大仔大女媽媽會 今日: 0 | 主題: 177860

積分: 1322

1^#

發表於 09-7-2 10:23 |只看該作者 |倒序瀏覽 |打印

我屋企除左我、老公、呀b之外，仲同姑仔(老公個細妹)一齊住，一路以黎同姑仔相處都係一般。
因為我要返工，平時將呀B比姨姨湊，放工接返屋企，呀B對住我/姑仔既時間其實都差唔多，
但我feel到呀B鐘意黐姑仔，攪到我好唔開心，
自問對呀B唔差，仲好錫佢，點解會咁?
呀B都黐姨姨架，但我又覺得OK，因為姨姨日間湊佢，同佢相處時間耐D...
但BB唔會扮野，佢鐘意或唔鐘意邊個都會表現出黎，
雖然呀B唔會話唔鐘意我，但見佢咁黐姑仔，我真係勁唔開心~~~

0 0 0

私人傳訊

積分: 2912

2^#

發表於 09-7-2 10:45 |只看該作者

Floria, 你可以咁諗, 一個bb除左有爸爸媽媽錫, 仲有姨姨同姑姐錫, 係一件幸福既事, 你係BB媽咪, 一世都係.

我軒軒都有好多人錫晒, 契媽同契姑姐錫到佢燶, 佢一見到契媽同契姑姐開心到痺, 又係好跟佢地, 不過我無唔開心, 我同軒軒相處時佢一樣係好開心, 無論BB對住我, 契媽定契姑姐都係開心, 咁即係BB全日都好開心啦! 你話唔好咩?

私人傳訊

積分: 531

3^#

發表於 09-7-2 17:06 |只看該作者

我都係在職媽媽，其實在職媽媽都係好擔心自己BB唔黐自己，講真，我為左呢樣野，由未生之前決定繼續返工開始已經唔開心，不過我而家發覺我有時覺得BB同第二個人好似開心D只係自己過敏，而且，就算真係咁，都係代表BB能同不同的人都相處開心，況且BB又唔係唔鍾意自己，BB都好鍾意同自己一齊吖!

阿囡雖然日間係麻麻湊，但係一到緊張關頭：例如去陌生地方，陌生人，唔舒服，都一定要搵我，我阿媽話，呢D咪係天性囉！

其實，我做左媽媽後，先知自己原來會咁小器．．．．我以前唔係咁架。

冇錯，做左人地阿媽後，有D以前冇既美好性格會被激發出黎，但係原來亦有一D唔好既性格都會同時出現．．．對於我黎講，小器、斤斤計較、呷(BB)醋、神經過敏就係其中一D。我而家正努力去除呢D不良性格。

母親的角色雖然係唯一既，但唔應該係唯一會畀BB快樂、照顧、引導同教育佢成長既人，而只係最重要既一人，如果BB身邊都有不同可以令他快樂、教導他、照顧他的人，不是他的福份嗎？

不過，我都仲係努力緊咋，我好多時都仲會呷醋唔開心架，一齊努力正面D去諗！

私人傳訊

積分: 1322

4^#

發表於 09-7-2 17:16 |只看該作者

原帖由 hicaca 於 09-7-2 10:45 發表
Floria, 你可以咁諗, 一個bb除左有爸爸媽媽錫, 仲有姨姨同姑姐錫, 係一件幸福既事, 你係BB媽咪, 一世都係.

我軒軒都有好多人錫晒, 契媽同契姑姐錫到佢燶, 佢一見到契媽同契姑姐開心到痺, 又係好跟佢地, 不過我無唔 ...

咁又係既...我都想BB多人錫，
不過自己好似不自覺咁去做比較~~
其實有時我覺得姑仔對呀B講野既口吻真係好似呀b個媽咪咁...
好似有次我0係屋企同朋友打麻將，
佢竟然同呀B講：你第時大個唔好打麻將呀...
我當時聽到真係唔Like架...
咁佢即係0係bb面前話個媽咪0者...
唉~~一場親戚，我都唔想大家關係咁差...

