tutik 發表於 23-9-29 17:33 
咁輕微中風有乜徵象？我都驚自己係。
我21/3唔舒服去左睇醫生，平時睇慣既醫生放假，迫住睇一個深知唔掂既醫生，食完藥都係唔得，之後睇左兩次睇開既醫生都唔得，同埋暈既情況嚴重左，跟住走左去睇中醫
中醫就話少事黎，做下推拿針灸同飲藥就得，為求快好我都乖乖地咁去睇，但係都仲暈
之後同朋友食飯傾開，佢同我都懷疑係耳水不平衡，跟住即轉去睇耳鼻喉科
耳鼻喉科睇左兩次都係唔得，跟手我又去睇中醫講明係耳水不平衡問題，最終又係搞唔掂
自己又再搵資料，睇落好似耳石症，今次我直接搵私家醫院既耳鼻喉科，直頭表明懷疑耳石症，醫生聽完我所講同檢查完就叫我做MRI，當然即做啦
MRI報告話我個鼻有陰影，再做內窺鏡檢查發現係鼻竇炎，咁當然醫啦，睇醫生睇到鼻竇炎好返晒我都仲係暈，個野真係想死囉
咁岩我約左幾個朋友食飯，佢地知我唔舒服，傾開偈時我咁岩醒起我爸同我媽睇開既醫生，因為個醫生救過佢地幾次，真係執返條命仔架，咁我決定去睇佢
去到睇時醫生同我做晒所做到既檢查，照晒器官，仲睇埋份MRI報告，佢一睇之下話我中過風，問我知唔知，我當然唔知啦，私院專科提到無提過丫
個醫生仲話有無搞錯，份MRI報告完全無提過我中風問題，佢仲指埋個位俾我睇，佢話好彩呢個位係微絲血管位，呢度對我基本上無乜影響，最重要係手腳都無事，否則我係半癱左囉
跟住再檢查就發現我左耳中耳積水，咁佢話呢度唔難搞，佢會同我搞掂，前後總共睇左9次搞掂晒
每次睇醫生都要打兩支針，仲有一大堆藥，真係好難得呢位醫生救左我一命囉
你要知有無輕微中風，真係要做MRI先知，但都好靠睇報告個位既經驗，否則好似我係私院既經歷，真係想死囉
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
返回列表
