夫婦情感 今日: 8 | 主題: 42762

積分: 23531

1^#

發表於 09-7-6 00:25 |只看該作者 |倒序瀏覽 |打印

前日落雨, 老公成日都話一把遮3個人擔(囡囡3歲), 出門冇耐d雨越落越大, 我就發難渣話, 成日都話擔一把, 咁大雨點擔啫. 跟住我話返轉頭攞, 佢話佢攞. 一直大家都冇野有傾有講, 去街2hrs後經過街市, 老公話抱起囡囡, 我聽唔到, 佢就好忟憎話你唔抱我抱, 我就嬲嬲地話我都聽唔到你叫抱. 跟住大家都冇野, 一小時後放低囡囡係屋企, 我地去食tea, 佢話我而家仲識嬲你你都好d, 我驚第日我再冇野同你講. 果刻, 我個心又實又碎, 原來一直以來佢係咁諗我, 我好proud of有個好老公, 但原來佢係忍受我.

佢話我皮氣唔好, 有時發難渣, 自問我係一個eq好好既女人, 偶然, 老公有d意見, 我既性格係未分析就會band左佢, 但冇耐我會接受, 因為只係我口頭蟬, 佢原來一直唔中意, 但佢成日有不滿就唔出聲, 問佢, 佢話唔講費事鬧交, 我同老公1x年, 我地從來唔鬧交, 只會冷戰, 而這1x年次數5隻手指都數得晒(都係我嬲佢多), 個個都話我地恩愛, 老公都好錫我, 就算生左囡囡之後, 老公依然送花.

其實, 我知問題所有, 因為囡囡出世後, 我堅持囡囡同我地瞓, 老公唔中意, 因佢話影響夫妻感情, ML既機會真係好少, 老公有出過聲, 但我擔心囡囡同工人瞓冇人蓋被, 所以一直都冇理老公怨言, 老公話佢已放氣唔會再主動與我ML, 好明顯自從囡囡出世後, 夫妻關係係淡左, 但我冇諗過原來佢係咁諗, 佢係咁唔滿意我, 原來大家諗法咁唔同, 係咪性愛就一定咁重要, 係人都冇缺點, 點解咁耐夫妻, 你唔可以容忍我少少既問題, 同樣, 你應成我介煙, 到囡囡出世至今, 你都未介到, 我都隻眼開隻眼閉, 你唔係我同子囡面前食, 我當唔知, 我微不足度既少少皮氣你都話受唔到, 老實講, 女人當中我既皮氣比一般女人好, 我曾經同我老公講, 如果你係我XX 或 XX 或 XX既老公, 佢地係大庭廣眾落公老面, 噴老公一面屁, 你係佢老公你會點, 佢回覆話, 如果係一早離左婚或唔會婜佢, 佢好唔接受.

我都唔知應該點做, 個心好唔舒服!

0 0 0

私人傳訊

alik

公爵府

積分: 25507

2^#

發表於 09-7-6 00:42 |只看該作者

似乎你同你老公都有幾多問題, 我覺得你應該冷靜落黎, 認真諗下佢講既嘢係咪啱. 有時一個人俾人挑剔, 火遮眼時就會開始互數, 問題始終都無被解決. 我認為應該一單還一單去解決, 唔好越撩越多問題出來, 唔係一發不可收拾.

樓主, 你想兩夫婦繼續一齊生活, 定係分開?

私人傳訊

積分: 23531

3^#

發表於 09-7-6 01:01 |只看該作者

梗係一齊喇! 自從佢番說話講左之後, 我知問題嚴重性, 好擔心佢有日會離開我, 但.....係呢一刻, 我咩都唔想做, 亦唔想為佢做, 我唔知佢想點, 我自己都唔知想點. 呢2個月大家都成日講股票, 大家講得好開心, 因為大家都講大家賺左第一個X萬, 我瞳景著未來的日子, 佢無喇喇同我講呢D說話, 其實, 佢講果時係笑住咁講, 佢叫我反省, 但我個心真係好唔開心唔舒服.

老公係我初戀, 大家一齊咁耐, 從冇第三者, 一直自以為生活幸福, 佢一番說話, 令到我好夢粉碎.

