吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 想離婚，希望集思廣益，plan下跟住條路點行 ...

夫婦情感今日: 5|主題: 42735

收藏本版

回覆發帖

返回列表

跳至頁

查看: 10382 | 回覆: 12

想離婚，希望集思廣益，plan下跟住條路點行 [複製鏈接]

yansheung

複式洋房

積分: 222

1^#

發表於 24-11-13 16:51 |只看該作者 |倒序瀏覽 |打印

背景：
-結婚七年；40歲；有兩個小朋友，分別七歲和一歲半；我自己有工作的；

99%確定佢大陸有第二個女人
-發現有買香水既收據
-睇wechat見到佢同個女人既對話，雖然冇情慾對話，但睇得出已經有一年既交往

現在情況：
初初發現，真係好嬲好傷心，覺得佢冇為自己屋企負責任，冇為小朋友負責任，過去咁多年，佢公司生意失敗，佢欠到周身債，我借錢幫佢，我屋企人都借錢幫佢，個金額唔知要還幾多年先還到，我幫佢幫到自己要申請破產，而家仲發現佢對我嘅不忠，我對呢個人徹底失望

想離婚，但大前提係唔知點樣對小朋友最好，又唔想因為小朋友而被迫繼續一齊生活

我有屋企人support ，自已份糧都夠養小朋友，而家最未諗通嘅係點樣對小朋友係最好…..

希望大家能集思廣益，有冇過來人可以俾多啲意見我(emoji)(emoji)(emoji)(emoji)(emoji)(emoji)

0 0 0

私人傳訊回覆引用

Cat7135

大宅

積分: 1128

2^#

發表於 24-11-13 17:14 |只看該作者

對小朋友咩先叫最好?無一個答案
但好可以好肯定話你知，小朋友長期睇住相處不和睦既爸爸媽媽成長，一定有影響。

唔知道除左＄＄之外，佢係情感上比唔比到足夠support 比小朋友?
如果佢係個D休息時間又唔陪小朋友既人,''爸爸''呢個名堂就只會係形同虛設,仲要來做咩?
長久仲會影響小朋友對未來婚姻既價值觀...

你有屋企又有錢SUPPORT 離婚一定好過繼續屈就。

我覺得樓主可以諗下你理想既家庭老公/爸爸職責係咩,小朋友7歲,都可以簡單問下小朋友希望／覺得爸爸可以為個家庭做到D咩。總合結果去審視呢個人仲係咪能夠為呢個家提供到正面價值,權衡下。

私人傳訊回覆引用

PTMCYS

子爵府

積分: 14244

3^#

發表於 24-11-13 17:32 |只看該作者

本帖最後由 PTMCYS 於 24-11-13 17:36 編輯

yansheung 發表於 24-11-13 16:51
背景：
-結婚七年；40歲；有兩個小朋友，分別七歲和一歲半；我自己有工作的；

他欠你們的錢有沒有借據, 小心離婚他未必肯還, 有無機會引他先還多些？

能否氹他補回借據才攤牌.

私人傳訊回覆引用

333s

象牙宮

積分: 231989

4^#

發表於 24-11-13 17:33 |只看該作者

yansheung 發表於 24-11-13 16:51
背景：
-結婚七年；40歲；有兩個小朋友，分別七歲和一歲半；我自己有工作的；

佢公司生意失敗，佢欠到周身債，我借錢幫佢，我屋企人都借錢幫佢，個金額唔知要還幾多年先還到，我幫佢幫到自己要申請破產？好慘。

自己有工作的；份糧都夠養小朋友。有地方住?
分家。離婚。要面對孩子的問題、財產分配的問題。衡量好坏處。
管養子女的困難

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊回覆引用

meimei-mama

複式洋房

積分: 417

5^#

發表於 24-11-13 17:34 |只看該作者

回覆 yansheung 的帖子

以前就會覺得寧教人打仔, 莫教人分妻, 但係男人一之不忠, 百次不用。已經俾你知道佢外面有女人, 點可以仲同佢相親相愛…?在沒有愛的家庭成長, 小朋友都會辛苦, 而且我會覺得離婚是你放生自己....你又有能力養2個小朋友,做咩要辛苦自己....
個男人外面債台高築, 仲要有女人, 就係窮心未盡, 色心又起啦...做咩要幫佢還債, 等佢有錢養2奶

私人傳訊回覆引用

yansheung

複式洋房

積分: 222

6^#

發表於 24-11-13 23:53 |只看該作者

PTMCYS 發表於 24-11-13 17:32
他欠你們的錢有沒有借據, 小心離婚他未必肯還, 有無機會引他先還多些？

能否氹他補回借據才攤牌.

對，我會搵方法寫番借據，謝謝你！

私人傳訊回覆引用

yansheung

複式洋房

積分: 222

7^#

發表於 24-11-14 00:00 |只看該作者

333s 發表於 24-11-13 17:33
佢公司生意失敗，佢欠到周身債，我借錢幫佢，我屋企人都借錢幫佢，個金額唔知要還幾多年先還到，我幫佢幫 ...

番娘家或租屋住

已經没有什麼財產好擔心，只為小朋友長遠心理作考慮

私人傳訊回覆引用

PTMCYS

子爵府

積分: 14244

8^#

發表於 24-11-14 12:07 |只看該作者

本帖最後由 PTMCYS 於 24-11-14 12:13 編輯

yansheung 發表於 24-11-13 23:53
對，我會搵方法寫番借據，謝謝你！

所以辛苦你了, 可能仍要用美人計

, 但千奇唔好比他用鬼計, 話借多10萬, 便一次過寫500萬的欠款......

.

簽左唔代表可以收得返, 但起碼對方唔會咁過份, 不然這邊離婚, 哪邊show 幸福攞彩...

有人收數交收數公司, 收到一人一半, 但因為是小朋友爸爸的關係, 怕你心軟到時又叫人唔追, 最後唔收仲要比費用人, 所以你要看用什麼的手法.

結婚7年, 唔知你之前識左幾耐, 雖然是孩子的爸爸, 但你肯為對方破產和問家人借巨款, 唔知對方做了什麼令你咁迷戀, 如果係我太太, 應該唔會咁做, 雖然她很愛我, 但我欠錢可申請破產然後由她照住我, 所以要定立止蝕位, 錢自己揸手好重要, 止完蝕因為錢要離婚都無計, 無錢的人總是做求人的角色, 之後再有機會, 唔好把這個勢交給對方了.

處事太博的人是十分危險的. 不過幸運的你仍可以照顧自己和有家人的支持, 如果真係攞唔翻, 都唔好太上心, 當自己貫樓變負資產吧, 再重新出發, 寄托在孩子身上, 及孩子長大後的享受生活計劃.