私人傳訊

積分: 1322

5^#

發表於 09-7-2 17:19 |只看該作者

原帖由銀杏於 09-7-2 17:06 發表
我都係在職媽媽，其實在職媽媽都係好擔心自己BB唔黐自己，講真，我為左呢樣野，由未生之前決定繼續返工開始已經唔開心，不過我而家發覺我有時覺得BB同第二個人好似開心D只係自己過敏，而且，就算真係咁，都係代表BB能同不同的人都相 ...

銀杏，我同你一樣有小器等等既問題，
我好想改架，因為我都想呀b好...
但問題係要d時間囉~~~
仲要自我調節..唔好亂諗野...
老公一句支持我會好開心...
但有時佢又話我太敏感~~
有時真係覺得佢唔了解我~~

私人傳訊

積分: 2912

6^#

發表於 09-7-2 17:32 |只看該作者

點都好啦, 自己唔開心都要發洩下既. 總之比一個開心既成長環境比bb係最好既!

私人傳訊

積分: 531

7^#

發表於 09-7-2 17:52 |只看該作者

原帖由 fourfour713 於 09-7-2 17:19 發表

銀杏，我同你一樣有小器等等既問題，
我好想改架，因為我都想呀b好...
但問題係要d時間囉~~~
仲要自我調節..唔好亂諗野...
老公一句支持我會好開心...
但有時佢又話我太敏感~~
有時真係覺得佢唔了解我~~ ...

我地呢D在職媽媽，好多時有苦自己知，真係有好多情緒起伏要處理，尤其係有老公以外既親戚係屋企既．．．（我99因為BB，一個星期有五晚係度瞓．．．．）

大家有時間就係度傾下，分享下．．．．其實你都想去改，已經係成功既開始啦！

作為母親，最重要唔係討好BB，而係教養佢地。教養唔淨止係要佢地開心，而更重要係教佢地學懂面對困難同痛苦，呢D又係其他久唔久同BB玩下開心下既親朋戚友唔會理。呢個階段既BB只係開心就得，就表現出鍾意同邊個一齊多D。但係我地為BB做既野先至係漫長同重要既。

而且，我相信，只要我地用心花時間去教養，BB一定會感受到。

[ 本帖最後由銀杏於 09-7-3 10:09 編輯 ]

私人傳訊

siupoponicam

積分: 2788

好媽媽勳章

8^#

發表於 09-7-3 15:48 |只看該作者

原帖由 fourfour713 於 09-7-2 10:23 發表
我屋企除左我、老公、呀b之外，仲同姑仔(老公個細妹)一齊住，一路以黎同姑仔相處都係一般。
因為我要返工，平時將呀B比姨姨湊，放工接返屋企，呀B對住我/姑仔既時間其實都差唔多，
但我feel到呀B鐘意黐姑仔，攪到我好唔開心，
自問對 ...

我以前都有你依個想法,我仲要同6299一起住,bb仲要好跟他們同工人,我都有段時間唔開心,果陣仲要成日ot, 放工回家,bb已睡覺, 後來,我每日都會同bb獨處,漸漸bb就鍾意跟我.
其實,bb是知道邊個錫他. 有時我會同自己講,因為他們錫佢,bb才跟他們.

私人傳訊

kaka0608

積分: 807

9^#

發表於 09-7-4 00:40 |只看該作者

fourfour713:
要解開你嘅心結其實唔難,最主要就係因為你"一路以黎同姑仔相處都係一般",你這種想法(感覺)就是導致你會唔開心嘅原因,換轉你bb黐嘅係一個與你關係好好嘅人,你就一定唔會吃醋,其實你姑仔肯錫你bb都係一件好事,唔通你想佢好似有d不知所謂嘅姐姐咁對待你bb咩你應該要去還神就真啦!

