吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 太太出軌

夫婦情感今日: 2|主題: 42685

收藏本版

回覆發帖

返回列表

跳至頁

查看: 28595 | 回覆: 87

太太出軌

[複製鏈接]

12 3 4 5

無奈之人

洋房

積分: 81

1^#

發表於 25-1-5 17:26 |只看該作者 |倒序瀏覽 |打印

太太出軌，佢起交友app,識左一個離左婚，有個女既男人。11月既時候佢地開始左，仲要起小朋友病左入醫院既時間，我夜晚起醫院照顧小朋友時，佢留低大仔走左出去，去個男人屋企好幾個鐘，直到我同佢攤牌，佢承認只同男人曖昧，冇做對唔住既事，直到現在，佢1星期最少有5晚出左去話同朋友食飯，一般由5點左右去到點零鐘先返。當然感情出左問題唔會係一個人既事，所以我有同佢傾過，我承應因為工作，有多時缺乏左對佢既關心，亦少左氹佢，小朋友照顧方面亦參與度唔高，如果係呢d理由我接受，但佢外面有人，亦承認左，但佢唔想離婚，咁想點呀，依家直頭連屋企都唔想理，每日等我可以早d收工，就可以早d出去，加上差不多3個月喇，有煮飯比d細佬食，早，午，晚3餐全部買外賣比佢地食，唯有我早到收工就去買d餸返屋企煮飯。
2個小朋友仲細，我真係唔想影響到佢地，但唔離婚，我又過唔到自己，住埋同一間屋，佢日日揸住部電話係咁傾，真係唔知可以忍得幾耐！

0 0 0

私人傳訊回覆引用

PTMCYS

子爵府

積分: 13584

2^#

發表於 25-1-5 20:28 |只看該作者

無奈之人發表於 25-1-5 17:26
太太出軌，佢起交友app,識左一個離左婚，有個女既男人。11月既時候佢地開始左，仲要起小朋友病左入醫院既時 ...

即係你太太是全職主婦?

如果佢又唔想離, 你又唔想離, 大家做同屋主, 就要講清楚, 唔洗偷偷摸摸, 但要煮好飯做好屋企野先好出去, 反正咁夜返, 叫她早上才回來吧, 唔好眼寃, 最多話比小朋友聽她返夜班工作....., 早上回來要她處理家務, 湊小朋友, 當工人用算.

如果你想離就唔同玩法了.

點評

858D

發表於 25-1-6 12:43

私人傳訊回覆引用

無奈之人

洋房

積分: 81

3^#

發表於 25-1-5 20:40 |只看該作者

PTMCYS 發表於 25-1-5 20:28
即係你太太是全職主婦?

如果佢又唔想離, 你又唔想離, 大家做同屋主, 就要講清楚, 唔洗偷偷摸摸, 但要煮好 ...

其實講左喇，佢負責日頭，我負責夜晚，但最基本都要煮餐飯比d細路食，再唔係佢買餸返黎，我收工返黎煮都可以，但講左，冇做，成日只係識得講冇時間，好攰，我都冇嘢講。

私人傳訊回覆引用

PTMCYS

子爵府

積分: 13584

4^#

發表於 25-1-5 20:53 |只看該作者

無奈之人發表於 25-1-5 20:40
其實講左喇，佢負責日頭，我負責夜晚，但最基本都要煮餐飯比d細路食，再唔係佢買餸返黎，我收工返黎煮都可 ...

佢宜家仍然有仲偷的感覺, 所以趕時間去, 趕時間返, 要交人. 問佢朝早先返, 唔洗咁趕, 做夜少少走得唔得. 叫佢煮埋比小朋友食先, 你搞佢地訓, 可能大家夾到就唔洗離婚住, 睇下佢能否認真考慮.

點評

858D

發表於 25-1-6 12:44

私人傳訊回覆引用

kaman06

男爵府

積分: 7142

5^#

發表於 25-1-5 22:36 |只看該作者

無奈之人發表於 25-1-5 17:26
太太出軌，佢起交友app,識左一個離左婚，有個女既男人。11月既時候佢地開始左，仲要起小朋友病左入醫院既時 ...

