我個仔咪T2ing，由26個月開始(3個月前)，小朋友到咗一個階段，有少少主見，開始表達到自己，但又未去到好講得明道理，仍然係好自我，只知自己想要乜要物，對人有期望，而人地既說話唔係好聽得入耳，能力/技巧上比之前好，但又未知自己能力有限等。
呢個時間雖然好煩(煩到有時想一腳伸佢出街)，不過又係教小朋友既好時機，家長要更多耐性，父母要由之前的"僕人"角色轉做"權威者"角色，讓小朋友聽管教同埋培養自制態度，眼見有d朋友錯過咗呢個時機(唔忍心去管教)，之後要花更長既時間同心力去教返好
當然人人教仔有自己一套，而小朋友又個個唔同，有d小朋友由細到大都聽教聽話無T2，有d就一路到大都係講唔聽，作為母親
我都想知我個仔幾時先T2ed，以前佢真係算好乖，唔會吵吵鬧鬧發脾氣，叫佢做乜就做乜，而家差唔多日日都要勞氣，但自己又心諗如果而家唔mould好小朋友既性格，第日仲難教。
識網友只限吹下水、交換下資訊、發揮網力，邊個認真就邊個輸。
發表於 
返回列表
