吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 六合彩得主女兒網上揭秘　4千字詳述父母中獎後性情劇變 ...

自由講場今日: 2046|主題: 1342576

收藏本版

回覆發帖

返回列表

跳至頁

查看: 5794 | 回覆: 42

六合彩得主女兒網上揭秘　4千字詳述父母中獎後性情劇變 [複製鏈接]

12 3

elbar

侯爵府

積分: 24461

1^#

發表於 25-6-5 09:29 |只看該作者 |倒序瀏覽 |打印

一名自稱六合彩中獎得主女兒的網民，近日在網上發文分享家中獲獎後的轉變，透露父母中獎後性情大變，至今仍向部分親友隱瞞中獎事實，她還對父母「冇畀金錢蒙蔽雙眼」表示欣賞，帖文曝光後引發熱議。

事主於周日（1日）在Threads平台以近4千字發文講述「我屋企中六合彩X獎嘅經驗」，並提到為保護私隱，她使用的是非個人主要帳號，而有些事實是改動過，並非完全真實，主要是想分享感受。她強調分享目的非炫耀，而是「純粹想感謝主耶穌，天公作美」。

她憶述，中獎那年自己就讀小學三年級，妹妹讀幼稚園K2，原本一家四口居住於居屋，因父親賣樓替爛賭姑媽償還高利貸債務，最終搬到爺爺嫲嫲的公屋居住。

"嗰陣時六個人就喺呢二、三百呎嘅屋入邊生活，當時父親因為學歷唔夠俾人bully（欺凌）而辭去工作，家庭主要收入為母親擔任洗衫工作的每月一萬餘元薪金，再加上我爺爺（每月）幾千（元）嘅退休金（唔知有冇攞綜援）就撐起我哋呢六個人。"

她表示，在某個暑假或開學時，父親說「今次六合彩有好多錢，佢想搏一搏」，但母親反對擔心父親會像姑媽那樣沉迷賭博，兩人為此爭吵，最終父親仍偷偷買六合彩，「叫我揀一個數字，又叫我阿妹揀一個數字」，但那期六合彩沒中，這是事主父親首次購買六合彩的經歷。

她續說，後來父親找到新工作，全家人包括爺爺嫲嫲也一起外出慶祝，父親為慶祝找到工作，提議買六合彩，「因為今次累積獎金好似好多，驚喜係今次我阿媽應承咗。」

一家6口每人各選一個號碼下注

事主記得當時在元氣壽司店慶祝，6人各自寫下一個號碼。她形容當時與妹妹「勁興奮」，既能吃壽司，又像在進行某種神聖儀式。

"首先係我阿爸撳咗一個數字，跟住就到我阿媽，之後就我阿妹，傳過去對面就係我，我再傳畀隔離嘅嫲嫲，我嫲嫲再傳畀爺爺，最後我爺爺撳完最後一個數字畀返阿爸。

事主回憶選號時的心情，「我記得我嗰陣時撳數字嘅時候，隻眼好似比一個數字吸引咗咁，跟住就撳咗落去，完全冇嗰啲咩要struggle好耐嘅感覺。我哋每個人都好快咁撳咗一個數字，呢個感覺我記到嚟而家（雖然而家冇再中過笑死）。」

對獎時父親突然走進廚房找媽媽

攪珠當日，事主指父親拿著六合彩彩票觀看直播對號，

"佢每出一個Number，我就問爸爸有冇中。第一個出嚟，我同阿妹好興奮咁問：「有冇中、有冇中、有冇中？」我爸爸話有！我哋即刻企晒起身好興奮。跟住到第二第三個，我爸爸都話有，佢個「有」已經唔係興奮咁簡單，係充滿着wtf嗰種嘅「有」，我同我阿妹完全係當地板，喺跳彈床咁樣喺度跳，互相擁抱住對方。"

