自由講場今日: 96|主題: 1360943

收藏本版

回覆發帖

返回列表

跳至頁

查看: 7278 | 回覆: 57

段偉倫離世終年67歲跟隨成龍做保鏢做管家23年月薪僅萬元

[複製鏈接]

12 3

manman1979

大宅

積分: 1123

1^#

發表於 25-8-27 22:04 |只看該作者 |倒序瀏覽 |打印

與盧惠光曾被稱成龍「左右護法」
03年被炒
追隨成龍23年人工僅萬元
怒轟成龍：無良僱主，對兄弟無情無義

前「成家班」成員 #段.偉倫，今早（27日）因病逝世，終年67歲。《星島》報道指，段偉倫疑死於腎衰竭，好兄弟盧惠光亦證實死訊。

段偉倫於1970年入行，最為人所知是其「成家班」身份，曾與盧惠光被稱為成龍最信任的兄弟，甚至有說是「文有段偉倫，武有盧惠光」，但兩人卻相繼被成龍開除。

︱在車行認識成龍︱
段偉倫曾效力亞視，憑其紮實武打根底打出名堂，惟後來發展未如意，一度失意轉行。87年成龍幫助一個車行度過難關，因而認識在車行工作的段偉倫。未幾成龍邀請段偉倫加入成家班，甚至是得力助手，為成龍打理日常起居、甚至擔任保鑣工作。

加入成家班，段偉倫亦曾演電影，如《警察故事3超級警察》、《警察故事4之簡單任務》、《重案組》、《衝鋒隊：怒火街頭》，《重案組》、《霹靂火》、《火拼時速2》、《無間道II》等，不少作品都與成龍合作。

︱轟成龍：無良僱主，對兄弟無情無義︱
跟隨成龍二十三年，段偉倫於03年、亦即沙士爆發一年突然遭成龍辭退。2010年輪到 #盧惠光被炒。當時有周刊報道，稱成龍對跟隨自己的一班兄弟並非如銀幕鐵漢般仗義，續指成龍安排妻子林鳳嬌出任成龍影業及JC Group董事，「大開殺戒」，辭退了追隨自己30年、被稱為「護法」之一的盧惠光，僅給予十萬元賠償。盧惠光當年表示：「三十年就係換來呢十萬，何止自己唔信，就連身邊所有朋友都唔信係事實。十萬都唔夠供幾個月樓。」

經理人陳自強與段偉倫比盧惠光更早被炒，段偉倫受訪時，直斥成龍「無良僱主，對兄弟無情無義」。段偉倫被辭退時，月薪只僅逾萬元，遣散費14萬港元。

10年段偉倫接受訪問，意難平怒指成龍欺負兄弟讀書少，又說：「跟佢咁多年，我哋從來冇假期。光仔（盧惠光）離婚都同佢有關，佢要人陪到深夜，年卅晚唔可以返屋企食飯，年初一又要兄弟們陪佢去拜山，唔去就黑面。當時佢公開講，有佢成龍一日，就有段偉倫同盧惠光，點諗到後來會咁對我哋？佢冇畀過『成家班』兄弟機會，佢怕我哋紅咗會走。」

︱「佢冇刻薄，呢個係冇定義嘅，視乎你點睇」︱
未幾段偉倫現身公開場合，回應傳媒問及成龍是否對兄弟不好，他說：「見仁見智，十隻手指有長短，自然會有啲好、有啲中等。」再追問成龍是否「刻薄老闆」？他說：「佢冇刻薄，呢個係冇定義嘅，視乎你點睇。」但就指自己被炒與林鳳嬌入主無關，「我03年已經離開，佢係08年先入主公司。」

11年底，段偉倫中風，一度半身不遂，他說：「係外血管塞咗，即係中風，右邊身唔郁得，1月22日出院後繼續治療同埋針灸，右邊身先郁到，有腳架都行到路，不過未寫到字。（原因？）肥同飲酒多有影響，我已經由250磅減到200磅！」

#段偉倫離世 #成龍 #娛壹
attach0/tmp/phpqzbfy9