有心搞婚輔，解決你哋核心問題，唔係不如放過自己同對方

仲有唔好話小朋友太細，為左佢哋，根本係廢話，如果你哋日日嘈，不如快手離婚，最重要和平分手，大家都好

私人傳訊回覆引用

無奈之人

洋房

積分: 81

6^#

發表於 25-1-5 22:50 |只看該作者

kaman06 發表於 25-1-5 22:36
有心搞婚輔，解決你哋核心問題，唔係不如放過自己同對方

根本冇時間會嘈，日日都見唔到面咁，我返佢出，其實我想離婚，佢唔想離都係得個原因啫，一來有人夾時間佢可以出去，二來仲有人比錢出黎，三來佢出面個男人未知會唔會同佢長遠，萬一個面玩完，起碼佢覺得仲有人起頭家度，未至於咩都冇晒。

私人傳訊回覆引用

billykhw

大宅

積分: 1410

7^#

發表於 25-1-5 23:19 |只看該作者

本帖最後由 billykhw 於 25-1-5 23:25 編輯

全部廢話
佢根本係又想出去偷，又唔想其他人知，出面個佬本身有家庭有小朋友信唔過要有後路，返屋企唔使做有你養就可以偷得黎無後顧之憂，仲可以o係小朋友同親戚面前扮好人！

唔細啦係咪？
人地講既同做既係咪一致
自己好好諗下啦

私人傳訊回覆引用

麵包蕉人

大宅

積分: 1446

8^#

發表於 25-1-5 23:37 |只看該作者

重點係你都要諗吓，點解會去到呢個地步。你有冇忽略過佢，有冇諗過佢湊小朋友辛苦。當然你要返工搵錢係重要，個老婆冇啦啦上交友網實係寂寞啦⋯⋯冰封三尺非一日之寒。我唔係合理化件事，只係做女人要行到呢步，唔會係貪得意！

私人傳訊回覆引用

無奈之人

洋房

積分: 81

9^#

發表於 25-1-6 01:28 |只看該作者

麵包蕉人發表於 25-1-5 23:37
重點係你都要諗吓，點解會去到呢個地步。你有冇忽略過佢，有冇諗過佢湊小朋友辛苦。當然你要返工搵錢係重要 ...

當然冰封三呎非一日之寒，完全明白，我亦唔係幫自己搵理由，我承認對佢少左關心，但一家唔知一家事，由此至終我都想抽多d時間起屋企，但因為屋企開支大，佢要湊小朋友，係佢叫我搵多份part time去做，搵多少少錢，我每日由朝做到晚做2份工，放假都要返工，根本冇得休息，佢照顧小朋友係辛苦，有付出，我都要付出，我冇時間陪屋企唔係走左去玩，咁我可以點呢？我只有自己幫自己，唔通因為咁我就會得到咁樣既結局，每個人起屋企都有唔同既角色同責任，環境好，邊個想咁辛苦呀，但換來就係冇時間陪小朋友同個老婆，個老婆又因為冇照顧到屋企人，就因為咁可以大條道理出去搵男人，我真係唔明白呢個道理，要錯就係我搵唔夠錢返黎。

私人傳訊回覆引用

Bb700

複式洋房

積分: 418

10^#

發表於 25-1-6 02:38 |只看該作者

無奈之人發表於 25-1-5 22:50
根本冇時間會嘈，日日都見唔到面咁，我返佢出，其實我想離婚，佢唔想離都係得個原因啫，一來有人夾時間佢 ...

點解有人覺得夫妻間出軌後，仲可以當同屋住關係既呢？仲開口叫佢出去過埋夜，真定假？即係叫佢玩得開心啲，攪唔掂或被飛就返黎啦，咁樣？

而家外面太多引誘，只要有心偷跳，對方有幾好都會偷跳。就正如有些男人，同太太性生活正常都走去叫雞咁。身邊朋友同思想都係問題。
出軌除非協議好相方開放關係，否則點都係出軌者問題，有咩不滿應該傾，唔係因為咁樣。。。所以我咁做。。。係岩既，點解要叫受害者檢討下有咩做得唔岩呢？