其實你應該藉著今次機會順勢與你姑仔將關係再keep好d,唔係要你巴結佢,係人生短短幾廿年,大家又不是十冤九仇

,最重要係你地關係好的話,家中笑聲多d,阿b自己都會係個開心b,對阿b日後成長一定有幫助,你e+仲有做嘢,你應該好明白多一個朋友好過多一個敵人嘅道理,更莫講話你哋係親戚啦!當然,我都明白相見好同住難這個道理,我相信每個人都有善良嘅一面(例如:你姑仔都會教阿b"你第時大個唔好打麻將呀",當你想起你姑仔其實係針對事(打麻雀,哈哈,我都好鍾意打麻雀架,我個女都應該好快識打囉!因為我全家都鍾意打架!

),而唔係針對人),即是話你都應該放開懷抱去同bb一樣接受尼個"姑姐,當你做得到這點,係就唔需要再做"大醋酲"啦!
(可能話多咗!

開心d啦香港人,應該是屯門人,我住YL,上次出席唔到你哋7/6 gathering , 我哋仲未見過面添)

私人傳訊

積分: 1322

10^#

發表於 09-7-4 09:53 |只看該作者

原帖由 kaka0608 於 09-7-4 00:40 發表
fourfour713:
要解開你嘅心結其實唔難,最主要就係因為你"一路以黎同姑仔相處都係一般",你這種想法(感覺)就是導致你會唔開心嘅原因,換轉你bb黐嘅係一個與你關係好好嘅人,你就一定唔會吃醋,其實你姑仔肯錫你bb都係一件 ...

多謝你呀..kaka0608~~
其實我係知道我同姑仔之間既心結，
我都唔想大家既關係咁差，
始終我地親戚都唔係多....
好似麻將果件事咁...就算佢係對呀b好，
但我覺得佢用錯方法囉...
簡單d黎講，係佢唔識講得好d~~
況且比唔比呀b玩，想呀b將來係點，
其實都係我地兩公婆去決定，而唔係姑仔~~
我覺得雖然大家住埋一齊，
但並唔代表佢樣樣事都要干涉，
我、老公、呀b三個人有三個人既生活同"內政"~~
姑仔同呀b玩我覺得冇問題，
但如果要幫埋我教仔，我覺得冇呢個必要，
教唔教，識唔識教，都係我呢個做呀媽既責任~~
我覺得佢唔應該將佢自己既理念擺0係我個仔身上~~

私人傳訊

積分: 2912

11^#

發表於 09-7-4 18:21 |只看該作者

Floria, 我明白既, 姑仔係姑仔, 大家唔係一齊長大, 性格同習慣都唔同, 不過既然都要一齊住, 如果姑仔對BB同係老公都好, 我估佢個人都唔係壞既, 試下當佢係自己妹咁你會開心D.

我同弟婦性格都唔同, 不過我一開始就好似錫細佬咁錫埋佢女朋友, 依家我地好似兩姊妹咁, 有錯我都會同佢講架, 不過就梗係溫和D啦!

你返到屋企都想開開心心架!

私人傳訊

積分: 531

12^#

發表於 09-7-7 12:08 |只看該作者

原帖由 kaka0608 於 09-7-4 00:40 發表
fourfour713:
要解開你嘅心結其實唔難,最主要就係因為你"一路以黎同姑仔相處都係一般",你這種想法(感覺)就是導致你會唔開心嘅原因,換轉你bb黐嘅係一個與你關係好好嘅人,你就一定唔會吃醋,其實你姑仔肯錫你bb都係一件 ...

好同意你既講法，我都係因為最初想自己湊BB，唔想99湊，當我陀到四、五個月果時，我老公話想佢阿媽湊，我唔想，叫佢你不如問下你阿媽先，湊BB好困身，好辛苦，佢咁既年紀，隻眼又唔好，佢都未必肯，點知佢阿媽冇say no，我極失望，我覺得我由果刻開始，就有D對佢阿媽「雞蛋裡挑骨頭」，其實我以前同佢好少接觸，對於佢既優點缺點都唔會上心，甚至留意唔到。我都有靜落黎反省對佢既偏見，偏見可能係因為我有D覺得佢搶左我個囡，因為佢抹煞左我做全職媽媽既希望。其實我都覺得自己對佢都好唔公平，但係理性有時又控制唔到我既情緒，我甚至怨恨過點解我同阿囡之間會出現這個磨心．．．

