想生BB 今日: 1|主題: 109547

收藏本版

回覆發帖

返回列表

跳至頁

查看: 10255 | 回覆: 1

仁安IUI & IVF 進展 [複製鏈接]

C_C523

民房

積分: 30

1^#

發表於 24-10-1 15:40 |只看該作者 |倒序瀏覽 |打印

分享一下背景

我同先生結婚已經五年由於比較早婚今年我29 先生31 。
結婚後都好佛系，諗住順其自然順其自然就會有架啦，點知可能太佛系

一直都無成功。2022年頭我地先比較認真啲開始備孕，我經期一向都唔太準，但無太在意，果時以為行房多啲點都會撞到排卵期掛？？去到2023年4月我發現自己兩個月無黎經期啦但驗孕又Negative，我就去左大圍仁安醫院睇婦科先，果時係郭醫生睇我，佢聽完我講之後就幫我驗多次孕確認我無懷孕就開通經藥俾我，另外佢都照到我確認我係多囊卵巢症，而且佢都判斷我地有不孕症，佢就開左轉介信俾我去尖沙咀既仁安生殖學科中心到睇睇。

跟住我5月份就拎住轉介信去左睇仁安生殖中心啦由於無做啲咩資料搜集所以都無特別話要掛號邊位醫生教授，中心就隨機安排左羅醫生俾我（呢位醫生親切溫柔，都細心）甘佢幫我照左超聲波都話我係好典型既多囊卵巢啦，而且抽血結果都顯示我有胰島素抵抗，佢首先叫我控制住體重先（我162cm 62Kg) 盡可能可以減到就減，然後佢開左糖尿病藥俾我（處理抗胰臟素）。

6月7月我地試左食藥打針，但自己行房，第一次打排卵針，真係又驚又震，後尾習慣左…但都好可惜無結果

8月份我地做左第一次IUI,因為我同先生年紀較輕，除左多囊卵巢，抽血報告，精液報名顯示都無大問題，我子宮內膜羅醫生每次照都話好靚，我係先食5日藥再打6-7日針，打針份量每次75左右，效果唔錯我食藥好有反應，都有3粒大既卵子谷左出黎。14日後我用clear blue驗孕，發現出左1-2weeks,超開心，果時仲以為自己甘幸運..然後即刻打番去仁安佢叫我第二日朝早番去抽血，報告顯示我係有懷孕但HCG偏低得64，佢地話隔日要再抽，有Keep住翻倍就得，再等報告果時我心跳得好快…好彩係有翻倍成功 224，本身約左兩星期後再番去照超聲波，以為可以放寬心少少時，突然間出血，再抽血再驗時指數唔升反跌，羅醫生叫我順其自然話係「生化懷孕」，係短短十日間由知道懷孕既喜悅到失去我喊左好耐，但羅醫生好理智同我講起碼都知道左，我既卵子同先生既精子係可以自然結合，而且有順利著床到先會有HCG分泌，呢一次系意外黎，可能胚胎質量唔夠好，叫我繼續加油。

如事者我又唔放棄.. KEEP住做左總共4次IUI..尾果三次都係失敗告終，最後呢次IUI失敗後我係到諗…我究竟係咪要行到去做IVF呢（因為我好怕痛，而且我覺得IVF係我最後最後既Plan,萬一都失敗甘點算我未必有勇氣再黎）。最後我決定先去做個輸卵管造影，睇下究竟仲有無其他原因阻礙懷孕，但報告顯示我兩側都暢通無問題..可能係天意啦，風水老師有話我要跨過一座大山，先會成功，唔知佢指既大山係咪講緊IVF。

做完輸卵管造影後，我就放飛自我玩左半年（我連隻糖尿病藥都無再食，因為果隻藥食完會影響胃口同埋我心情會變得波動好大，後尾羅醫生知道我停左食佢都話無問題既最緊要保持心境開朗），3-9月2024。因為由舊年6月到今年3月間我促排左6次做左4次IUI，覺得應該要好好休息下。所以定左9月份月經黎時做第一次IVF。 9月頭番去見醫生俾佢先照一照子宮（因為隔左半年無照啦，同埋順便同佢講黎緊既經期想開始做IVF)，甘佢照完之後就話發現我內膜果到有個好細好細既息肉，問題不大，可以先處理左抽卵，然後十月月經黎後做宮腔鏡移除，之後先再擺胚胎。

9月15日月經黎既第三日就開始左打針，意識到同做IUI時好吾同既生理反應啦由於劑量大，我又有多囊卵巢，所以會谷得幾行，個肚漲到不得了，打破卵針前，羅醫生照到有十粒成熟大既有十粒中間既，佢叫我打多日針想用幾粒成熟既換果一批中間既上黎，最後我26號水抽卵手術成功抽到30粒卵子出黎，有24粒成熟可用，3粒太熟已退化，3粒中間，會繼續培養。胚胎專家27號打俾我話有21粒成功受精，15粒用左ICIS、9粒用IVF。另外三粒中間都慢慢成熟既有一粒熟左但無成功受精。29號專家再打黎話分裂情況唔錯總共22粒受精（有一粒中間既受精成功）當中有13粒達到左7-8分（仁安個評分表以8分為最高），同羅醫生傾左，會全部22粒都拎去養囊胚（Day5）。今日專家再打黎，佢話22粒裡面今日有8粒會達到雪胚既標準，2粒8分，4粒7分，1粒6分同1粒5分。而其他都有達到囊胚，但發育比較慢，佢地會觀察多一日，聽日打俾我睇下總共係雪左幾多粒，今日先雪8粒。我聽完即刻鬆左口氣，應該係自大學畢業後，第一次再收成績表既緊張。雖然到十一月先會移植第一次，但心情開始又興奮又緊張。係期待，希望會有好結果