sunnymama2 發表於 23-12-16 17:12 
你點sense 到到舊公司會有事呢
其實又唔係我sense到舊公司會有事，而係我喺舊公司做咗好多年，近兩年越來越唔掂，原本疫情開始，公司要我地全部WFH，當時有好多程序出問題，大家好包容好有耐性，同事都努力支援大家，漸漸疫情過後，變成hybrid模式，人事變動好大，程序近兩年改好多，但改之前準備唔足，改之後好多問題，我做得耐已經容易搵到人幫，其他較新嘅做到好洩氣。舊年我加嘅人工少到我覺得被侮辱，以為只係公司業績唔好，點知係上司選擇性地加人工俾擦佢鞋嘅人，有升職機會唔俾我同另一個做得最耐嘅人，如果升職果個有料的話，我冇問題，但偏偏唔係，佢仲要我教佢做嘢，之後偷咗我嘅credit，我越想越覺得冇意思，公司由呢種人把持點進步？偏偏又真係好多呢類人，水鬼升城皇嘅好多，於是我開始發CV搵工，大大話話interview咗幾十次，千揀萬揀，人揀我，我揀人，最後等到一個自己比較鍾意嘅offer，雖然唔係我最想做果份工，但已經樣樣都令我滿意，比舊果份人工高，福利好，只係唔捨得共事多年嘅同事，但人情唔當得飯食，同幾個好同事傾，佢地都叫我走，有時感覺好似整定咁，我對舊果份工原本好有熱情，亦好鍾意果個工作環境，但去到好難有進步嘅地步，我覺得唔走唔會有出路，而且果行前景我唔太樂觀，所以做咗18年都係決定走，果然當時嘅直覺真係應驗咗，睇住新聞講公司會裁員，結束某D部門。。我都唔知裁員是否就能解決財困問題。
花旗太太生活在花旗國，留意時差，你問我未必即時答到。
發表於 
返回列表