當第六個號碼開出，「我同阿妹即刻問有冇中有冇中，點知阿爸唔理我哋，佢行咗去廚房搵媽咪。」隨後事主指嫲嫲似乎察覺什麼，馬上抱住她們說「冇中到啊。」

之後，「阿爸阿媽出嚟......阿爸好失落咁話淨係中咗$1000，阿爸講完之後，我同阿妹都冇繼續深究」，但其實父親隱瞞中六合彩，因事主後來發現家中財政突然變得寬裕，「洗費比平時大咗，又話諗住俾阿妹讀私立小學」。

事主表示父母至今未有透露當年中獎金額，「反正就多到財富自由」，並指後來他們有投資銀行股，買了三套房，一套自住兩套出租，部分捐款給流浪貓狗救助組織，將10%薪水捐給醫管局，且持有大量銀行卡。至於父母隱瞞中獎實情有苦衷，主要是避免給嫲嫲太多錢，以免最終被爛賭姑媽騙光。

父母仍全職工作為保持低調住普通私樓

她又透露，父母現在仍保持低調生活，未因中獎退休，反而繼續全職工作，從事醫療服務性相關行業，「仲話要返到65歲」，「我都好欣賞佢哋冇畀金錢蒙蔽雙眼。」她表示，目前一家僅住在普通私樓，「如果由咁窮變住豪宅，係人都睇得出，夠住就OK啦。」

父母中獎後性情劇變

她談及父母中獎後性格巨變：

"即係以前我爸爸真係好惡，係會攞衣架打我哋嗰啲，媽咪都會......我爸爸之前講嘢超級大聲，我媽咪都係嗰啲大聲公，咩都周圍同人講。中咗六合彩之後，爸爸穩重咗勁多倍，講少咗嘢，仲要每次都講得好細聲，好溫柔。而我媽咪由E人（外向）變得超級I（內向），I到係一有放假就唔會出街嗰種。"

她特別指出，父母中獎後開始失眠：

"不過講到最大改變都係失眠問題，佢哋話自己個心成日囉囉攣，攞住呢筆錢好唔安穩。慶幸我哋一家四口嘅關係都係照樣咁close！！都係好有愛。"

事主認為父母過去真的很艱難，他們值得現在擁有的一切。

網民好奇中獎徵兆

帖文曝光後，有網民詢問中獎前「是否有徵兆」，事主回覆第二次買六合彩中獎當日「超開心」，父親找到新工作，難得全家一起吃壽司，覺得整件事非常溫馨快樂。相反首次買六合彩未中時，恰巧事主在學校哭完回家，那時事主父母正鬧離婚，所以她覺得與負能量、正能量有關，而買六合彩中獎那天是真的超級開心。

此外，網民紛紛留言稱讚，「爸爸媽媽心理質素好好，無畀橫財蒙閉雙眼，咁先可以好好守住財富。」有人表示，「好似睇緊現實版嘅港產片《家有喜事》咁。你寫得好好啊，一家人好可愛！你們值得現在擁有嘅嘢。」有人則提醒女事主保持低調，「感覺到你好似好想爆呢個多年秘密出嚟，想提下真係盡量唔好。」

點評

333s

發表於 25-6-15 08:54

0 0 0

私人傳訊回覆引用

Ritzmary

珍珠宮

積分: 38754

2025勳章 2025勳章蛇年勳章虎到金來勳章

2^#

發表於 25-6-14 17:54 |只看該作者

回覆樓主：

本帖最後由 Ritzmary 於 25-6-14 18:41 編輯

俾我中左六合彩巨獎都唔會同人講(包括父母兄弟姊妹)，工都會照返，不過可能轉一份簡單唔洗用腦的工作。但我都會送樓送車俾父母哥哥妹妹。以我一個咁普通的中年師奶，兩公婆一直無投資無炒股無基金無生意業務。唔想俾父母哥哥妹妹知道中左巨獎，但想送禮物送屋送車俾佢地，有咩辦法可以隱瞞到？案件的幸運兒夫婦好高情操，無受金錢操控，

