吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 領綜援外婆爆女兒在家產子內情　心痛Lily患牛皮癬曾自費 ...

自由講場今日: 64|主題: 1366917

收藏本版

回覆發帖

返回列表

跳至頁

查看: 2985 | 回覆: 34

領綜援外婆爆女兒在家產子內情　心痛Lily患牛皮癬曾自費寄 [複製鏈接]

dodo322

大宅

積分: 4792

2025勳章蛇年勳章牛年勳章

1^#

發表於昨天 09:33 |只看該作者 |倒序瀏覽 |打印

Save Lily」事件持續發酵！Lily母親關小姐和父親曾先生回港後，再在住所自行誕下細仔Danny，並於周二（2日）因涉嫌「對所看管兒童或少年人虐待或忽略」被捕，至4日凌晨獲准保釋。有傳媒聯絡到Danny外婆何女士，何女士自言靠綜援維生，多次強調自己沒有文化，不干預女兒感情，指女兒大學畢業後便到瑞典生活，女兒曾透露Lily患牛皮癬，她也有自費寄中藥到當地治療孫女！
年約70歲的何女士目前獨居於長沙灣一個公屋單位，她自言大半生勞碌維持一家收入：「我返大陸車嘢、綉花，嚟到香港做餐廳，咩都做，我又無文又無化。」何女士工作至60多歲才退休，丈夫在12年前因中風過身，現時依靠綜援維生。
何女士在訪問中透露，女兒為人獨立，中學開始入讀寄宿學校，她說：「佢鍾意寄宿，咪由佢寄宿囉，慳啲錢都畀佢寄宿啦，學校嘅生活同屋企嘅生活唔同㗎。我又唔識分性格唔性格喎，梗係有自己諗法，如果跟住我就死梗㗎啦，我有咩見識呀，成日喺農村耕田。」問到女兒讀書是否出眾，她就表示不太清楚：「獎學金係佢自己揸住，佢自己用囉。」

她指女兒大學畢業後便前往瑞典生活。她亦曾應女兒要求，每月花費逾千元寄中藥材到瑞典，為孫女Lily醫治牛皮癬，她謂：「佢（女兒）邊有錢，一箱藥都要千幾銀，個個月都差唔多寄過去，細路仔有病無理由唔睇，大人病就可以唔理。」何女士坦言，女兒曾簡單交代過Lily「喺瑞典畀人拐走咗」，亦輕輕提過在外國被捕，但具體情況她也不太清楚。

關小姐從英國返港後，居住在曾先生位於秀茂坪的單位，原來何女士也曾前往探望，坦言初時不知道女兒懷孕：「佢大肚好大我就知囉，佢唔係喺呢度（香港）大肚，係喺英國嗰度帶返嚟㗎個肚。」何女士更大爆早幾個月曾先生與其弟弟爭執：「兩兄弟打到七彩啦，嗌我唔好去呀。唉，打到去派出所（警署）。」對於女兒選擇在家中分娩，何女士直言無得擔心，又透露自己年輕時也曾學習過護理。何女士又指，女兒分娩後有自行購買中藥材調理身體坐月，但非跟隨傳統食薑。

0 0 0

私人傳訊回覆引用

dodo322

大宅

積分: 4792

2025勳章蛇年勳章牛年勳章

2^#

發表於昨天 09:33 |只看該作者

談及對曾先生的看法，何女士坦言這是女兒個人愛好，自己無得反對，亦都無得支持：「佢鍾意就佢嘅。呢啲老豆老母一般都唔理。」何女士又多次指自己沒有文化，從不干涉女兒的感情及婚姻狀況：「你要結婚咪結婚囉，我唔知佢幾時結婚，我都唔理呢啲嘢，你兩個搞掂，你兩個有文化有知識。」何女士亦不清楚女兒與曾先生的工作情況：「去咗英國咁多年，我都未見過佢做過嘢，佢自己搞掂，我有錢咪畀啲佢。」

對於女兒及曾先生涉及疏忽照顧兒童被捕，何女士表示：「擔心又係咁，既來之則安之，我都慣咗㗎啦呢啲嘢……我又唔知佢犯咗天條大罪，還是小意思，唔到我擔心㗎。」當提到孫仔Danny的去向時，何女士就表現得較為著緊：「拎咗去保良局仲慘。」

她表示不知道該如何尋找孫仔合適的監護人：「除咗我自己，我自己親力親為，你有錢冇錢，有飯食就得，我唔計呢啲，因為佢係我自己人」。最後記者問她是否想見Danny一面，何女士直言：「唔使問我都要見㗎啦，有得見就見，係咪呀？」

私人傳訊回覆引用

uwjs

伯爵府

積分: 17485

3^#

發表於昨天 09:56 |只看該作者

講度拎獎學金甘叻
去外國又不事生產
性格獨立
經濟又倚賴

私人傳訊回覆引用

TAKTAKB

伯爵府

積分: 19905

4^#

發表於昨天 10:01 |只看該作者

uwjs 發表於 26-6-5 09:56
講度拎獎學金甘叻
去外國又不事生產
性格獨立

可能個女嘅係叻
但可見佢都好自私
識埋個咁嘅男人耳濡目染
臭味相投變到而家咁不知所謂

私人傳訊回覆引用

cy101

象牙宮

積分: 212984

2025勳章蛇年勳章 2024年龍年勳章牛年勳章 2018復活節勳章育兒性格勳章好媽媽勳章醒目開學勳章畀面勳章環保接龍勳章大廚勳章 BK Milk勳章 15週年勳章親子王國15週年勳章

