學費包括真金白銀的金錢, 感情, 同情心, 智商, 情商等等....
呢D學費, 父母唔可以為子女代交 , 雖然父母心中永遠想保護子女, 亦係天性. 俗語 : 唔跌唔得大 , 意思就係幼兒學步過程跌過, 痛過, 流過血, 然後起返身, 再前行. 整過人生每個階段, 其實某程度上都是在學步中. 亦會有機會跌到, 受傷, 沮喪, 然後振作, 學精...
記得初出茅廬時, 去找所謂美容兼職, 標榜提供免費在職培訓, 不過又要先交幾百蚊材料費, 少不更事照做, 過後才知被搵笨, "學費"之一, 後來職場上又遇過比蕉皮自己跣的同事, 為自己的無防人之心又交"學費", 少女時代, 臉皮薄, 去舖頭買衫, 覺得睇完問完價, 唔買好樣衰, 硬著頭皮買下, 出門口之後心裡又後悔, 真金白銀交" 學費" ....
又比如當自己第一次學淘寶 , 當然交 "學費" 亦係 家常便飯, 隨住淘齡增長, 學費已經交少好多了. 話說回來, 自己都係一步一步的邊跌, 邊走過來, 冇人幫到自己, 而某D "課程" 的學費亦頗金, 自己唔會同父母講. 慶幸自己有DD阿Q精神, 讓時間療傷, 雖然曾經跌過落谷底, 都慢慢爬返出個窿. 而家呢 , 知道自己個仔經歷緊一D人同事, 作為父母哩, 擔心係一定的, 但呢D又係要佢自己一步一步去體驗的, 正如我上面講, 父母唔可以為子女代交 "人生學費 ", 我只可以在心裡為佢打氣, 希望佢最終就算要交 "學費", 都唔會一蹶不振就好.
從天空到大地, 心臟在持續著令人眩暈的擺動, 那是初戀
發表於 
返回列表
