試過dr clear，千祈唔好貪平！絕不推薦！
佢地只有所謂consultant ，講解過程好nice，目的只係要你比錢，比左錢就轉左由cs跟進，惡夢開始。
遲左寄牙套唔問佢地係唔會通知，佢地個cs係個種踢一踢郁一郁個種，你唔搵佢佢唔會同你跟進任何野。
收到牙套先約做磨牙，係個令人勁火爆嘅過程。佢話有時間就會同我講，但每隔一星期問佢佢都話冇時間，醫生未覆，甚至有日打風佢同我講因為天氣關係所以比唔期我，我只係想早啲比我知幾時可以做，平日要反工要就時間已經難就，諗住早啲約好個期，但個cs係完全做唔到野。你係唔會知幾時有期，點解冇期，一路追問都只係話牙醫未知幾時得。政府排期排一個月一年三年都叫有個日期時間比到，佢哋嘅安排係極其差。連續幾個禮拜要追問個cs幾時先有期比我約，佢係唔識自動同你去跟進。拖左好多次之後勁嬲，但佢地都係無動於衷，唔會理你。每星期追佢，拖左兩個月先叫約到。只係約一個做treatment 嘅日子，講左兩個月先做到，唔係個treatment兩個月後先做，而係約個日子都用左兩個月，你話個cs幾有辦事能力。
注意，所以搵實體嘅重要性係，你有咩問題有人可以比你問，有人同你check，但佢地個cs 得個wts，有幾大萬火急佢都可以不負任。
本來佢地出個plan比我係要做左磨牙先開始帶第一副牙套，係仲未約到日子嘅時候忽然間又話可以帶左第一到牙套先，令我即刻對佢地嘅專業判斷好質疑，一時又話要磨牙先，見搞唔掂booking就可以帶左先，咁其實佢地出個個plan有幾高可信性？
到終於約到做磨牙，你只會收到個地址叫你上去做，究竟係邊間診所，係咩牙醫，有冇註冊，都係唔會話比你聽。上到去都唔知個牙醫係邊個，想睇佢有冇註冊都睇唔到。做完磨牙只收現金，問佢攞收據佢話佢地唔會開，要叫反dr clear開收據。即係收完個啲錢係完全冇證據我係比過佢，完全冇保障。同cs攞收據都要等幾日，收據亦無寫我係邊度/邊個牙醫做磨牙，有咩問題係唔會有得追究。
千叮萬囑，千祈唔好貪平，一定要搵有註冊嘅牙醫診所，做之前應該由牙醫實際去檢查口腔牙齒係咪適合，而唔係就咁照完就話得。箍牙過程都記得唔好貪方便影相比佢地由所謂有牙醫跟進嘅幫你留意箍牙過程，唔係只睇齊唔齊嘅狀態，而係睇你牙齒嘅狀況，有好多牙齒牙肉嘅問題唔係影相去睇。
除左需要專業嘅牙科服務，呢度嘅cs係真心廢。千祈唔好幫襯。唔好貪平。唔好亂信佢地未收錢時嘅說話同態度，收左錢，佢地想點服務你係佢地嘅事。
發表於 
磨牙會否影響法郎質的保護性？我仔脫左4隻牙
返回列表