原帖由 alik 於 09-7-6 00:42 發表
似乎你同你老公都有幾多問題, 我覺得你應該冷靜落黎, 認真諗下佢講既嘢係咪啱. 有時一個人俾人挑剔, 火遮眼時就會開始互數, 問題始終都無被解決. 我認為應該一單還一單去解決, 唔好越撩越多問題出來, 唔係一發不可收 ...

私人傳訊

Nancy20090615

瑪瑙宮

積分: 137161

4^#

發表於 09-7-6 01:02 |只看該作者

聽您老公口氣對您都未死心, 就黎谷爆姐. 有工人又未必再要同囡囡瞓了. 睇下點安排氹返老公, 免致太遲呀.

私人傳訊

vet

積分: 52961

好媽媽勳章畀面勳章

5^#

發表於 09-7-6 01:10 |只看該作者

你要讓步, 你要比女女同工人瞓, 呢樣嘢好緊要, 而且你女女都會有大的一日, 十歲都會踢被,唔通你同佢瞓10年咩,最多晚上去睇吓佢,着長褲瞓又得,唔好太緊張!

影響到夫妻感情好唔抵,比人乘虛而入重唔抵!你睇吓呢度好多例子

私人傳訊

積分: 23531

6^#

發表於 09-7-6 01:11 |只看該作者

多謝你呢番說話, 睇左個心舒服D. THANKS!

原帖由 Nancy20090615 於 09-7-6 01:02 發表
聽您老公口氣對您都未死心, 就黎谷爆姐. 有工人又未必再要同囡囡瞓了. 睇下點安排氹返老公, 免致太遲呀.

私人傳訊

vet

積分: 52961

好媽媽勳章畀面勳章

7^#

發表於 09-7-6 01:12 |只看該作者

呢次算係warning
好好真惜丈夫
唔好只顧BB呀

私人傳訊

積分: 23531

8^#

發表於 09-7-6 01:15 |只看該作者

而且你女女都會有大的一日, 十歲都會踢被,唔通你同佢瞓10年咩,最多晚上去睇吓佢,着長褲瞓又得,唔好太緊張!---------->>> 我朋友之前都有講過類似既說話, 可能一日未知嚴重性, 自己一日唔正視, 希望而家唔會太遲.

多謝你!

原帖由 vet 於 09-7-6 01:10 發表
你要讓步, 你要比女女同工人瞓, 呢樣嘢好緊要, 而且你女女都會有大的一日, 十歲都會踢被,唔通你同佢瞓10年咩,最多晚上去睇吓佢,着長褲瞓又得,唔好太緊張!

影響到夫妻感情好唔抵,比人乘虛而入重唔抵!你睇吓呢度好多 ...

私人傳訊

積分: 23531

9^#

發表於 09-7-6 01:20 |只看該作者

有個年長少少既男性朋友曾經講過, 一對夫妻感情如果好, 佢地既性關係一定都會好, 佢講時我好認同, 因為果時係新婚2年, 性關係一直都好好, 直至囡囡出世後就改變, 自己好似唔再雖要這方面.

私人傳訊

vet

積分: 52961

好媽媽勳章畀面勳章

10^#

發表於 09-7-6 01:27 |只看該作者

而家去改變一定唔遲,相信你老公會明白你心意, 你地會更恩愛tim

加油

私人傳訊

gobby926

男爵府

積分: 5770

11^#

發表於 09-7-6 01:41 |只看該作者

老公係陪你一生的人,要好好珍惜.
囡囡始終會大,唔洗咁擔心.

私人傳訊

casllsac 該用戶已被刪除

12^#

發表於 09-7-6 08:41 |只看該作者

提示: 作者被禁止或刪除內容自動屏蔽

私人傳訊

jacquesau

珍珠宮

積分: 35592

13^#

發表於 09-7-6 09:17 |只看該作者

我都覺得要安排囡囡自己瞓啦....不過初時你囡囡會好唔慣, 你唔好一時心軟又同返呀囡瞓呀！講真, 有個囡囡瞓係隔離, 你同老公ml都唔happy啦...係咪！

男人.....真係好介意呢樣嘢架！佢重想同你ml好過佢出去玩女人, 係咪？

好好過每一天......

私人傳訊

Billychaichai

複式洋房

積分: 398

14^#

發表於 09-7-6 10:37 |只看該作者

你話你自己EQ好好。就憑下面個句說話就正明你EQ好底，同埋你都幾自我。

『老公有d意見, 我既性格係未分析就會band左佢』

私人傳訊

晴B媽