5^#

發表於昨天 10:02 |只看該作者

中學讀寄宿學校，都好獨立！又獎學金，聰明人，但點解變得怪怪地！但育兒knowledge係咪差d，因佢自己細個都係自己搞掂！

私人傳訊回覆引用

my005

瑪瑙宮

積分: 145538

父親節2025勳章母親節2025勳章 2025勳章蛇年勳章 2024年龍年勳章牛年勳章 2018父親節勳章 2018復活節勳章開心吸收勳章醒目開學勳章 15週年勳章親子王國15週年勳章

6^#

發表於昨天 10:03 |只看該作者

要個攞綜援既阿媽每月攞成千蚊寄中藥去外國俾佢地？

佢地收得落咩？

真係自私到極點﹗

這個世界上所有的愛都是以聚合為最終目的，只有一種愛以分離為目的，那就是父母對孩子的愛。父母真正成功的愛，就是讓孩子盡早成為一個獨立的分個體﹗

私人傳訊回覆引用

k_wong7

伯爵府

積分: 17971

虎到金來勳章

7^#

發表於昨天 10:06 |只看該作者

dodo322 發表於 26-6-5 09:33
談及對曾先生的看法，何女士坦言這是女兒個人愛好，自己無得反對，亦都無得支持：「佢鍾意就佢嘅。呢啲老豆 ...

感覺呢位媽媽對關小姐係無奈，有本事（獎學金）就自己使，唔使同阿媽交代，無本事（係外國生活）就要阿媽接濟，美其名話獨立，有性格，直接講，只係自私自利，唔理其他人感受，什至係阿媽。睇呢對男女，比人拉前電台訪問，同比人拉後，保釋時既態度，就知佢地平時幾黑人憎，無修養。

私人傳訊回覆引用

D..D

珊瑚宮

積分: 101109

馬年勳章 2026勳章父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章

8^#

發表於昨天 10:11 |只看該作者

回覆樓主:

縱出奇葩
冇文化都有教既責任架嘛
教唔到佢識字都要教佢做人架嘛

私人傳訊回覆引用

MonsterBear

子爵府

積分: 14598

牛年勳章 BK Milk勳章

9^#

發表於昨天 10:12 |只看該作者

睇呢篇報導, 只感受到個亞媽既無奈, 生咗出來又唔識教, 用自已無文化來推卸, 如果個孫比佢帶, 又會害多個....

私人傳訊回覆引用

spicymama

伯爵府

積分: 17984

10^#

發表於昨天 10:20 |只看該作者

回覆樓主:

衰啲講句垃圾，讀咁多書都冇用，自私到一個點連父母都可以唔係點理，仲要靠綜援嘅年邁母親接濟，唔做嘢仲要不停係咁生生生，奇特嘅思想禍害咗下一代，自身都搞唔掂仲話要攞返自己嘅仔女，無腦，希望政府唔好畀番小朋友呢兩個畜牲，就算係都要長期有人監察住呢兩位人渣，照咁睇佢話第一胎BB係出世一個月自然死亡，心臟病問題，根本就係被謀殺，佢肯去醫院生，或者未出世前已經做定詳細產檢，相信bb生存率好高。

私人傳訊回覆引用

mcdullyiu

珍珠宮

積分: 42147

2026勳章 2025勳章蛇年勳章醒目開學勳章畀面勳章環保接龍勳章 BK猜猜猜慶中秋親子王國15週年勳章

11^#

發表於昨天 10:48 |只看該作者

現在好多家長都係咁架,
我唔識教架,我唔明架, 我教左都唔聽架,
放手放養全部都出晒來,
呢個世界唔知以後會點呢?

點評

RAA

發表於昨天 11:16

此生無悔入華廈，來生願在種花家！

私人傳訊回覆引用

fayefa

伯爵府

積分: 16188

12^#

發表於昨天 11:03 |只看該作者

回覆樓主:

乜個女唔係喺香港教過書嘅咩，點解而家變咗畢業後就去咗瑞典。個頭又話冇錢，嗰頭又話每個月執千幾蚊中藥寄畀個女。究竟邊樣嘢先至係真㗎

私人傳訊回覆引用

LekGirl

水晶宮

積分: 61751

父親節2025勳章母親節2025勳章

13^#

發表於昨天 11:08 |只看該作者

dodo322 發表於 26-6-5 09:33
Save Lily」事件持續發酵！Lily母親關小姐和父親曾先生回港後，再在住所自行誕下細仔Danny，並於周二（2日 ...

中學就去咗寄宿學校，之後應該讀書幾叻，仲拎埋獎學金出國。但係佢好似冇乜理過自己個阿媽，份人都應該相當自私。自己阿媽攞綜援食都未必夠食，仲要寄埋中藥去外國俾個孫，咁究竟呢兩公婆啲經濟狀況係點㗎？冇嘢做但又生活到咁多年，我仲以為佢哋有積蓄咋！而且當初喺瑞典被拘捕嘅時候，話佢哋架車上面有好多歐羅，當地警方仲懷疑佢哋洗黑錢，之後又冇事，咁即係啲錢係佢哋㗎啦！咁點解又要香港阿媽接濟呢？