心聲留言 今日: 2|主題: 17546

【前言：點解要寫呢封信？】

有無試過分手好耐，個腦理智上知道完咗，但個心硬係覺得「銀」住「銀」住？試過好多方法，狂做運動、狂返工、甚至搵新對象，但一靜落黎就崩潰？

原來好多時我地走唔出黎，唔係因為我地廢，而係因為段關係仲有好多野「未完成」。

·我地做錯事需要向佢道歉，

·佢做錯事需要我地原諒，

·佢幫助過我地而我地好感激想多謝佢，

·我地仲有好多野想講，而呢D事就仲未去做；

·過去有好多事想以另一個方式發生，但過去左既事改變唔到，亦有好多未能賓現既願望；

·相處之中亦會產生好多感受，而呢D感受仲等緊我地去表達俾對方知，例如係關係入面我地會開心，傷心，無奈，焦慮，後悔，憤怒，欣慰，懷念...而呢D感覺仲屈係我地個心度，未好好咁一樣一樣咁梳理同表達俾對方知。。。

所以就要完成番呢段關係入面要做既野：係未必能與對方坦誠和耐心對話既大前提下，用信的形式:

·將一段關係入面未道既歉道左佢，

·未原諒既原諒左佢，

·未多謝既多謝番對方，

·未鬧既鬧番對方，

·未讚既讚番對方；

·未能改變既遺憾，未能實現既願望/期待，谷係心度既感受講番哂俾對方知道。。。

咁一段關係入面要/講做既野做左，要表達既感受表達左，呢段關係入面我地無野需要再去完成、再去表達，就可以話我地已完成哂所有事情，所以就可以同以往感情中既不愉快經歷，遺憾，未能完成既事，未能實現既願望…正式道別。咁就可能可以move on到。

咁具體可以點做?

找一個安靜的時刻，寫一封不必寄出的信，按順序完成以下幾件事(可隨意加減；請注意：內容越具體越好，例如不要只寫『對不起』，要寫『對不起，那一晚我...』。)：

• 道歉：為你做錯或後悔的事，說出「對不起」。
• 原諒：對他/她帶給你的傷害，說「我原諒你」或「我暫不原諒」。這裡的原諒，意味著1.放棄希望擁有一個不同及更好的過去，2.你不必彌補你對我的傷害及3.我不必因你傷害我而傷害你。
• 過往的遺憾(A different and better past)：承認那些「如果當初…就好」的時刻。
• 未能實現的願望(Hopes, Dreams and Expectations)：對你們曾憧憬但未能到達的未來，正式說再見。
• 感謝：為曾經真實存在過的美好，真心說「謝謝」。
  

寫完後，請找一個信任的人（或對著空氣），大聲將這封信讀出來；或者send俾AI, 叫佢做聆聽者唔好俾意見。

詳細可以看後文（後文的分類會更仔細），但只跟著這篇前言，已經足夠你完成這場重要的告別。

現在，請拿出紙筆，從「我最想對你說的是…」開始書寫。