照你內容咁睇，你老婆都唔係賢妻良母性格，淨係掛住出去，連小朋友飲食都唔理，冇打理屋企。咁分分鐘離婚佢連小朋友都唔要，咁你就要計下條數，如離婚小朋友/工作/開支點安排，有小朋友離婚唔係簽名咁簡單，要安排好多野。

除非佢外面斷欖，你可以接受到佢回歸家庭（即係原諒到對方），或一直過而家既生活（外買+晚間照顧小朋友），否則最終都只有離婚。

私人傳訊回覆引用

PTMCYS

子爵府

積分: 13584

11^#

發表於 25-1-6 07:16 |只看該作者

Bb700 發表於 25-1-6 02:38
點解有人覺得夫妻間出軌後，仲可以當同屋住關係既呢？仲開口叫佢出去過埋夜，真定假？即係叫佢玩得開心啲 ...

我諗你講的人係我, 因為樓主老婆係明食, 而且無照顧好仔女, 係挑戰緊個婚姻和男性的底線, 如果係我會選擇離婚, 而樓主咁多顧忌, 想離婚又唔想影響對仔女, 已是天大的理由, 唯由扮矮仔繼續扮好夫妻；無時間傾其實可以請假, 有什麼重要得個家庭呢, 但既然重要得過, 咁同屋主都係一個選擇, 符合到樓主不影響小朋友的要求, 名字又可令樓主放下壓力, 當然也希望激發出樓主更多解決問題的答案啦, 因出了問題需要求助的人, 總要自己肯面對和出來求助才行.

一些取悅的答案, 婚姻輔導等, 可以取得更高分, 以前我都說了很多....., 但可激發出樓主有更多解決問題的想法, 也不妨嘗試

點評

858D

發表於 25-1-6 12:45

私人傳訊回覆引用

麵包蕉人

大宅

積分: 1446

12^#

發表於 25-1-6 10:31 |只看該作者

無奈之人發表於 25-1-6 01:28
當然冰封三呎非一日之寒，完全明白，我亦唔係幫自己搵理由，我承認對佢少左關心，但一家唔知一家事，由此 ...

明白你要搵食都唔想，但長期冇陪伴佢哋都唔係辦法⋯⋯要大家攞個平衡，傾吓點安排時間相處，諗吓點慳少少換取親子時間。我唔係幫你太太講說話，其實女人唔怕辛苦，最難過係另一半從來唔覺佢辛苦，可以嘆世界咁。你哋大家都付出唔少，只係好多人覺得女人唔使返工，只湊細路，做下家務就好他條。其實好多女人都寧願返工搵錢，唔使好似工人咁又要比另一半覺得自己冇貢獻。
搵日抽少少時間同佢平心靜氣傾吓，個家係要大家一齊經營。

私人傳訊回覆引用

Heman2001

男爵府

積分: 6697

13^#

發表於 25-1-6 12:43 |只看該作者

無奈之人發表於 25-1-5 20:40
其實講左喇，佢負責日頭，我負責夜晚，但最基本都要煮餐飯比d細路食，再唔係佢買餸返黎，我收工返黎煮都可 ...

原諒我坦白，你老婆根本無諗過放棄外面個男人，但又想留住你去保住佢晌其他人面前個貞節牌坊然後繼續去玩，你接受到？再直接啲講：你接受到佢擺明有第三者、一女共侍兩夫？

請唔好高估你接受能力，唔好用仔女細去做擋箭牌而唔認真面對離婚呢個選項

而家米已成炊，重點唔係討論過去大家做得好定唔好而令件事發生，而係點面對現實同將來，似乎你老婆唔係一個放工就返屋企既人，先唔好理佢有無其他男人，你自己心理上係咪100%信任佢夜返係因為正常社交生活？會唔會疑神疑鬼？要知道信任係夫妻關係最重要一環，失去信任係會演變成災難，最後都係不歡而散，呢個對小朋友既傷害比而家你選擇壯士斷臂更深

唔係遊說你離婚，係想你唔好一味為小朋友、為過去你既過失而過份地放大你既責任而縮細老婆既錯誤，呢種失平衡既諗法對有第三者既夫妻關係好常見，但因為咁既諗法而夾硬生活多幾年最後都係分開亦好常見

明白當局者迷，你既迷惘好理解，但勸你都係好好去諗通呢件事吧