現年55歲的兩屆TVB視帝鄭嘉穎，於2018年迎娶細自己22年的港姐冠軍太太陳凱琳（Grace），婚後兩人積極造人，誕下3個高顏值小朋友，一家五口美滿幸福。陳凱琳婚後轉型社交平台，形象健康的她深受客戶歡迎，接Job接到手軟，成為如今最炙手可熱的KOL，連荷李活電影《職業特工隊：最終清算》在紐約舉行的宣傳活動也獲邀出席，並與湯告魯斯合照，非常威水。而鄭嘉穎自成家立室後，則大幅減產，轉型住家男。最近兩公婆合體搵銀，到大馬出席活動，期間鄭嘉穎對舊東家TVB一句說話，獲讚有情有義。
然而，鄭嘉穎過往拍過多套繪炙人口的經典TVB劇，故在深受港劇影響的大馬有極高人氣，儘管和太太已先後離巢，但向來少說話的他，竟仍在今次活動上為娘家宣傳，令人意想不到，鄭嘉穎感性表示：「大家都係細細個睇TVB，我哋喺TVB嘅時候，一年嚟好多次馬來西亞宣傳嘅，咁馬來西亞已經好似係另一個屋企，非常熟悉，好似見返老朋友咁樣！睇返多啲TVB嘅劇喎，雖然我無拍了而家，但大家繼續支持TVB啊。」而陳凱琳則如小粉絲般站在旁邊，笑住聽老公講話，夫妻互動溫馨。
發表於 
返回列表
