夫婦情感 今日: 10 | 主題: 42717

積分: 438

1^#

發表於 24-7-28 15:24 |只看該作者 |倒序瀏覽 |打印

結婚11年，有2個小朋友，我係ftm,最近幾日因啲小爭執佢就執左啲衫搬走左，其實每次嘈佢永遠都係第一時間走左去，或好夜先返，之前因無地方住，所以佢焗住要返嚟訓，而家有地方了，1嘈佢即走，其實呢個家對佢嚟講係咩呀?嘈過n次，佢亦求我原諒過，果次我真係好認真咁講你諗清楚先啦，我地只會有下1次，佢話佢會忍佢做到，但最後原來當初所講嘅承諾係食生菜，今次佢走，我唔知點解喊唔出，小朋友就掉低比我，經濟支柱係佢，全家靠佢比家用，我好迷惘，我唔知可以點，亦無人可傾訴，更唔想同屋企人講，咁多年嚟都無變......

0 0 0

私人傳訊回覆引用

netbb

積分: 10048

2^#

發表於 24-7-28 16:01 |只看該作者

kathychan1128 發表於 24-7-28 15:24
結婚11年，有2個小朋友，我係ftm,最近幾日因啲小爭執佢就執左啲衫搬走左，其實每次嘈佢永遠都係第一時間走 ...

走、早日離開、過開心既生活

私人傳訊回覆引用

積分: 11295

3^#

發表於 24-7-28 16:08 |只看該作者

佢走左去有冇講話冷靜下？屋企d野佢係咪唔理？
你哋關係去到咩地步？

私人傳訊回覆引用

積分: 438

4^#

發表於 24-7-28 16:16 |只看該作者

siugocandy 發表於 24-7-28 16:08
佢走左去有冇講話冷靜下？屋企d野佢係咪唔理？
你哋關係去到咩地步？

無，佢最叻就係掉低曬啲野就走左去，屋企小朋友，或有啲咩都係我去處理，永遠同佢講佢只得我1句咁係咪唔洗做我返嚟處理呀?其實我都唔知我地關係去到咩地步，之前每次嘈佢都會當我透明繼續過自己生活，對佢嚟講無影響

私人傳訊回覆引用

wholemilk

大宅

積分: 3363

5^#

發表於 24-7-28 16:35 |只看該作者

kathychan1128 發表於 24-7-28 16:16
無，佢最叻就係掉低曬啲野就走左去，屋企小朋友，或有啲咩都係我去處理，永遠同佢講佢只得我1句咁係咪唔洗做我返嚟處理呀?

從佢嗰句「咁係咪唔洗做，我返嚟處理呀？」可以推測，佢覺得你嘈嘅問題唔重要，或者覺得係你自己在無風起浪。

私人傳訊回覆引用

積分: 438

6^#

發表於 24-7-28 16:45 |只看該作者

wholemilk 發表於 24-7-28 16:35
從佢嗰句「咁係咪唔洗做，我返嚟處理呀？」可以推測，佢覺得你嘈嘅問題唔重要，或者覺得係你自己在無風起浪 ...

對你講得好岩，係佢眼中我同佢講嘅問題永遠都係小問題，我自己解決就得，就連個小朋友要做手術都係小問題，不用佢請假嚟陪伴，有我就得，因佢覺得我無要求佢請假就唔係大問題........

私人傳訊回覆引用

靚靚C9

瑪瑙宮

積分: 128583

2018復活節勳章玩具勳章畀面勳章 wyeth冷知識勳章親子達人勳章 BK Milk勳章

7^#

發表於 24-7-28 16:50 |只看該作者

kathychan1128 發表於 24-7-28 15:24
結婚11年，有2個小朋友，我係ftm,最近幾日因啲小爭執佢就執左啲衫搬走左，其實每次嘈佢永遠都係第一時間走 ...

咁佢走去邊到瞓呀？

私人傳訊回覆引用

積分: 438

8^#

發表於 24-7-28 16:52 |只看該作者

靚靚C9 發表於 24-7-28 16:50
咁佢走去邊到瞓呀？

我諗佢應該係去左之前屋企人自殺走左留低左1層未供完嘅私樓到，層樓而家係要我地繼續供嘅.....

私人傳訊回覆引用

積分: 11295

9^#

發表於 24-7-28 16:55 |只看該作者

kathychan1128 發表於 24-7-28 16:16
無，佢最叻就係掉低曬啲野就走左去，屋企小朋友，或有啲咩都係我去處理，永遠同佢講佢只得我1句咁係咪唔洗 ...

