一名網民本周一（16日）在網上討論區「親子王國」中發帖，表示身邊一名女友人向她訴說，女兒剛出社會工作2個月，月薪達2萬多元，現時跟男友同居，日常開支由男方支付。
這名港媽表示，曾要求女兒每月給予$6,000元家用，女兒卻明言只會給$2,000元，更批評母親當她是「搖錢樹」。港媽聞言傷心苦呻：「覺得自己好似乞兒咁。」發帖者認為港媽一向愛錫女兒，不解其女兒為何有此想法，也有問港媽為何仍堅持要女兒交家用，對方稱希望讓女兒明白何謂對家庭負責。
港媽稱理解女兒剛投身社會，希望她先儲錢，要求$6,000元家用只是試探，「佢諗住個女會答『好』就同個女講唔使畀咁多，或者個女會主動話畀唔到咁多畀少少，佢都接受，估唔到結果係咁......」
「弊在個女一開始就拒絕，之後語氣好似施捨咁話畀$2,000。我朋友畀個女傷到心先係問題所在，我朋友返part-time 3日都搵到$2,000，佢唔係為錢。」
隨後港媽向其透露女兒已經道歉，母女溝通後和好如初，女兒也表示其實一直都有計劃交家用，亦會為父母買保險和帶他們去旅行。
網民：金額由個女自己決定
不少網民看到帖文後，表示不會主動問子女索家用，認為對方心甘情願交家用最重要；有網民則指既然女兒不同住，畀$2,000至$3,000元家用也合理：「唔會主動問仔女攞家用，因為知道自己承受唔到，仲會破壞感情」、「叫個女畀$6,000，就算個女同住，都會覺阿媽大貪」、「如果已經搬走咗，我就唔會要佢畀$6,000」。
發表於 
[/s 
返回列表
