美容扮靚今日: 0|主題: 137915

收藏本版

回覆發帖

返回列表

跳至頁

查看: 3287 | 回覆: 3

不推薦的整眉店，伏 [複製鏈接]

sumsumlls

複式洋房

積分: 250

1^#

發表於 24-8-20 14:06 |只看該作者 |倒序瀏覽 |打印

喺IG度搵到呢一間舖頭，本身見到佢啲廣告好似幾好，好似幾有心，但試過一次，就唔想再幫襯了。

我係喺IG搵到呢間舖頭，叫’Myoni.lab’ ，之前整過一次，不過唔係呢間，想試吓新嘅舖頭，所以搵咗佢哋，上到去佢話我要洗眉，於是就洗第一次，一上到去咩都冇問就同我敷藥膏，話要敷25分鐘，點知等咗超過40分鐘，覺得奇怪，又冇人理我，所以自己落床走咗出去搵佢哋問，但係佢哋其中一個職員話唔知，你本身幫我嗰個職員唔知去咗邊，咁佢叫我再等多一陣，再等多20分鐘先有另一個職員話幫我抹咗先，跟住就開始幫我用激光洗，過程覺得有啲粗魯，同埋覺得痛，佢係咁話正常，所以我繼續忍耐。

洗完之後，條眉都唔係淺色咗好多，跟住佢就話拎一包乾冰俾我，非常求其嘅一包乾冰，跟住叫我自己揸住敷20分鐘，過程中成間房好熱，冇冷氣，跟住包冰好凍，但係自己要就住自己拎住敷，第一次去美容院做眉要自己敷藥，條眉又有啲痛，總之成個感覺就係好唔舒服同埋好唔專業。重點係佢哋收費都唔平，所以覺得貨不對辦。

過咗20分鐘之後，佢哋仲話條眉仲好深色，要洗多兩至三次，佢每次洗眉都逐次逐次收錢，我就覺得有啲取巧，我有一個禮拜後再洗多次，服務都係冇改善，條眉都仲係好深色，所以我就冇再幫襯了。