吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 兩個月內經歷懷孕到小產既高低起伏:(

懷孕前後今日: 9|主題: 330331

收藏本版

發帖

返回列表

跳至頁

查看: 11818 | 回覆: 10

兩個月內經歷懷孕到小產既高低起伏:( [複製鏈接]

Venusbbsiuc9

洋房

積分: 37

1^#

發表於 24-1-18 16:13 |只看該作者 |倒序瀏覽 |打印

本帖最後由 Venusbbsiuc9 於 24-1-18 16:20 編輯

有個樹窿係度比我純分享...

同老公行埋不嬲都冇避孕, 一向都經期吾准既我, 12月頭我係感覺到谷m同胸脹, 但等左好耐遲遲都未黎但我就冇理到因為預左例遲, 直到1月頭覺得自己肥打算在家做運動keep fit但直覺話我知不如check下自己會吾會有左, 冇就可以keep fit go ahead有既話就下一步.

1月3號發現自己有左, 當日既朝早好驚慌又不知所措既心情, 番到公司即刻搵婦科醫生double check, 我對懷孕真係0知識, 醫生問我最後幾時經期, 我話11月3號, 醫生幫我照肚皮超聲波的確有胎心胎囊, 所有野睇落一切正常, 由於經期吾准所以預計5週大, 仲未聽到心跳叫我下星期再照, 當晚我再去埋家計會預約照超聲波因為平D就約左1月16號見醫生.

呢段時間子宮間吾時有那住同埋經常作嘔作悶既感覺, 1月9號開始下面流啡, 以為冇野上網搵知識話著床性出血係正常所以我冇理到, 到第2-3日有鮮血開始多我就驚喇即刻番緊工又搵另一個婦科醫生睇, 今次照陰道照超聲波, 醫生睇番我上一次既超聲波相話今次照出黎而家係6週係合理不過仲未聽到心跳呀下星期再check啦, 如果冇心跳個胎就冇架喇...聽完個心有d up同埋驚自己係吾好彩果個.

到1月16號去家計會照超聲波, 係就係平$500蚊但真係不可一不可再.
入去見醫生係一個中年既大陸女人, 上床照陰道超聲波佢隊個支棒入去好痛令我好吾舒服, 醫生話個胎太細一定要隊入D先睇到, 之後佢搵左勁耐都睇吾到個胎, 同我講搵吾到, 我問佢搵吾到? 邊有可能呀? 我上星期四醫生先照完話個胎冇問題係未有心跳姐, 之後佢先搵到我個胎, 然後係吾係都print相出黎, 但D相張張度出黎個size都吾同有大有細有長有短嬲到我呢, 然後話都係冇心跳播你個胎個size冇增長即係死左架喇, 問我洗吾洗開封開信比你去醫院跟你個case? 都係排急症然則再分流到婦科架咋, 或者吾洗信都得你拎住超聲波相去醫院都得架, 佢話反正你依家冇再出血又冇肚痛你可以自行判斷再等下BB有冇心跳既有D人有奇蹟既, 然後我話得架喇我會自己搞掂比完錢就走左.

我再book左其他婦科醫生 1月23號產檢, 判死刑都要double check...其實我都打定左輸數因為懷孕既徵兆都愈來愈小,冇咩再子宮那住同埋經常作嘔作悶, 胃口都冇上一兩個星期甘大食...只不過想最後check多次會吾會有奇蹟, 永遠lucky吾會係我身上發生:(

以上既內容都係得老公知,冇同過親朋好友講因為好難受好大壓力, 呢排收埋左自己

人生第一胎就面臨小產, why me ?

0 0 0

私人傳訊

傳統涼果

大宅

積分: 3852

2025勳章 2025勳章蛇年勳章 2024年龍年勳章

2^#

發表於 24-1-18 16:51 |只看該作者

So sorry for you..我都明懷孕初期bb 係好唔穩定..

有無得早d check? 起碼早啲知道唔使咁忐忑

我鐘意舊嘢，新嘢點都取替唔到。

私人傳訊

Venusbbsiuc9

洋房

積分: 37

3^#

發表於 24-1-18 16:57 |只看該作者

本帖最後由 Venusbbsiuc9 於 24-1-18 16:58 編輯

回覆傳統涼果的帖子

上網睇話有D人8-9週先有心跳, 所以我book 23號產檢就夠8週

到時睇下...冇就直接去醫院排隊搞掂, 好吾捨得

私人傳訊

Sakuraohno

伯爵府

積分: 18018

2025勳章 2025勳章蛇年勳章

4^#

發表於 24-1-18 17:22 |只看該作者

我係21年都初次懷孕，個胎十日就冇左了，但上年再有，小寶寶依家2個月大喇。

所以唔使擔心，小寶寶好快再來搵你

私人傳訊

傳統涼果

大宅

積分: 3852

2025勳章 2025勳章蛇年勳章 2024年龍年勳章

5^#

發表於 24-1-18 17:57 |只看該作者

Venusbbsiuc9 發表於 24-1-18 16:57
回覆傳統涼果的帖子

上網睇話有D人8-9週先有心跳, 所以我book 23號產檢就夠8週到時睇下...冇就直 ...

我6w 都 check 到心跳，雖然好細聲但醫生會盡量放大

我鐘意舊嘢，新嘢點都取替唔到。

私人傳訊

chocolatey

洋房

積分: 67

6^#

發表於 24-1-21 13:13 |只看該作者

本帖最後由 chocolatey 於 24-1-21 13:20 編輯

樓主放鬆心情，或者會有奇蹟出現呢。
我都想搵個樹窿講下，因為一直唔想老公同屋企人擔心，就扮無事。其實我4日前經歷左第2次小X（一年內2次），1月頭開始流啡，到星期一開始量多，而且變得鮮色，肚開始扯住痛，果陣我都打定輸數，亦都開始係咁喊.....但都連續3日出入急症室希望無事，直至4日前確定排出左，我都忍唔住晌醫生面前流淚，係直到今日心情先平復少少，但睇到好多同路人都重新振作，好多都已經生咗小朋友，所以一定要提醒自己放鬆心情。

私人傳訊

noodle_noodle

伯爵府

積分: 19888

7^#

發表於 24-1-22 02:02 |只看該作者

chocolatey 發表於 24-1-21 13:13
樓主放鬆心情，或者會有奇蹟出現呢。
我都想搵個樹窿講下，因為一直唔想老公同屋企人擔心，就扮無事。其實 ...

我有細仔時我唔知有佢，以為m到，m嘅顏色同量都同平時m一樣，點知過左兩星期有日好頭暈，係天旋地轉到眼都唔想打開，去急症，照腦之前醫生例牌驗孕先知有左，醫生話流咁多血應該唔得，點知之後無再出血，好穩陣，39週生左，岩岩1月21號係佢兩歲生日

私人傳訊

qoobbchun

大宅

積分: 1342

8^#

發表於 24-1-22 11:28 |只看該作者

樓主加油
我都係過來人,所以好明白樓主而家既心情,
但真心地講,我地點都要走出尼個陰影,身體同心理自己最清楚,
所以我個時同自己講,最多坐完小月就要盡量回復正常生活,所以我都好希望比到D正能量你

坐完小月,搵中醫調理下再試啦,中醫會根據你體質去控制飲食
我仔仔而家1歲多D啦(當然到而家我都仲好掛住大寶啦),樓主唔好放棄~有問題就上黎問下啦.
尼度好多JM都有各種唔同經驗