自由講場今日: 2135|主題: 1362339

收藏本版

發帖

返回列表

跳至頁

查看: 5326 | 回覆: 26

隔離屋班細路嘈左我好耐，佢哋一家突然搬走 [複製鏈接]

發條西瓜

複式洋房

積分: 139

1^#

發表於 25-2-24 12:19 |只看該作者 |倒序瀏覽 |打印

唔知咩事既可以睇上一回：
https://www.baby-kingdom.com/for ... ad&tid=23757295

上次我出post講隔離屋班細路不停尖叫，佢哋父母無理會，佢哋老母都有唔正常既行為，例如小朋友無尖叫既時候佢就大嗌、我晾衫佢睥住我。我出完post一個禮拜佢哋屋企就唔開冷氣開番窗，我又俾細路尖叫聲轟炸，去到10月我忍無可忍決定打去保安投訴，結果保安上到黎，佢哋就靜晒扮屋企無人。結果靜左一兩日，然後兩個細路又開始尖叫，感覺仲嘈過投訴之前，我一路擔心鄰居會唔會報復，好彩係無，不過佢哋應該知道係我投訴，嗰排全家人多咗𥄫住我個單位。

去到上個月年廿七，我下午仲係聽到細路尖叫聲，仲見到佢哋兩個邊跑邊跳。到左夜晚佢哋開始執野走，過左幾個鐘佢哋屋企就清空晒。因為臨近新年，加上佢哋係螞蟻搬家咁樣執少少野落樓，然後又番屋企坐一陣，跟住又執少少野落樓。而且夜晚既看更、同層鄰居都有問過佢哋係咪搬屋，佢哋又無睬人哋。我開頭以為佢哋會唔會係番鄉下，然後拎D家私去洗（不過佢哋連電視都搬埋）。結果過埋新年，佢哋一家係無番過黎，我肯定佢哋已經搬走。

我有少少懷疑隔離屋係租霸，首先佢哋急急腳搬走，而且又唔同人哋講係唔係搬屋已經好奇怪，不過我暫時未見到佢哋單位門口貼過欠租或者執達吏收樓既通知書。

其實我有少少失望，皆因班細路嘈左我接近三年，一月中某一晚我先訓著左冇幾耐，兩兄弟就無啦啦發脾氣尖叫嘈醒晒我哋。當時我就準備好向隔離屋報仇，等下次半夜再嘈既時候報警+拍片，然後報東張+寫投訴信去細路學校令佢哋社死，點知我未開始做就突然搬走...但係我終於享受到長久既寧靜，唔洗再驚俾細路尖叫聲嚇親，可以放心晾衫，無再嘈到耳鳴，耳根清靜

既然隔離屋全家搬走左，我就透露更多細節。有次我想睇屋企人番黎未，所以開電視睇座樓既CCTV，當時咁啱好係兩兄弟放學時間，佢哋老母出左去接放學，我係無見過三母子響CCTV出現，但之後就聽到兩兄弟尖叫聲先發覺佢哋三個番左黎。避開所有CCTV番到屋企既唯一方法就係行去後門條樓梯上黎，點解佢哋要咁樣做？

有一次又係兩兄弟放學番黎，我聽到佢哋老母指示小朋友除衫，然後聽到老母講「除褲、除底褲」，小朋友就開始除褲，我立即嚇到唔敢望出面，佢哋點解要喺廳度換衫唔入房換？我個單位係可以睇到架...

跟住就係小朋友老母，舊年見過佢將對腳晾喺窗邊，我哋兩個單位貼得好近，我係聞到陣味，我想影相但一攞手機佢對腳就縮番入去