有晚當我好唔開心咁諗「點解我同阿囡之間會出現這個磨心」時，我突然間領悟到，其實，有冇呢個磨心，都只是睇我自己點睇，這個「磨心」其實係由我自己既心念而黎，所謂「一念天堂，一念地獄」，我要好好咁同阿囡開心過每一分每一秒其實很簡單，只要我放開懷抱，正面咁去睇每一件事，欣賞別人好處，體恤別人難處，咁樣就可以同阿囡過一個快樂既童年。

當然啦，講就易，實行就難，不過知道這些道理，總比將自己既心困死好好多了。

[ 本帖最後由銀杏於 09-7-7 12:10 編輯 ]

私人傳訊

積分: 1322

13^#

發表於 09-7-7 15:14 |只看該作者

你地都講得好0岩既~~~

不過的而且確係講易做難，
唔知點解，我覺得自己生左b之後好似對好少事都好執著咁~~

而有d野我覺得死忍都唔係辦法囉~~

我好希望我姑仔知道自己0係屋企係咩角色，
有時會覺得佢對呀b既說話同措辭好似呀b個媽咪一樣~~
甚至我覺得佢有d"越權"~~

不過大家放心啦~~
我需要一d時間去放開一d~~

私人傳訊

積分: 1322

14^#

發表於 09-7-7 15:18 |只看該作者

原帖由 hicaca 於 09-7-4 18:21 發表
Floria, 我明白既, 姑仔係姑仔, 大家唔係一齊長大, 性格同習慣都唔同, 不過既然都要一齊住, 如果姑仔對BB同係老公都好, 我估佢個人都唔係壞既, 試下當佢係自己妹咁你會開心D.

我同弟婦性格都唔同, 不過我一開始就好 ...

要同姑仔講佢既錯係好難既事...
雖則佢係我姑仔，但佢大我幾個月架，
而佢成日都"恰"佢呀哥(即我老公)，
又覺得自己好叻，成日指出人地既錯處~~
試問我呢個呀嫂可以做d咩?

私人傳訊

積分: 2912

15^#

發表於 09-7-7 16:13 |只看該作者

咁真係幾難應付, 希望妳可以調節到啦! 當然, 最好係佢自己識反省啦!

原帖由 fourfour713 於 09-7-7 15:18 發表

要同姑仔講佢既錯係好難既事...
雖則佢係我姑仔，但佢大我幾個月架，
而佢成日都"恰"佢呀哥(即我老公)，
又覺得自己好叻，成日指出人地既錯處~~
試問我呢個呀嫂可以做d咩? ...

私人傳訊

積分: 1322

16^#

發表於 09-7-7 16:49 |只看該作者

原帖由 hicaca 於 09-7-7 16:13 發表
咁真係幾難應付, 希望妳可以調節到啦! 當然, 最好係佢自己識反省啦!

Carmen，你講中左呀~~
我就係想佢自己反省囉..
真係話佢又唔係，唔話佢又唔係呀~~
話佢又怕佢唔鐘意，
唔話佢又怕佢唔知自己衰乜野...
真係好惡搞架~~

私人傳訊

積分: 531

17^#

發表於 09-7-7 16:51 |只看該作者

原帖由 fourfour713 於 09-7-7 15:14 發表
你地都講得好0岩既~~~

不過的而且確係講易做難，
唔知點解，我覺得自己生左b之後好似對好少事都好執著咁~~

而有d野我覺得死忍都唔係辦法囉~~

我好希望我姑仔知道自己0係屋企係咩角色，
有時會覺得佢對呀b既說話同措辭好 ...

真係講易做難....好明白。而家返緊工，當然可以EQ高D，高談闊論，但係一返到屋企，見到我99，我又會情緒變差，我之前兩晚都有發佢少少脾氣．．．．

我另外一個post"做左一年媽媽，有咁感想呀?"都有提過生左BB後變得執著計較左....老實講,我鍾意未生之前既我多好多......我都係努力改緊。

有冇同你老公傾過？

私人傳訊