一心諗住信朋友去試吓，點知伏到乜咁俾人當水魚，希望姊妹們不要中伏，如有其他姊妹都有去過嘅經驗，歡迎分享及聯絡本人因為本人一定要追討應有嘅公道，稍後會聯絡東張西望及各大傳媒。
希望大家唔好嫌我分享得長，畢竟一蚊都係錢
首先想講吓點解講呢間舖頭係黑店，嗰位有鄉音嘅阿姨係人哋未試好就拉開人哋個簾，仲強迫性要求你買數件，問佢價錢，無論係問佢邊個款，佢都一律唔答，淨係話計到最平俾你，唔係朋友介紹我唔會去，去到埋單俾錢都唔肯講，頭尾唔使15分鐘，強迫地買咗兩件瞓覺內衣，四件去街內衣，兩件矯形內衣，價錢4100百幾蚊，明明門口寫住買一送一買一或者買二送一，問佢佢就話做咗優惠俾你，我睇張單全部寫住$788，即係$393.5.1個，請問有乜可能乜嘢款式都係同一個價錢？我點睇都唔見有買一送一嘅優惠，明明朋友同我講話係三百幾蚊左右一個，都諗住算啦功能性內衣貴啲就貴啲啦，點知返到屋企發現全部都係淘寶貨，仲要係勁平嗰啲，求其吊個紙牌上去就話係自家出，我心諗乜嘢功能性內衣啊，拎返去退錢都唔肯，門店所有貨品冇標明價錢，仲要明明佢網上商品標明最貴都係300頭一件，佢就擺明當我係水魚見我係朋友介紹就海鮮價賣比我。仲叫我喺淘寶訂啲貨返嚟同佢對比下，有圖有真相，嗰位姨姨仲夾硬話係唔一樣係話啲彈性物料唔同，後尾又改口話全世界都係淘寶貨，我燈油火蠟賣廣告都係錢我梗係要賣咁貴。重點係你點樣營銷係你嘅事，你第一冇標明價錢第二聲稱自家功能性內衣擺明欺騙消費者，我就算退唔返錢我都會幫你宣傳開去你哋呢間黑店，希望大家做女人唔好俾人呃👍🏻
有圖有真相，我會貼圖出嚟分享俾大家👍🏻
地址旺角花園街147號地下
老闆娘Candy Cheung 經常喺各大平台玩直播
發表於 
返回列表
