吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老婆話想離婚，想挽回婚姻，求意見

夫婦情感今日: 6|主題: 42744

收藏本版

回覆發帖

返回列表

跳至頁

查看: 14070 | 回覆: 18

老婆話想離婚，想挽回婚姻，求意見 [複製鏈接]

terry611

民房

積分: 13

1^#

發表於 25-1-21 17:31 |只看該作者 |倒序瀏覽 |打印

本帖最後由 terry611 於 25-1-21 17:43 編輯

文章較長，粗人一個文筆亦不好，見諒
今年33歲，結婚3年，有一子(就兩歲)事源我(男方)因為以前後生廿五六果陣爛賭，爭落6x萬街數，自始我就戒左賭，一直都有還錢，到29歲果年認識依家個老婆，拍拖一年就結婚，到果一刻我老婆都唔知我重未還哂啲，我亦無提及過，果陣我地都好開心，到生小朋友果陣，我地好好彩抽到白居二，但係要資產審查既時候
我私自動用20萬黎拎去清找街數，我亦對佢講左第一次既大話，一輪爭吵，我最後坦白...我老婆有鬧過離婚，最後佢原諒左我，相安無事咁繼續一齊，事隔兩年到近日，因為收入不穩定，佢又發現左我又用左2-3萬去打機課金，亦同時同時向我親戚借2萬比家用，重要對佢講左第二次既大話，同時比佢發現，依家要同我離婚，要我立即搬走。之前既承諾(戒煙/湊仔/做家務/對佢好等基本野)，除左戒煙呢點未做到，但係都食小左好多，其他都有做，佢亦都睇到，但係今次既講大話，將我既付出一次過打碎。請問大家我依家可以點做？

ps.我老婆係極度討厭講大話同借錢既人，而我兩樣都有做，我亦無不良嗜好，亦戒左賭，只係比較中意打機減壓

0 0 0

私人傳訊回覆引用

crystal媽咪

寶石宮

積分: 342258

2025中秋節勳章 2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

2^#

發表於 25-1-21 20:05 |只看該作者

terry611 發表於 25-1-21 17:31
文章較長，粗人一個文筆亦不好，見諒
今年33歲，結婚3年，有一子(就兩歲)事源我(男方)因為以前後生廿五六果 ...

我都贊成離婚

我都鍾意打機但係唔會課金
仲要講大話

不要從別人的嘴裡去認識我

私人傳訊回覆引用

miniyan

伯爵府

積分: 17080

想生BB熱投

3^#

發表於 25-1-21 20:19 |只看該作者

一定要離啦，收入不穩仲打機課金
你老婆離開你會更好

私人傳訊回覆引用

terry611

民房

積分: 13

4^#

發表於 25-1-21 20:50 |只看該作者

本帖最後由 terry611 於 25-1-21 20:51 編輯

回覆 miniyan 的帖子

因為我係做地盤，近上個月臨過年前咁岩完成一個工程新年又到，變相工程都小左請人，等過年
結婚呢段日子我係將我8成工人都交比老婆
我人工係每日1600以上

私人傳訊回覆引用

kwhkwh

公爵府

積分: 29138

2025勳章 2025勳章蛇年勳章 2024年龍年勳章牛年勳章

5^#

發表於 25-1-21 23:00 |只看該作者

明知阿太最討厭果2樣野, 你做左。他人就算想幫口都點幫得落, 話之你拎幾多返屋企。
打機課金5係問題, 我當你日日做足, 月收5萬好未, 拎成半份人工2-3皮去打機, 聽聞你好似仲有小朋友, 用半份人工減壓, 呢樣野我諗我不太認同。
你其他野補救打算抵銷, 邊可能有咁既如意算盤。
不是阿太「將我既付出一次過打碎」, 係樓主你自己。

請勿轉載。搬字過紙不是記者的工作，未經同意, 即屬抄襲。

私人傳訊回覆引用

KILW

子爵府

積分: 10879

6^#

發表於 25-1-21 23:14 |只看該作者

一關係到錢，你就講大話，加埋前科賭到欠債，宜家又打機忍唔到手課金欠債，即你洗錢玩樂嘅自制力都差，你老婆係咪驚你終有一日呃住佢，攪到一身債？
信任打爛哂喺短期內攪唔掂，你有心挽留就做哂佢嘅要求，一戒煙、二唔打機、三自動上繳糧單同信用卡同戶口月結單，其他湊仔、關懷老婆做足，同佢講比一段時間證明你真係知錯，搬埋個仔好需要爸爸，睇下老婆仲會唔會心軟比最後一次機會你。

私人傳訊回覆引用

janus198

大宅

積分: 2545

7^#

發表於 25-1-22 00:11 |只看該作者

其實有好多成年人自己唔知自己有呢啲嗜賭/欠債/課金成癮係本身有機會係有專注力不足同過度活躍症ADHD，由細到大做事衝動/不顧後果，不過呢個歲數再做評估又要洗錢，有時可能要自己都要有行為上嘅轉變，例如：減壓唔等於一定要洗錢打機課金，做運動一樣可以有減壓效果！樓主先唔好只係諗點氹返個老婆，你自己嘅人生如果仲係咁重蹈覆轍做錯，基本上你再娶第二個老婆一樣又有問題發生！所以你呢家要專注改變自己故有嘅想法/生活模式！我見有中醫可以戒煙！打戒煙熱線有免費服務！你立心改過有轉變，別人係會睇到！大家仲有緣嘅，就算離咗都會復婚嘅！

