Baby Kingdom - 親子王國 香港 討論區 › 首頁 › 大仔大女媽媽會› BB 兩個月就厭奶

大仔大女媽媽會

收藏本版
發帖
返回列表
跳至頁

首頁
1

尾頁
   0
loyinkwan


別墅

積分: 877


1#
發表於 09-7-3 13:17 |只看該作者
我係第一次做媽媽, 自己揍~~好多揍bb嘅嘢都係學習中, 自己算係緊張派~~希望可以同大家交流心得, 以下係我剛剛做媽媽的第一次經歷

bb喜37日大起, 每餐飲奶就撐頭撐腳, 都算肯飲, 奶量都ok, 平均每餐2-4安士, 每日總奶量都有20安士以上~~但由6月24日(剛剛兩個月大)到而家, 每日只係飲得六餐, 合計都唔到20安士奶(仲少過個幾月大), 而且餐餐都扭晒計喊晒口, 餵奶時就好似餵緊佢食苦藥咁撐頭撐腳, 要個幾鐘先餵到1-3安士, 都唔知點解佢唔飲奶, 心急又心痛~~到健康院檢查/去屯門醫院睇兒科專科/一間私家兒科醫生, 佢哋都話, bb唔想飲唔餓就唔會飲, 唔好迫佢飲, bb同媽媽都辛苦, bb無乜事嘅, 佢嘅生長線好好, 問題唔大~~(唉~~生長線梗係好, 我好有心機餵同時間餵ka ma, 我講出唻係想佢哋俾d方法我, 等bb又可以飲到奶又唔會咁辛苦)~~

7月1日我就轉睇另外一位醫生, 呢位醫生就幫到我了, 原來係厭奶, 醫生話厭奶有好多原因, 1) bb長期飲奶會有肚風令肚仔痛導致bb覺得飲奶就會肚仔痛, 所以心理反應令佢唔想飲奶免得肚痛~~2) 飲奶時環境影響, 因為bb開始大, 佢對周圍環境好奇, 令佢分心, 所以佢會唔想飲奶而周圍望同聽聲~~3) bb鼻塞, 初生bb鼻仔會有此情況係正常, 因為bb初期鼻仔有少少分泌液令bb鼻塞(三個月後會自動消失)~~

原來我bb兩個月就厭奶, 醫生亦提供幾個方法, 1) 轉飲雅培(試一星期睇下效果), 呢隻係豆奶, 所以唔會牛奶咁令肚仔有風~~ 2) 鼻仔滴鹽水~~ 3) 飲醫生開嘅肚痛水 4) 少食多餐~~

我用咗轉奶粉同滴鹽水方法(肚痛水就唔用住, 因為唔想咁快俾bb食藥), 仲有尋日用咗米水開奶1次, 肚仔碌雞蛋~~今日好似有好轉~~我諗住今日再用多1次米水開奶, 碌多一次雞蛋, 如果唔得, 聽日就會用埋肚痛水喇!

希望其他媽媽有更好心得提供俾我~~謝謝~~

[ 本帖最後由 loyinkwan 於 09-7-3 13:52 編輯 ]
私人傳訊

CatEgg


大宅

積分: 4626


2#
發表於 09-7-3 16:11 |只看該作者
我都係第一任媽媽,唔敢比咩意見,分享下啦
我BB依家兩個幾月,未夠兩個月就有約兩個星期既時間飲奶飲好少,連佢最愛的人奶都唔係太接受,每次飲的份量亦好少,咁我就好似你咁小食多餐,總之佢肯飲就比佢飲,唔想食就唔迫佢,事實上,BB仔飲奶係迫唔到的。我開頭都懷疑佢係厭奶,問過朋友,佢地都話無理由咁早厭奶,可能係奶太熱、太凍,亦有朋友提議我轉奶粉,但我堅持試多幾日小食多餐,因為轉奶粉BB腸胃又要重新適應,之後,佢開始肯飲多D,我就無轉奶粉。我BB依家一日飲奶份量都無20安,到健康院檢查時,姑娘話佢重量發展合標準,我都鬆一口氣,佢增的磅數更令我好驚喜添。至於肚風,BB未滿月時有幾日喊得好犀利,我試過look雞蛋、用生油按摩肚仔,但都喊,我唔知咩事,抱去睇醫生,先知係肚風,明知肚風水係藥但都無法,好無奈咁比佢食,飲佐後訓覺好佐。
其實咁細個BB真係好簡單,肚餓就會喊飲奶,飲飽就訓同玩,我覺得佢地未叻到知道飲奶就會有肚風、肚仔痛,佢地的聯想力未發展得咁快。
不過,咁細BB可以飲豆奶?豆奶夠唔夠佢需要的營養?

原帖由 loyinkwan 於 09-7-3 13:17 發表
我係第一次做媽媽, 自己揍~~好多揍bb嘅嘢都係學習中, 自己算係緊張派~~希望可以同大家交流心得, 以下係我剛剛做媽媽的第一次經歷

bb喜37日大起, 每餐飲奶就撐頭撐腳, 都算肯飲, 奶量都ok, 平均每餐2-4安士, 每日總 ...
私人傳訊

loyinkwan


別墅

積分: 877


3#
發表於 09-7-3 18:04 |只看該作者
HI~~CatEgg~~
哈~~你bb同我bb差唔多大~~

UM...雅培係醫生建議我轉, 呢隻豆奶嘅營養同牛奶一樣, 只係含唔同嘅蛋白質(一種係植物蛋白, 另一種係牛嘅蛋白), 而且香港對初生嬰兒奶粉管制都好好, 應該係無問題~~

之前bb試過飲吳德勿次, 第一次一飲即嘔, 隔咗一星期飲第二次, 果次就無嘔, 仲好好訓添, 但飲奶都係咁辛苦(我諗bb六個月前我都唔會再俾佢飲)~~跟住就睇呢個醫生, 佢就開咗支肚痛水俾bb~~頭先bb又扭咗幾個鐘計, 久唔久就抽一抽跟住就喊, 好大可能又肚仔痛, 啱啱餵bb飲完醫生開嘅肚痛水, 一放落床仔, 哇咗幾聲就訓咗~~哈哈~~希望幫到佢去肚風~~

bb啱啱兩個月大去健康院check過, 姑娘都話跟到條成長線, 而家有5.02kg, 體重算係細碼, 佢出世時係2.54kg, 都算幾好~~只係見佢飲奶飲得咁辛苦, 覺得心痛, bb唯一可以食嘅嘢都唔可以好好享感, 所以想找出方法令佢食得開心~~

bb尋晚最後餐奶係22:00食, 食咗3安半, 一訓就訓到今朝八點我叫醒佢飲奶(幾擔心餓壞咗bb), 都係飲3安半! 尋晚佢無醒, 但都有幾次週身郁, 轉頭又訓返, 因為之前試過見到佢半夜四點幾週身郁時就餵佢飲奶, 但都係飲得1安士, 天光八點餵都係飲3安半, 所以尋晚就無抱起佢餵奶喇, 試下有無唔同, 原來都係差1安士奶, 咁...我諗以後都唔會半夜叫醒佢飲奶, 除非佢扭計要飲喇~~順便戒埋夜奶~~

係呢, 你bb飲嘅肚風水係咪醫生開ka, 飲完係咪改善咗?飲咗幾多次?
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見