！但幸運婦人無同娘家分享？

私人傳訊回覆引用

luvfor2bb

大宅

積分: 3364

3^#

發表於 25-6-14 18:31 |只看該作者

中咗大獎隱瞞唔出聲都正常

私人傳訊回覆引用

edhepp

珍珠宮

積分: 42318

父親節2025勳章 2025勳章蛇年勳章

4^#

發表於 25-6-14 18:35 |只看該作者

私人傳訊回覆引用

野原美冴

珍珠宮

積分: 47560

減齡達人勳章

5^#

發表於 25-6-14 18:45 |只看該作者

回覆樓主：

本帖最後由野原美冴於 25-6-14 18:46 編輯

好人有好報。

有個爛賭家姐，的確係唔可以比親人知，連阿媽都唔講得，否則爛賭鬼一定變本加厲，諗住有細佬兜底，借大耳窿就死得啦

點評

goldpiglet

發表於 25-6-14 20:33

私人傳訊回覆引用

vivibabyvivi

琥珀宮

積分: 173742

2025勳章 2025勳章蛇年勳章 2024年龍年勳章虎到金來勳章牛年勳章

6^#

發表於 25-6-14 19:18 |只看該作者

Ritzmary 發表於 25-6-14 17:54
俾我中左六合彩巨獎都唔會同人講(包括父母兄弟姊妹)，工都會照返，不過可能轉一份簡單唔洗用腦的工作。但我 ...

你矛盾喎，第一句話唔會同屋企人講，跟住又話送樓送車⋯

私人傳訊回覆引用

Ritzmary

珍珠宮

積分: 38754

2025勳章 2025勳章蛇年勳章虎到金來勳章

7^#

發表於 25-6-14 19:40 |只看該作者

vivibabyvivi 發表於 25-6-14 19:18
你矛盾喎，第一句話唔會同屋企人講，跟住又話送樓送車⋯

有幾矛盾？？只是唔想俾人知，但想和家人分享！

私人傳訊回覆引用

日月水火

珍珠宮

積分: 48058

2023年兔年勳章

8^#

發表於 25-6-14 20:12 |只看該作者

luvfor2bb 發表於 25-6-14 18:31
中咗大獎隱瞞唔出聲都正常

私人傳訊回覆引用

uhtcl2006

水晶宮

積分: 55250

牛年勳章環保接龍勳章大廚勳章 15週年勳章親子王國15週年勳章

9^#

發表於 25-6-14 20:21 |只看該作者

elbar 發表於 25-6-5 09:29
一名自稱六合彩中獎得主女兒的網民，近日在網上發文分享家中獲獎後的轉變，透露父母中獎後性情大變，至今 ...

就算我中左頭獎，生活應該都唔會有太大改變，屋再大都係瞓一張床，再有錢，咪都係得一個胃，食得幾多，反而一年可能會去多一兩次旅行，但都係有限錢啦，又唔好名牌，又無乜野想要，生活都係咁過

私人傳訊回覆引用

Ritzmary

珍珠宮

積分: 38754

2025勳章 2025勳章蛇年勳章虎到金來勳章

10^#

發表於 25-6-14 20:30 |只看該作者

uhtcl2006 發表於 25-6-14 20:21
就算我中左頭獎，生活應該都唔會有太大改變，屋再大都係瞓一張床，再有錢，咪都係得一個胃，食得幾多，反 ...