屋企所有開支，經濟係佢負責，自然家務湊小朋友會放喺你身上，你同佢吵架係因為瑣碎事？
如果有問題你提出左，大家唔去解決，你忍到就忍，忍唔到就會爆。我都同另一半冷戰梗，我直頭離家出走。
某程度上，唔想見到對方所以離家出走，或者解決唔到去逃避等等。

私人傳訊回覆引用

積分: 438

10^#

發表於 24-7-28 17:04 |只看該作者

siugocandy 發表於 24-7-28 16:55
屋企所有開支，經濟係佢負責，自然家務湊小朋友會放喺你身上，你同佢吵架係因為瑣碎事？
如果有問題你提出 ...

我明2個獨立個體要磨合要相處唔易，係的確嘈嘅野係好瑣碎，但唔係每次第一個走果個係佢，我都需要冷靜，透氣，我都好想1嘈就走左去，試過1次係我小朋友好細時我忍唔到帶左個細嘅走左，淨返個大嘅比佢，佢同我講返我大嘅小朋友攬住隻公仔同佢講公仔公仔以後會唔會只得返我1個呀，我聽到後好心酸，好自責，1個4歲小朋友竟然咁講，事後我問返佢小朋友咁講你有咩感覺?但佢爸爸話無感覺喎.........

私人傳訊回覆引用

積分: 11295

11^#

發表於 24-7-28 17:19 |只看該作者

kathychan1128 發表於 24-7-28 17:04
我明2個獨立個體要磨合要相處唔易，係的確嘈嘅野係好瑣碎，但唔係每次第一個走果個係佢，我都需要冷靜，透 ...

父母吵架，其中一個走左去係好影響小朋友情緒，有左小朋友就唔可以任性走左去。應該等小朋友瞓左覺，你同另一半去傾個問題，拎個中間點大家都覺得舒服，解決問題。
你話小朋友做手術，佢唔肯請假，係請唔到假定係覺得有你陪小朋友就夠？
係責任問題，佢唔願意去做，你迫唔到佢。
有啲男人係唔肯湊小朋友，將個責任推晒俾個女人，呢啲咁伏既野結婚時你睇唔出？

私人傳訊回覆引用

積分: 438

12^#

發表於 24-7-28 17:32 |只看該作者

siugocandy 發表於 24-7-28 17:19
父母吵架，其中一個走左去係好影響小朋友情緒，有左小朋友就唔可以任性走左去。應該等小朋友瞓左覺，你同 ...

咁佢走左呢幾日我都有問我啲小朋友，佢地話唔掛佢返唔返嚟都得，我大嘅小朋友同我講由佢認知以來係佢記憶入面陪伴佢最多帶佢去玩嘅係媽媽，爸爸係佢記憶就只有打機食煙，因佢爸爸返工時間長，好多時放工我啲小朋友已經訓左，放假亦唔會陪佢地，只會自己出街，打機食煙，細果個就話唔想佢返嚟，因爸爸成日鬧佢......我知佢唔會係1個好爸爸，但我都希望小朋友可係1個家成長，始終佢地而家仲細，我唔想做錯決定......但奈何傾過好多次，亦都講左大家願意去改嘅地方，但真係好快下1次又會係咁，不斷循環，佢亦無講之後究竟想點......

私人傳訊回覆引用

積分: 11295

13^#

發表於 24-7-28 17:42 |只看該作者

kathychan1128 發表於 24-7-28 17:32
咁佢走左呢幾日我都有問我啲小朋友，佢地話唔掛佢返唔返嚟都得，我大嘅小朋友同我講由佢認知以來係佢記憶 ...

放假都唔陪有啲過份，放假點都幫手湊陪伴小朋友成長係好重要。
個男人當初要小朋友為乜，我都有身邊朋友個老公一樣，唔理屋企唔湊小朋友，個女人好似偽單親，小朋友唔痴爸爸。
你接受到當佢同屋主，湊大小朋友就算。
其實男人為左你肯改就改，唔肯就唔肯，打回原形。
如果冇小朋友，你會唔會同佢離婚？

私人傳訊回覆引用

積分: 438

14^#

發表於 24-7-28 17:51 |只看該作者

siugocandy 發表於 24-7-28 17:42
放假都唔陪有啲過份，放假點都幫手湊陪伴小朋友成長係好重要。
個男人當初要小朋友為乜，我都有身邊朋友個 ...

會，可能我係佢心目中都係1個難頂嘅人，佢覺得樣樣都已經就曬我，我講咩佢做咩，佢心目中覺得呀，其實佢都唔係無佢好嘅1面，但可能真係同佢相處唔到，同我地都因為係有左先結婚，好老實無小朋友我1定會走，因佢真係唔適合做爸爸，做老公都唔會合格，佢呢種人我諗只適合做情人會好啲，佢想要嘅生活同我好唔同，知屋企有大有小我想盡量慳，開枝大，但係佢角度無錢都應該要洗，佢覺得洗咩慳.......

私人傳訊回覆引用