊返，唔知幾耐先可以接受佢係一個人，唔係禽獸，我從來無接觸過嫖既圈子，唔明白點解男人可以冒險做出呢d事，可幸的男家包括奶奶都支持我，因為咁多年佢哋有眼睇我點為頭家盡心盡力，我又要返full time work, 又要安排姐姐照顧小朋友奶奶，manage屋企大小事務。。。初時有唸過趕佢走，樓係我既，但始終心軟，唔想小朋友咁慘無daddy，繼續同佢一齊，係，我感受到佢有誠意重新做人，不過條路都好難行，宜家只好學習對自己好些

私人傳訊

已刪除用戶

已刪除用户

積分: 2838

9^#

發表於 23-7-27 21:49 |只看該作者

提示: 作者被禁止或刪除內容自動屏蔽

私人傳訊

wing765

複式洋房

積分: 140

10^#

發表於 23-7-27 22:24 |只看該作者

從來無reject 老公sex need, 幾年前經常message佢，甚至喊住問佢點解對我咁冷淡，當時信佢工作忙辛苦，宜家唸，佢可能當我只係一個照顧屋企既人，多過妻子，呢幾個月，佢電話內所有雞group, 開房電話，雞電話已delete, 但社交網站如Facebook, ig, 仍有好多sexy girl, 我唔明，都幾十幾人，係咪要咁賤，佢話自己可以cut off, 知道家庭先係最重要，唉

私人傳訊

shangor

複式洋房

積分: 144

11^#

發表於 23-7-27 23:01 |只看該作者

wing765 發表於 23-7-27 22:24
從來無reject 老公sex need, 幾年前經常message佢，甚至喊住問佢點解對我咁冷淡，當時信佢工作忙辛苦，宜家 ...

好同情好明白你感受，男人係賤格，做錯事過一排當無事發生，女人就默默承受一切，為咗細路都要堅持行落去，唯有當佢同屋主咁一齊生活，等小朋友長大就再決定條路點行，留錢最重要的。

私人傳訊

Reneeho

大宅

積分: 2332

12^#

發表於 23-7-29 01:07 |只看該作者

回覆樓主:

置諸死地而後生。。先搞離婚，令佢知道你今次好認真處理呢件事。。。搞離婚都要搞成1，2年。。如果佢呢2年真係有改就cancel離婚。。冇改就直接離婚。。人生苦短，真心唔想為左1個唔珍惜自己既人而活

私人傳訊

Reneeho

大宅

積分: 2332

13^#

發表於 23-7-29 01:10 |只看該作者

shangor 發表於 23-7-27 23:01
好同情好明白你感受，男人係賤格，做錯事過一排當無事發生，女人就默默承受一切，為咗細路都要堅持行落去 ...

男人可以無限做錯，跟著女人就要原諒，自己承受對方錯既痛苦。。個男人就消遙快活。。。除非做到真心睇得開，否則容易搞到抑鬱

私人傳訊

namnamnamlolo

珍珠宮

積分: 43478

14^#

發表於 23-7-29 07:33 |只看該作者

回覆樓主:

又會咁遲先發現
似乎你之前真係太忙
佢happy咗咁多年
而家肯改
睇在小朋友份上俾d時間佢

私人傳訊

chindy-chu

男爵府

積分: 6295

15^#

發表於 23-7-29 08:42 |只看該作者

其實之前做過嘅嘢就唔需要再追究啦

私人傳訊

wing765

複式洋房

積分: 140

16^#

發表於 23-7-29 15:31 |只看該作者

我都幾後悔自己一直無危機意識，大安指意完全信任，太包容，好彩無放棄自己前途，靠自己都可以過安穩生活，宜家唸男人真係靠唔住，嗰陣單純唸住一齊努力為未來，婚前幾年又返工又返學忙到每日訓幾個鍾，估唔到佢背住我咁happy, 有時會安慰自己浪子回頭金不換，佢今次被發現後，在態度行為上成熟左，放工立即回家，放假陪小朋友同我，可能有內疚，不過，我好多時候係控制唔到自己抑鬱嬲怒既情緒，我想佢知“痛”既感覺，唔想佢覺得咁易被原諒，所以申請離婚，佢表現可以keep 到再取消都係其中一個option