cxcxjcjc 發表於 24-7-12 11:28 
回覆 kaman06 的帖子
我自己呢個case而言：我自知自己依賴性比較強，但我唔會 將 需要被愛 同 需要依賴人力資源 混淆自己所需。
每次有一個potential 發展親密關係嘅人物出現時，我都會分析 雙方係呢段關係中 有啲乜嘢係可以各取所需嘅，而對方要付出我需要嘅動力係乜嘢？愛係可以作為一種動力來源。嗰候選人愛我啲乜嘢？而我呢重佢需要嘅嘢，我評估佢愛我嘅呢啲嘢我會唔會長期畀到佢而且比到老，起碼畀到佢動力能繼續畀到我需要佢畀我嘅嘢，目的係要雙方平等。如果唔係，好容易嗰關係演變成為一方只在索取而另一方不斷付出冇回饋嘅不平等供與求嘅關係，如我同我先生各自嘅前一段婚姻關係咁。
經營過一段親密關係，長一經營關係之智。唔好怕再去磨練，自己嘅生活素質先有機會提升。生活素質係自己經營投資得來，唔係靠童話故事中嗰啲公主，白白靠中彩嘅被愛來提升嘅。
例如，當初我問我先生鍾意或愛我啲乜嘢，如果佢嘅答案係大讚我外表外貌長得賽天仙，我即刻飛咗佢。因為呢啲嘢，我自認無能為力長期畀到佢。好在佢夠聰明，話佢欣賞我待人接物，出世做人，思維有深度，intelligent。就憑呢啲已經可以與我長期成為好朋友知己。當然我嘅外貌就係佢感官覺得美嘅類型，體味啱佢聞，經營親密關係之道，呢啲嘢將我歸入經營親密關係嘅對象內。
我就係經過呢啲interview processes 揀定我現任先生。到而家超過10年，我倆依然afford得起活在戀愛腦中。我先生係個好享受浪漫親密之人，可說是性情中人，雖然我不懂浪漫，或者我嘅浪漫sense唔同佢嘅，但唔緊要嘅，佢型造嘅浪漫氣氛，活動，我總能給予正面嘅回應，響應 就得啦。
例如，今早，我坐緊馬桶，見佢行入嚟，我以為佢要用，咁我即刻有想企起身嘅動作，等佢用先，因為佢在家工作緊嘛。跟住佢即刻同我講話：“唔使起身啦，我係想嚟同你打個招呼親親，就咁簡單，唔係用廁所啊。” 我見佢好溫柔咁捧住我塊面，微微彎下腰，用嘴唇輕印我額頭，用一種感覺我很可愛嘅表情望我片刻先至轉身返番去佢辦公室做嘢。我即感甜蜜蜜，開心咁叫！
而家每日，我兩都會排排坐係沙發，手牽手煲韓劇。有時一個靠著另一個膊頭，有時一個枕在另一個大腿上擁抱著看螢幕。
每晚睡覺前，我都好鍾意 比佢先上床躺下，以一種 好似見到可愛動漫character嘅開心表情 望著我先生來到佢瞓嗰邊上床。佢好享受同我嘅互動。我亦好享受同佢嘅互動。佢同朋友去旅行有好，公幹又好，都會帶埋我一齊去。我哋一齊有好多可以做嘅共同活動。
Love is when the other person’s happiness is more important than your own ~ H. Jackson Brown
發表於 
返回列表
