自由講場今日: 434|主題: 1352810

收藏本版

發帖

返回列表

跳至頁

查看: 13860 | 回覆: 110

12 3 4 5...6

積分: 134

1^#

發表於 24-8-19 13:26 |只看該作者 |倒序瀏覽 |打印

說來話長，我怕隔離屋睇到呢個post知道我講緊佢哋，所以我唔會透露太多細節。鄰居大約4年前搬入黎，佢哋係一家四口，有兩個細路，大仔現時睇落10-11歲，細仔現時睇落8-9歲。佢哋頭一兩年好正常，同一般鄰居無分別，都經常見到兩個細路喺屋企玩得好癲，但唔會點樣尖叫，完全影響唔到我哋。

直到前年第五波疫情爆發期間，嗰兩個細路就開始每日都尖叫，係咁發出「呀~」好長又大聲既尖叫，佢哋通常由朝早9點叫到半夜12點，周末就11-12點先開始叫，尖叫聲可以持續一個鐘，當時我唔好彩確診左，病得好辛苦，佢哋啲尖叫聲又嘈到我想訓都訓唔到。我初頭以為係因為疫情，個個小朋友困響屋企先至會尖叫，等到復課、遊樂場解封應該會正常番，點知疫情完左佢哋兩兄弟仍然留響屋企尖叫，佢哋尖叫得密左之餘叫聲仲要越來越尖，真係好難頂。過左無幾耐天氣開始熱，佢哋屋企閂窗開冷氣我就無再理會，到左秋天我又聽到兩兄弟既尖叫聲，然後一直如此。佢哋父母明顯無理過佢哋，印象中只有一兩次叫佢哋唔好嘈，反而兩兄弟靜低既時候個老母就不停「啊」、「喂」咁樣叫，再唔係就連珠發炮咁鬧人，早幾個月兩兄弟返左學都聽到老母亂叫，所以我懷疑佢哋老母都有病。

講番兩個細路既尖叫方式，佢哋已經無第五波疫情時叫得咁癲，把聲都逐漸變沉左，但依然又嘈又煩，近呢兩年成日「呀」、「喂」、「wow」咁樣尖叫，仲會扮狗吠響度叫，有陣時叫下叫下會突然好大聲咁樣喊，最難頂係有時會伸個頭出窗對著出面叫，未曾收斂過。佢哋屋企既窗成日對住我哋單位黎開，我哋完全食正晒啲尖叫聲，我屋企係嘈到好似嗰兩個細路企響你隔離叫，成日俾佢哋嚇親，嘈到我耳仔痛。係要等到佢哋閂窗開冷氣或者難得地出街先至清靜番，兩個月前佢哋屋企幾乎全日開冷氣，我屋企靜番好多，不過就黎9月，佢哋到呢個時候會再開番窗，我又要受佢哋折磨

自從隔離屋班細路尖叫後我發現佢哋一家人好怪，除左返工返學之外甚少出過街，2022年出街次數兩隻手指數得晒，舊年只試過一次連續兩個禮拜無人，其餘時間佢哋一家人多數留響屋企，其他同年紀小朋友落晒遊樂場玩既時候兩兄弟留響屋企尖叫，兩兄弟間學校考試既時候班學生去晒溫書補習，佢哋又係留響屋企尖叫。我哋未曾響屋企走廊同電梯大堂撞過隔離一家，次次見親都係響公園或者屋苑商場。最得人驚係有一次我響客廳晾衫，一晾衫出去佢哋老母就伸個頭出黎睥住我，我當時好驚又要扮無野繼續晾，我晾完衫佢仲係一路睥住我。集合埋咁多野我覺得佢哋全家都有病，所以兩兄弟嘈左兩年我都只係投訴過一次，就係驚佢哋會搞我同屋企人。

我知道出post後一定會有啲「聖人」話我唔包容小朋友，唔體諒有病既兒童，唔鍾意就搬。但佢哋以前都唔會尖叫，點解以前可以控制好大左反而控制唔到。佢哋屋企另一邊無單位，但啲窗永世對住我哋單位黎開，開另一邊窗未必可以減輕嘈音但都俾我知道佢哋有心教，宜家咁睇法我認為完全係家長管教問題。我由出世到宜家一直都住響度，點解要我搬走？我都有試過遷就佢哋，閂晒自己屋企啲窗，但隔唔到細路既尖叫聲反而搞到屋企好焗，係要佢哋閂窗先隔到啲聲。

我舊年就識得錄音，都錄左好多段。我舊年投訴過佢哋，但保安就無上過門。我見網上有好多對付鄰居細路尖叫既方法，例如震樓神器、聯同其他鄰居一齊投訴，但全部都無用，震樓神器只係對付樓上，我問過同層其他鄰居，佢哋都話聽唔到細路尖叫，又問過保安多唔多人投訴鄰居，保安話無人投訴過佢哋。所以我想請各位幫忙，有咩方法可以令我屋企靜落黎