請左個菲姐湊new born ,玩左9個月，43歲，經常自以為是，覺得自己咩都識，但做錯曬d嘢，叫佢聽指引做嘢就黑面，成日要預支糧買嘢比佢4個仔女，又話自己老公係加拿大做嘢搵到錢，自己可以唔洗做都得，成日比呢d說話威脅人，佢知道我地雙職家庭，無左工人會好麻煩，所以不停同我地講條件，要我地讓步！！我地一直都忍緊佢，因為佢係香港做過，好識玩，（過往d僱主都係斷約，都係呢間A幫佢再搵工的！！！）我地一直都尊重佢，對佢好。但某日突然收到黑A通知我地佢辭職，一個月後離開，一條龍服務，計算曬糧+走的日子+大假等，A幫工人安排得妥妥當當，由頭到尾工人自己一句都無同我地提及辭職，由黑A幫口搞掂，我地也只能無奈接受，但黑A不停追我地簽返份407E比佢，話一定要經佢地去吸印，領事館要留底等等，我上網問，根本就不用經他們處理！！擺明就留定一線，再幫工人搵工！！！之後仲比我發現計算少左糧叫我比工人，係咪想線我一禍，等工人返黎告我呢！！！第一次請工人，比佢地玩到企係度，無奈要辭職照顧BB，現在上網睇返，先知呢間嘢好耐之前已經用呢d手法呃人，明明就幫曬d工人，仲扮曬無辜，之前揀工人時就不停催促要快d，好多人搶緊同一個姐姐等，搞到我地都無認真考慮，但原來工人黎到的表現真係比佢地嘅CV及口頭推薦差好遠，講真，為左賺錢，真係咩都做得出。希望搵緊工人的朋友們，謹慎選擇！政府政策幫唔到僱主，只能靠大家互相幫忙！！謹慎！！避雷！！！
發表於 
返回列表
