自由講場今日: 1514|主題: 1355278

收藏本版

發帖

返回列表

跳至頁

查看: 835 | 回覆: 0

牙腳/牙肉有得補? [複製鏈接]

Zahn

大宅

積分: 4326

1^#

發表於 24-8-30 17:10 |只看該作者 |倒序瀏覽 |打印

本帖最後由 Zahn 於 24-8-30 17:10 編輯

今日睇到哩個帖, 有人話牙腳外露有得補, 係真唔係呀, 仲要幾百蚊就搞掂? 有無人試過呢?

https://www.baby-kingdom.com/forum.php?mod=viewthread&tid=23686135

我牙齦外露嚴重, 由一開始, 從來都無醫生講過話牙齦有得補番, 如果有, 我一早就去補了, 唔洗搞到今時今日咁, 牙齦外露得好緊要, 唔係一隻, 係兩排。最近, 有一隻嚴重到個牙周病專科醫生叫我切咗一隻牙腳去, 請問有無人試過咁做呢?

有樣嘢, 真係不吐不快, 唔好太過信賴醫生, 有嘢上網問問人分分鐘好過! 我覺得有一樣嘢好諷刺, 深層清潔哩樣嘢, 我竟然係喺網友口中得知的!

我有一個牙醫, 廿幾歲開始年年去洗牙, 洗咗好多年, 一直都唔同我講話我有牙周病! 刷牙流血咩, 初頭都好緊張, 即刻去見嗰個牙醫。但每次佢都只係話: 而家同你做牙齒護理 (而家諗番, 其實即係洗有事嗰隻牙), 之後一粒聲都唔出, 叫你出去等比錢。每一次都係咁。牙肉縮得好緊要, 都唔通知聲(我根本就唔知, 因為個位係上邊, 要E 起排牙先知, 但我無咁做到, 所以一直都唔知)。你話醫生唔知你有牙周病咩? 淨係叫你半年去洗一次牙, 一粒聲都唔出。好了, 到流牙血去揾佢, 淨係話你要擦耐啲, 佢覺得你懶擦, 但其實我已經係擦1X 分鐘了! 同佢講話我已擦咗好耐, 佢應該只當我敷衍佢先咁講。

用咗哩個醫生好多年之後, 幾年前, 轉咗個年輕牙醫, 哩個好啲, 通知聲你有嚴重牙周病, 但都無叫我去做深層清潔, 直至幾年前, 上網問人, 先知原來有深層清潔哩樣嘢, 如果一早知道, 我就一早做咗喇, 唔洗搞到而家牙骨又無牙肉又無, 直到嗰陣, 先明點解擦極牙拉極牙線都一樣流牙血, 原來啲菌根本就喺牙腳到, 你去普通洗牙都無用! 所以奉勸各位, 如果有乜問題, 唔好淨係睇一個醫生, 試下睇第二個; 不過咁多年來, 我前後睇咗3個醫生, 無一個叫我去做深層清潔, 最可恨嘅就係第一個牙醫, 即本文章一開始講嗰個。有咩嘢, 上網問人聽聽人意見。如果幾年前我無上網問人, 可能今日已經無咗幾隻牙了, 因為普通科牙醫只會叫你剝牙! 最後, 想講一聲, 人地啲牙有乜事, 通知聲喇, 拜托, 你做唔到嘅, 未叫人去睇專科囉, 話你自己做唔到未得囉, 唔係真係咁要面呀?! 人地去唔去睇專科, 人地自己決定, 你唔講, 人地點識呀, 普通巿民而已, 尤其是以前無互聯網哩樣嘢呀, 你個 xzy#$*@, 仲要牙科博士!