私人傳訊回覆引用

花花b

侯爵府

積分: 21339

8^#

發表於 25-1-22 00:25 |只看該作者

如果夠狠心我係女人支持離婚，我點知你幾時又課金？又借錢？個小朋友仲咁細，幾時捱到大嘈到大？對女人黎講太傷神。

私人傳訊回覆引用

john1977

別墅

積分: 869

9^#

發表於 25-1-22 05:32 |只看該作者

花花b 發表於 25-1-22 00:25
如果夠狠心我係女人支持離婚，我點知你幾時又課金？又借錢？個小朋友仲咁細，幾時捱到大嘈到大？對女人黎講 ...

有如樓上呢個帖，個問題係你老婆點可以信任你，再行落去？
如果有心挽救，梗係一齊去婚姻輔導，就算佢唔去你自己一個去見社工，畀佢信心你今次係唔同，唔會係再講大話呃佢，你係會徹底改變
打機食煙賭錢呢啲都係成癮問題，好多時候係心病還需心藥醫，你去輔導見社工，如果個社工都覺得你有心改嘅，佢係專業人士，佢同你老婆講一句，話睇到你嘅決心，好過你自己講100句

另外值得去了解點解佢咁討厭人哋講大話？去到要離婚，當然冇人話想畀人呃，但唔係個個人會因為另一半講大話，而有小朋友都要去離婚，了解佢背後嘅心結先可以對症下藥，俾到信心佢，你哋可以行落去

加油

私人傳訊回覆引用

PTMCYS

子爵府

積分: 14375

10^#

發表於 25-1-22 07:37 |只看該作者

本帖最後由 PTMCYS 於 25-1-22 07:39 編輯

terry611 發表於 25-1-21 17:31
文章較長，粗人一個文筆亦不好，見諒
今年33歲，結婚3年，有一子(就兩歲)事源我(男方)因為以前後生廿五六果 ...

大話冚大話的人最可怕，即係如果说真話她不會和你結婚？咁咪欺騙人嫁你？你有無諗過你说真話，人家可以仍留你身逿，但不結婚，不生仔，但現在被骗了，影響自己和孩子的一生計劃。

你應該放生她，為表你的愧疚，你要在她的意願下，好好地平静和諧地離開，並盡責地在旁支援。

上天曾有好的緣份給你，但你沒有真诚地對待，在男人的角度來看，也希望你有風度和氣量地接受女方的要求。

私人傳訊回覆引用

applepost123

大宅

積分: 1361

11^#

發表於 25-1-22 07:53 |只看該作者

KILW 發表於 25-1-21 23:14
一關係到錢，你就講大話，加埋前科賭到欠債，宜家又打機忍唔到手課金欠債，即你洗錢玩樂嘅自制力都差，你老 ...

KILW 這帖最正面幫樓主，希望樓主真心改過，用行動証明比老婆睇，保留到一個家。

私人傳訊回覆引用

rayrayus

翡翠宮

積分: 84903

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

12^#

發表於 25-1-22 09:51 |只看該作者

恕我直言，周圍借錢已經夠垃圾，你仲要食煙課金打機，我諗唔到你老婆有咩理由要同你一齊。我都打機，但永遠唔會打要課金的game，打單機唔得? 食煙你都唔認為係不良嗜好，咁借問聲咩先係? 你咁的性格同前科，一日完全唔戒哂清哂所有惡習，你都係放過你老婆啦

私人傳訊回覆引用

kaman06

男爵府

積分: 7249

13^#

發表於 25-1-22 16:16 |只看該作者

你可以考慮以下：

1. **承認錯誤並承擔責任**：
- 首先，您需要誠懇地向您的妻子道歉，並明確表示您認識到了自己的錯誤。不要找藉口或試圖為自己的行為辯解。

2. **溝通與傾聽**：
- 安排一個合適的時間與您的妻子進行深入的對話。在對話中，重要的是要傾聽她的感受和需求，而不是急於為自己辯解。了解她對這段關係的具體期望是什麼。

3. **尋求專業幫助**：
- 考慮尋求婚姻輔導員的幫助。專業的第三方可以提供中立的視角，幫助你們更有效地溝通，並找到解決問題的方法。

4. **制定改善計劃**：
- 向您的妻子展示您有意愿並且有能力改變。這可能包括制定一個具體的計劃來管理財務、減少遊戲時間以及徹底停止借錢的行為。

5. **行動證明決心**：
- 用實際行動來證明您的決心。例如，如果您承諾戒煙，那麼就徹底戒掉；如果承諾不再借錢，那麼就要嚴格遵守這個承諾。

6. **建立信任**：
- 恢復信任是一個長期的過程，需要持續的努力。避免任何可能導致不信任的行為，確保所有事情都透明化。

7. **尊重她的決定**：
- 如果經過努力後，您的妻子仍然堅持離婚，那麼您應該尊重她的選擇。雖然這是一個艱難的決定，但有時候分手可能是對雙方最好的解決方式。