咁你會唔會同家人分享？

私人傳訊回覆引用

CYWS

伯爵府

積分: 16275

母親節2025勳章 2025勳章蛇年勳章 2024年龍年勳章虎到金來勳章牛年勳章畀面勳章 BK Milk勳章

11^#

發表於 25-6-14 20:40 |只看該作者

回覆樓主:

我外甥我都懷疑佢中6合彩啦！又買樓，又買幾部車，勞力士錶幾隻，我話比我家姐知，佢唔信囉！

私人傳訊回覆引用

vivibabyvivi

琥珀宮

積分: 173742

2025勳章 2025勳章蛇年勳章 2024年龍年勳章虎到金來勳章牛年勳章

12^#

發表於 25-6-14 20:40 |只看該作者

Ritzmary 發表於 25-6-14 19:40
有幾矛盾？？只是唔想俾人知，但想和家人分享！

咁無啦啦送車又送樓，人地點會唔知你發咗達？

私人傳訊回覆引用

Ritzmary

珍珠宮

積分: 38754

2025勳章 2025勳章蛇年勳章虎到金來勳章

13^#

發表於 25-6-14 20:54 |只看該作者

vivibabyvivi 發表於 25-6-14 20:40
咁無啦啦送車又送樓，人地點會唔知你發咗達？

所以我咪問有咩辦法隱瞞到囉

私人傳訊回覆引用

uhtcl2006

水晶宮

積分: 55250

牛年勳章環保接龍勳章大廚勳章 15週年勳章親子王國15週年勳章

14^#

發表於 25-6-14 20:58 |只看該作者

Ritzmary 發表於 25-6-14 20:30
咁你會唔會同家人分享？

自己一家會知，其他唔講，同亞媽講，就全世界都會知

私人傳訊回覆引用

LoveCorgi2

侯爵府

積分: 22757

15^#

發表於 25-6-14 22:55 |只看該作者

野原美冴發表於 25-6-14 18:45
好人有好報。

有個爛賭家姐，的確係唔可以比親人知，連阿媽都唔講得，否則爛賭鬼一定變本加厲，諗住有細佬 ...

中獎者啲子女仲年少，細路女忍唔住口都會周圍同同學或者嫲嫲講。

私人傳訊回覆引用

healthymimi

珍珠宮

積分: 37673

16^#

發表於 25-6-15 00:45 |只看該作者

回覆樓主:

佢哋不忘捐錢

私人傳訊回覆引用

vista

大宅

積分: 4789

醒目開學勳章

17^#

發表於 25-6-15 01:03 |只看該作者

如果所言屬實，這對中獎夫婦真係非常之醒目，有幾多人能夠中大獎而低調，亦願意捐部分嘅獎金去幫助人

以前睇過一個精神科醫生喺報紙寫嘅文章，佢見過中咗六合彩頭獎嘅人，最後冇曬啲錢之餘，仲得到精神病要搵佢醫病，因為親戚朋友見佢中咗大獎，個個都想問拎錢，自己亦會好揮霍，到頭來中咗嘅獎金冇曬，大受打擊黐埋線。

私人傳訊回覆引用

小ice

珍珠宮

積分: 44407

2024年龍年勳章

18^#

發表於 25-6-15 01:17 |只看該作者

回覆樓主:

做人低調d好，財不可露眼

私人傳訊回覆引用

Prosperous

侯爵府

積分: 23447

19^#

發表於 25-6-15 03:54 |只看該作者

elbar 發表於 25-6-5 09:29
一名自稱六合彩中獎得主女兒的網民，近日在網上發文分享家中獲獎後的轉變，透露父母中獎後性情大變，至今 ...

睇內容佢地一家應該係香港人, 但香港人唔會講一 "套" 房, 而係一層樓兩層樓。仲有咩大量銀行咭, 睇陸劇, 內地人畀大量錢人, 係好興畀張銀行咭人, 我一直唔明係咩操作, 香港只有提款咭, 但唔會咁樣畀人或當銀紙 keep。仲有, 我唔明佢講買六合彩時, 乜嘢輪流撳咗一個數字, 如果係用 app 買, 就唔會有張飛畀對冧把, 如果係填六合彩飛, 就係用筆 "劃", 唔係撳!

所以我覺得係作文! 反正冇人知佢講真定講假!